Нийтлэгдсэн: Sun, Oct 29th, 2017

Шинэ цагийн “Гул Аранжин”-гийн сураг нь ч гарсангүй

22901572_1960701000862950_202152213_n

              Манай аймгийн ИТХ 33 төлөөлөгчтэй. Түүний 30 нь МАН-аас сонгогчдсон төлөөлөл бол үлдсэн гурав нь АН-ын гишүүнчлэлтэй.  Энэхүү 33 төлөөлөгчийн дунд иргэд, сонгогчиддоо бол “Сураад олддоггүй сувд, эрээд олддоггүй эрдэнэ” болсон “Гул Аранжин”  нэгийн зэрэг бий. Түүнийг Д.Даваадорж хэмээдэг. 2016 оны орон нутгийн сонгуульд МАН-аас Баянцагаан багт нэр дэвшин сонгогдсон. Өөрөөр хэлбэл, Баянцагаан багийн иргэд түүнийг 2016-2020 онд өөрсдийг нь төлөөлж чадна, бидний дуу хоолойг  орон нутгийн төвшинд хүргэнэ гэж итгэж сонгосон байж таарна. Гэвч түүний хувьд Баянцагаан багийн иргэд, сонгогчдыг Яамны газрын даргын албан тушаалаар арилжчихсан гэхэд нэг их буруудахгүй. Ямар сайндаа Баянцагаан багийн зарим нэг сонгогч “Даваадоржийг Эрдэнэтэд ирвэл хэл дуулгаарай. Эрдэнэтийн хонхорт эргэж нэг уулзах өдөр ирэх байлгүй” хэмээн шүүрс алдаж байсан. Аймгийн ИТХ-ын ээлжит наймдугаар хуралдаанаар Баянцагаан багийн Шар чулуутын энгэр, бүр тодруулбал “Номин” хорооллын хойд талын, “Эрдэнэт Булганы цахилгаан түгээх сүлжээ”-ний баруун газарт хэсэгчилсэн ерөнхий төлөвлөгөө хийх гэж байхад нутгийнх нь “Депутат” ширээнийхээ араас ховхроод хүрээд ирэх болов уу гэж эрдэнэтчүүд харсан байх. Гэтэл Д.Даваадорж төлөөлөгчийн дүр нь байтугай сураг нь ч гарсангүй.

Түүний хувьд аймгийн ИТХ-ын хуралдаанд ганцхан удаа суусан. 2016 оны долоодугаар сард болсон аймгийн ИТХ-ын анхдугаар хуралдаанд Д.Даваадорж төлөөлөгч оролцож бүрэн эрхээ баталгаажуулсан байдаг. Түүнээс хойш ганц ч удаа хуралдаанд оролцоогүй гэсэн үг. Баянцагаан багийн төлөөлөгч Д.Даваадоржийн хувьд Ерөнхий сайд асан Ж.Эрдэнэбатын Засгийн газар байгуулагдсаны дараахан Уул уурхай, хүнд үйлдвэрийн яамны Төрийн захиргаа, удирдлагын газрын даргын суудалд тухалсан. Түүнд энэ суудлыг шагнал болгосон хүн нь УИХ-ын дэд дарга Л.Энх-Амгалан гэж улс төрийн хүрээнийхэн шивэр авир хийдэг. Яг өнөөдрийн хувьд У.Хүрэлсүхийн Засгийн газар байгуулагдаад энэ яамны сайдаар Д.Сумъяабазар томилогдсон. Шинэ сайдын хувьд яамныхаа газрын дарга нарыг өөрчлөх сураг гарч байсан. Харин Д.Даваадоржийн хувьд УИХ-ын дэд дарга Л.Энх-Амгалангийнхаа татаас, тэмжлэгээр яамны газрын даргын суудалдаа үлдэж магадгүй гэнэ. Түүний хувьд албан тушаал л чухал болохоос аймгийн ИТХ-ын төлөөлөгчөөр сонгосон Баянцагаан багийн иргэдийн хувьд бол Д.Даваадорж гэдэг хүний энгэрт гялалзах аймгийн ИТХ-ын төлөөгчийн тэмдэг нэр төдий бололтой. Ямар ч байсан манай аймгийн шинэ цагийн “Гул Аранжин” болох Д.Даваадорж даргад Баянцагаан багийн иргэд, Шар чулуутын энгэрт хийх хэсэгчилсэн ерөнхий төлөвлөгөө падлийгүй бололтой.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • П.Пүрэвлхагва: Үйлдвэрийн нэг уурхайчин та энэ жил 100 гаруй сая төгрөгийн баялаг бүтээжээ
  • М.Мөнхбаатар: Уурхайчин та бүхэндээ, ахмадууддаа мэхийн ёсолъё
  • “Эрдэнэт үйлдвэр”-ийг Юмжаагийн Цэдэнбалын одонгоор шагнажээ
  • Х.Бадамсүрэн: Орон сууцны дэмжлэгийн мөнгийг 12 сая төгрөг болгож нэмэгдүүллээ
  • Хүний амь наснаас илүү бензины хэмнэлт гэж байх уу
  • Жолооны дамжаа 14 хоног болсон, гэвч…
  • П.Пүрэвлхагва: ГОК-ын цуваа төрийн хамгаалалттай цуваа биш шүү
  • Юмжаагийн Цэдэнбалын хөшөөний нээлт боллоо
  • Явган зам дагасан явган сурвалжлага III
  • Явган зам дагасан явган сурвалжлага II
  • Явган зам дагасан явган сурвалжлага I
  • П.Пүрэвлхагва: Эдийн засаг тогтворгүй бол хүн амын сэтгэл зүй тогтворгүй байдаг
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна