Нийтлэгдсэн: Wed, Nov 1st, 2017

Баян-Өндөр сум хүүхдүүдийг ялгаварлан гадуурхаж эхэллээ

Odgerel 10-30

Баян-Өндөр сумын орлогч дарга Ц.Одгэрэл аймгийн Засаг даргын даваа гарагийн шуурхай дээр өнгөрсөн долоо хоногт хийсэн ажлынхаа талаар мэдээлэл хийсэн юм. Түүний мэдээлэлд “Сумын зүгээс гэмт хэрэг, зөрчилд холбогдож болзошгүй 51 хүүхдийн судалгааг гаргаж цагдаагийн байгууллагад хүлээлгэн өглөө” хэмээн дурдагдаж байна. Эндээс харвал Баян-Өндөр сумын удирдлага, түүний Тамгын газар нь өсвөр насны хүүхдүүдийг ялгаварлан гадуурхаж, нийгмээс тусгаарлан улмаар хүүхдийн эрх ашгийг ноцтой зөрчсөн үү гэж асуухад хүргэж байна.
Өсвөр насны хүүхдүүдийг нийгмийн гарал үүсэл, өмссөн зүүсэн, гадаад хэлбэр үзэмжээр ялгаварлаагүй л бол мал заазлах гэж байгаа мэт ирээдүй болсон хүүхэд багачуудыг гэмт хэрэг, зөрчилд холбогдож болзошгүй гэж ялгаварлах эрх Баян-Өндөр сумын удирдлагад бий юү. Хэрэв хэн нэгэн хүн уншигч таныг “Чи гэмт хэрэг, зөрчилд холбогдож болзошгүй этгээд байна” гэвэл таны зүрх хүчтэй лугшиж өөрийн нэр төрийн төлөө өнөөх нөхрийг “Чи юү гэж хуцаад байна аа” гэж хэлээд заамдаад авна даа. Даанч тэрхүү тусгаарлагдсан 51 хүүхдэд эрхийнхээ төлөө тэмцэх хүчин мөхөс учраас дарга нар тэдэнд янз бүрийн нэр хоч өгч, нийгмээс тусгаарлаж байгааг аймгийн Засаг даргын шуурхайд оролцсон дарга нар “Баян-Өндөрийн удирдлага сайн ажиллажээ” гээд толгой дохин суусан. Тэгвэл хүүхдүүд ийнхүү ялгаварлан гадуурхуулсан эрхээ хэнээр өмгөөлүүлэх, хамгаалуулах вэ. Тэдний эрх ашгийг хамгаалах газар байна уу гэж асуумаар.
Хүүхэд, гэр бүлийн хөгжлийн газрын дарга нь аймгийн Засаг даргын шуурхай дээр энэ мэдээллийг сонсоод л сууж байсан. Баян-Өндөр сумын удирдлагын гэмт хэрэг, зөрчилд хамрагдаж болзошгүй гээд ялгаварласан 51 хүүхдийн хувь заяаг тэгээд цагдаагийн байгууллагад даатгаад хаях уу. Энд тэнд жижиг сажиг гэлтгүй орон байрны хулгайгаас эхлээд янз бүрийн хэрэг төвөг гарвал цагдаагийнхан хамгийн түрүүнд өнөөх 51 хүүхдийг “сэжигтнээр” татан шалгах уу. Эсвэл цагдаагийн байгууллага тэрхүү 51 хүүхдийг ирээдүйн “гэмт хэрэгтнүүд” гээд нийгмээс тусгаарлах уу. Ажил хийнэ хийнэ гэхэд арай ч ингэж хүүхдүүдийг чи гэмт хэрэгт холбогдож болзошгүй этгээд, зөрчил гаргаж магадгүй нөхөр гээд “Зөрчлийн тухай хууль”-иар яллах гэж байгаа Баян-Өндөр сумын удирдлагын өнгөрсөн долоо хоногийн өвөрмөц ажлыг юу гэж ойлгох вэ. Эцэг, эхээс заяасан нэрнийхээ өмнө “Гэмт хэрэг, зөрчилд холдбогдож болзошгүй хүүхэд” хэмээх тодотголтой дээрх 51 хүүхэд өнөөдөр хаана явна вэ. Цагдаагийн байгууллагад судалгаа гаргаад л өгчихвөл бүх асуудал “ОК” болох уу, дарга нар аа.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Солонгосчууд Эрдэнэтийн хүүхэд, ахмадуудын шүдэнд анхаарлаа хандуулж эхэллээ
  • Л.Эрхбаатар, Б.Мөнхдалай, Я.Тунгалаг, Г.Баярцогт нар сураггүй байгаа гэнэ
  • Баярын үеэр хоёр иргэн амиа хорлож, нэг хүн архинд хордож нас баржээ
  • Б.Зоригтбаяр урилга тарааж, дарга нар овооров
  • А.Түвшинжаргал: М.Мөнхбаяр нарыг тэр шүүхэд нь өг л дөө
  • 2022 оны хөлбөмбөгийн дэлхийн аваргын тэмцээн өвөл болно
  • Ц.Пүрэвтүвшин: Орхончуудтайгаа баяр наадмаа хамт тэмдэглэж байгаадаа үнэхээр сэтгэл хангалуун байна
  • “Оюу толгой” ХХК-ийн уурхайчдад илгээх МЭНДЧИЛГЭЭ
  • Эрдэнэтийн уурхайчдаас хөдөлмөрийн баатар нэг , гавьяат цолтон гурав төрлөө
  • Наадмын өнгө…
  • Мөнхөөгийн Мөнхбаярын их нас хоёр дахь удаагаа алтан жолоогоо өргүүллээ
  • Орхон аймгийн АН-ын мэндчилгээ
  • Эрдэнэт хотын бэлгэдэл Цагаан арсланг анх удаагаа залав
  • Эзэн Чингисийн зарлигаар энэ удаагийн наадам эхэллээ
  • МЭНДЧИЛГЭЭ
  • Яргуйт багийн хүүхдүүд ирэх намар цэцэрлэгтэй болно
  • “Эрдэнэт хотын хүндэт иргэд” тодорлоо
  • МЭНДЧИЛГЭЭ
  • Эмч нар дөрвөн настай хүүхдэд үйлчилгээ үзүүлэхээс татгалзжээ
  • Д.Соёлчхүү: Адууг нь махлаад зар, тэднийг юунд нь хайрладаг юм бэ
  • Хуушуурын зөвшөөрлийг цахимаар олгоно
  • Баяр наадмын үеэр наадмын талбай, морь барианы газарт хуушуур, хийх зөвшөөрөл олгогдсон газрын байршил, дугаар
  • Баяр наадмын үеэрх Нийтийн тээврийн үйлчилгээний түр маршрут
  • ЖАНЗЭ ЦОРЖ ГОСОГ РИНБҮҮЧИЙГ ХҮЛЭЭН АВЧ УУЛЗЛАА
  • Х.Бадамсүрэн: Үйлдвэрийн бүх ажилчдаа 1-3 сая төгрөгөөр шагнаж урамшууллаа
  • Д.Мөнхбаатар: Үйлдвэр байгуулсан түүхэн шийдвэрийг бид зэс эрдэнээр мөнхөллөө
  • “Эрдэнэсийн эзэд” Эрдэнэт хотыг чимлээ
  • “Эрдэнэт үйлдвэр”-ийг Сүхбаатарын одонгоор шагналаа
  • Үйлдвэрийн 40 жилийн ойн баярын зочдын сонирхолтой агшнууд
  • МЭНДЧИЛГЭЭ