Нийтлэгдсэн: Wed, Oct 25th, 2017

Waaw l daa

gagnuur 10-25

             Утас дуугарлаа, эртний танил маань залгаж байна. “Waaw l daa, Танай эрдэнэтийн залуус гагнуурын электродын үйлдвэр байгуулчихлаа гэж үү. Үнэхээр гайхалтай. Би удахгүй танай тийшээ очно. Чи надад тэр үйлдвэр лүү замчлана шүү. Би очиж үзмээр, гартаа барьж хармаар байна” хэмээн их л сэтгэл догдлон ярих нь тэр. Энэ танил маань гагнуурчин мэргэжилтэй, үнэхээр хөдөлмөрч нөхөр л дөө. Төвийн хэвлэл мэдээллийн хэрэгслээр “Эрдэнэтэд өдөртөө 10 тонн гагнуурын электрод гаргах хүчин чадалтай үйлдвэр нээгдлээ”, “Өдөрт 10 тонн гагнуурын электрод үйлдвэрлэх хүчин чадалтай үйлдвэр ашиглалтад орлоо” зэргээр энэ үйлдвэрийн тухай мэдээлж байна.“Сайхан мэдээ байна. Баяр хүргэе”, “Маш сайхан мэдээ байна амжилт хүсье”, “Тун сайн байна. Үнэ ханшаа бодолцоорой. Үндэсний үйлдвэрийн бүтээгдэхүүн дэндүү үнэтэй байдаг”, “Урагшаа нэг алхлаа”, “Saihan medee baina. Ta buhnii ajild ih amjilt husie”, “сайхан мэдээ байна амжилт гагнуурын электродоо өөрсдөө хийгээд эхлэнэ гэдэг бас л нэг дэвшил” гэх зэргээр уншигчдын сэтгэгдэл хөвөрч байна.

gagnuur 2-10-25

Аравдугаар сарын 23-н буюу энэ долоо хоногийн даваа гарагийг Эрдэнэтчүүд нэгэн шинэ үйлдвэрийн тууз хайчлан эхлүүлсэн. Хаа нэгтээ энд тэнд нээгддэг, тууз хайчилсан үйлдвэрийг бодвол Эрдэнэт хотод эрч хүч, өнгө нэмсэн “Гагнуурын электродын үйлдвэр” өөрийн гэсэн өвөрмөц онцлогтой. Энэ үйлдвэрийг Эрдэнэтийн хөрсөн дээр байгуулж, туршилтаа хийж, улмаар импортыг орлох, валют хэмнэх гээд бүхий л давуу талыг өөртөө шингээсэн баялаг бүтээсэн залуус бол доктор Ph.d Г.Энхбаяр даргатай “Эрдэнэт шинжлэх ухаан технологийн парк”-ынхан. Тэд өнөөдөр олон улсын ISO 9001:2007 стандартыг Эрдэнэтэд нутагшууллаа.

Бараг жилийн өмнөхөн байх, ОХУ-д докторын зэрэг хамгаалаад ирсэн Г.Энхбаярыг энэ паркын дарга болсонд олон хүн түүнийг “толгой нь эргэсэн амьтан” гэж хэлж байсан удаатай. Тэр үед “Эрдэнэт үйлдвэр”-ийн удирдлага шинэхэн докторын дипломны бэх нь ч хатаж амжаагүй байхад түүнд нэгэн том албан тушаал амлаж байсан юм. Энхбаярын аав Ш.Ганбат дарга “Ирээдүйгээ бодвол үйлдвэрээ бараадсан нь дээр юмсан. Өөрөө юм хийе, бүтээе гэж зүтгээд байна. Миний хүү ч алдахгүй л дээ. Ийм насан дээр бүх юм санаанд багтаад сайхан байдаг. Ах нь хүүгээ дэмжээд зөвшөөрлөө” хэмээн ярьж байсан нь өнөөдөр ч санаанд тодхон байна. Ийнхүү өнөөдөр Г.Энхбаяр даргатай “Эрдэнэт шинжлэх ухаан технологийн парк”-ын залуус өдөрт 10 тонн гагнуурын электрод үйлдвэрлэх хүчин чадалтай үйлдвэр байгуулж, Эрдэнэтийн нэрийг Монгол даяар цуурайтуулж байна.

Аймгийн Засаг дарга Д.Батлутын мөрийн хөтөлбөрт “Шинжлэх ухаан технологийн паркын үйл ажиллагааг цаасан дээрээс амьдралд, бодит хөрсөн дээр буулгана” хэмээн туссан байдаг. Засаг даргын хувьд хотынхоо ирээдүй болсон залуу, шинэхэн доктортоо итгэсэн нь эндүүрэл болсонгүй. Өдөртөө 10 мянган тонн гагнуурын электрод үйлдвэрлэдэг энэ үйлдвэрийн “Welding elektrodes” нэртэй бүтээгдэхүүн өдөртөө 60 тонныг хэрэглэдэг “Эрдэнэт үйлдвэр”-ийн хэрэгцээг хангаад зогсохгүй “Оюу толгой”-гоос гэрээ байгуулах санал авах өдөр удахгүй ирэх биз. Шинэ мянганд энэ цагийн залуус Эрдэнэтийн өнгийг тодорхойлж, ирээдүйг нь авч явна гэдгийг уурхай дагаж боссон хотын иргэд бид итгэдэг. Миний хуучин танил юм л бол “Waaw l daa” хэмээн уулга алддаг. Энэ удаад танилынхаа энэ үгээр нийтлэлээ гарчиглаж Г.Энхбаяр тэргүүтэй Эрдэнэт хотын мянга мянган залуустаа хүргэж байна. Эрдэнэт хотын ирээдүй гэрэлтэй байна.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • С.Ганцогт: Би Монголын төрийг ойлгохгүй байна, энэ шүүх иргэдийн шүүх үү, АН-ын шүүх үү
  • Б.Ганзориг: Нэгийг нь Төөнөгөөд өгсөн, харин нөгөө нь….
  • “Эрдэнэс Тавантолгой”-н ТУЗ-ийн шинэ гишүүдийг томилжээ
  • АЙМГИЙН ЭДИЙН ЗАСАГ, НИЙГМИЙГ 2019 ОНД ХӨГЖҮҮЛЭХ ҮНДСЭН ЧИГЛЭЛИЙН ТӨСЛИЙГ ӨРГӨН БАРИЛАА
  • Нөхөн сонгуульд МАН үнэмлэхүй ялалт байгуулжээ
  • “Эрдэнэс таван толгой” IPO -гоо ч гаргана, иргэдэд ногдол ашиг ч тараана
  • ТОСК-ийн 315 айлын орон сууцны ус, дулаан татах хөрөнгийг шийдээгүй байна
  • “Их хаадын цуваа” цэцэрлэг, сургууль барих гэрээний заалтаа өөрчлүүлж чаджээ
  • Агаарын бохирдлыг бууруулах цахилгаан халаагуурыг туршиж эхэллээ
  • Малын гаралтай түүхий эдийн цэгүүдийг “Таван-Эрдэнэ”-д төвлөрүүлнэ
  • ЭРДЭНЭС ТАВАНТОЛГОЙ БА 1072 ШИРХЭГ ХУВЬЦАА 1072 хувьцааны талаар эндээс мэдээрэй
  • Жаргалантынхан “Ахмадын баяр”-аа тэмдэглэв
  • Аймгийн ИТХ-ын дарга П.Пүрэвлхагва Жаргалант сумын зарим өндөр настанд хүндэтгэл үзүүллээ
  • Жаргалант сум “удирдлагагүй болжээ”
  • М.Түмэнжаргал: 500 мянган төгрөг шийдэж чадахгүй юм бол агентлаг гэж байлгаад яадаг юм бэ, чи
  • С.Ганцогт: “Буянт хангай”, Бугатын модны захыг хаана
  • Хэв журам, сахилга хариуцлагыг сайжруулахад 11,6 тэрбум төгрөг шаардлагатай
  • Шанд багийн газрын гүнд 115.2 сая тонн хүдрийн нөөц байна
  • Эрдэмтэд Эрдэнэт үйлдвэрийг ч эх орноо ч хөгжүүлэхээр Эрдэнэтэд чуулж байна
  • М.Мөнхбаатар: Засгийн газар аж ахуйн асуудалд оролцдог явдал үүгээр дуусаасай гэж бодож байна
  • Б.Ганхуяг: Хувьцааны мөнгө дутуу орсон гэх гомдолтой иргэд дансны хуулгыг харах хэрэгтэй
  • “Монгол зэс” заргаа авчээ
  • Дээд шүүхээс “Эрдэнэт” үйлдвэрийн 49 хувийн асуудлаар Засгийн газрыг хууль зөрчсөн гэж үзжээ
  • Үйлдвэрлэлийн төлөвлөгөө бүх үзүүлэлтээр 100-аас дээш хувиар давж биелжээ
  • Цаг агаарын аюултай үзэгдлээс сэрэмжлүүлж байна
  • Шүүхийн шийдвэрийн дагуу дахин сонгууль болох нь ээ
  • Төрийн ажил өглөө 08.30 цагт эхэлдэг болно
  • Ж.ЭРДЭНЭБИЛЭГ: 520 тэрбум төгрөгийн татвар төлөөд байна
  • “Эрдэнэс таван толгой” Олон нийтийн зөвлөлтэй болно