Нийтлэгдсэн: Wed, Nov 29th, 2017

АТГ-аас С.Жаргалсайхан нарт арга хэмжээ авах санал хүргүүлжээ

ATG

Авлигатай тэмцэх газар /АТГ/-аас даваа гарагт сэтгүүлчдэд мэдээлэл хийсэн юм. АТГ-ынхан арваннэгдүгээр сарын 23-25-нд манай аймагт ажилласан. Мөн тус газраас ажлын долоон хэсэг гарч, 21 аймагт ажиллаж, орон нутагт илэрсэн зөрчил дутагдлуудын талаар мэдээлэв. Тодруулбал орон нутагт ажиллах хугацаанд хэн нэгэн албан тушаалтныг улс төрийн болон бусад зорилгоор харлуулж, өрсөлдөгчөө зайлуулах гэсэн санаагаар АТГ-т хандах, худлаа мэдээлэл өгөх тохиолдлууд их гарчээ. Улмаар үүний дараа АТГ албан тушаалтантай хуйвалдаж, хэрэг шалгахгүй байна гэх мэт яриа гаргаж буй асуудал орон нутагт түгээмэл байсан гэдгийг АТГ-ынхан энэ үеэр онцолсон байна. Авлигынханы энэ удаагийн хөдөө орон нутагт хийсэн хяналт, шалгалт Сум хөгжүүлэх сангийн зээл олгох сонгон шалгаруулалтын талаар, Хувийн ашиг сонирхлын урьдчилсан мэдүүлгийн хяналтын талаар, Өргөдөл, гомдол, мэдээллийн хяналт шалгалтын талаар, Албан тушаалтны хувийн ашиг сонирхлын болон хөрөнгө, орлогын мэдүүлгийн хяналт шалгалтын талаар, Албан томилолтоор ажиллахад аймаг, орон нутагт гарч буй нийтлэг зөрчил зэрэг олон чиглэлээр шалгасан аж.
АТГ-ынхан орон нутагт ажилласан энэ үеэр ирсэн өргөдөл, гомдол, мэдээллийг агуулгын хэлбэрээр нь нь авч үзвэл, албан үүргээ гүйцэтгэхдээ ашиг сонирхлын зөрчил гаргаж, албан тушаалтанд тавигдах хориглолт, хязгаарлалтыг зөрчсөн, ашиг сонирхлын зөрчилтэй хууль бус томилгоотой холбоотой мөн аймаг, сумын ИТХ-ын тэргүүлэгч, төлөөлөгчид төрийн захиргааны албан тушаалд томилогдон ажиллаж байгаа тухай гомдол мэдээлэл түлхүү ирсэн байна. Үүн дотор манай аймгаас хэдэн хүний нэр дурьдагджээ. Тухайлбал, аймгийн ИТХ-ын төлөөлөгч, аймгийн Байгаль орчин, аялал жуулчлалын газрын дарга С.Жаргалсайхан, аймгийн ИТХ-ын төлөөлөгч, аймгийн ЗДТГ-ын ХОХБТХ-ийн дарга Д.Баяржаргал, Хотын захирагчийн албаны дарга М.Түмэнжаргал, Уул уурхай, Хүнд үйлдвэрийн яамны газрын дарга Д.Даваадорж нар хууль зөрчсөн гэжээ. Тэдний талаар АТГ-ынхан мэдээлэхдээ “Орхон аймгийн ИТХ-ын төлөөлөгч дээрх нэр бүхий эрхмүүд Төрийн захиргааны албан тушаалд томилогдсон байгаа нь “Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль”-ийн 18 дугаар зүйлийн 18.1-д “Албан тушаалтан энэ хуулиар зөвшөөрснөөс өөр ажил, албан тушаал давхар эрхлэхийг хориглоно” гэж заасныг зөрчсөн нь тогтоогдсон тул арга хэмжээ авахуулах, зөрчлийг арилгуулахаар холбогдох албан тушаалтанд албан бичиг хүргүүлсэн” гэжээ.
Эндээс харвал С.Жаргалсайхан нар нь Монгол Улсын хууль зөрчсөн гэдгийг АТГ тогтоосон байна. Улмаар тэдэнд хариуцлага тооцох тухай саналыг аймгийн Засаг даргад хүргүүлжээ. Мөн Жаргалант сумын ИТХ-ын төлөөлөгч н.Даланбаатар нь сумын ЗДТГ-ын даргаар ажиллаж байгаа аж. Түүний талаар ч АТГ-ынхан хууль зөрчсөн талаар мэдэгдсэн байна.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • С.Ганцогт: Би Монголын төрийг ойлгохгүй байна, энэ шүүх иргэдийн шүүх үү, АН-ын шүүх үү
  • Б.Ганзориг: Нэгийг нь Төөнөгөөд өгсөн, харин нөгөө нь….
  • “Эрдэнэс Тавантолгой”-н ТУЗ-ийн шинэ гишүүдийг томилжээ
  • АЙМГИЙН ЭДИЙН ЗАСАГ, НИЙГМИЙГ 2019 ОНД ХӨГЖҮҮЛЭХ ҮНДСЭН ЧИГЛЭЛИЙН ТӨСЛИЙГ ӨРГӨН БАРИЛАА
  • Нөхөн сонгуульд МАН үнэмлэхүй ялалт байгуулжээ
  • “Эрдэнэс таван толгой” IPO -гоо ч гаргана, иргэдэд ногдол ашиг ч тараана
  • ТОСК-ийн 315 айлын орон сууцны ус, дулаан татах хөрөнгийг шийдээгүй байна
  • “Их хаадын цуваа” цэцэрлэг, сургууль барих гэрээний заалтаа өөрчлүүлж чаджээ
  • Агаарын бохирдлыг бууруулах цахилгаан халаагуурыг туршиж эхэллээ
  • Малын гаралтай түүхий эдийн цэгүүдийг “Таван-Эрдэнэ”-д төвлөрүүлнэ
  • ЭРДЭНЭС ТАВАНТОЛГОЙ БА 1072 ШИРХЭГ ХУВЬЦАА 1072 хувьцааны талаар эндээс мэдээрэй
  • Жаргалантынхан “Ахмадын баяр”-аа тэмдэглэв
  • Аймгийн ИТХ-ын дарга П.Пүрэвлхагва Жаргалант сумын зарим өндөр настанд хүндэтгэл үзүүллээ
  • Жаргалант сум “удирдлагагүй болжээ”
  • М.Түмэнжаргал: 500 мянган төгрөг шийдэж чадахгүй юм бол агентлаг гэж байлгаад яадаг юм бэ, чи
  • С.Ганцогт: “Буянт хангай”, Бугатын модны захыг хаана
  • Хэв журам, сахилга хариуцлагыг сайжруулахад 11,6 тэрбум төгрөг шаардлагатай
  • Шанд багийн газрын гүнд 115.2 сая тонн хүдрийн нөөц байна
  • Эрдэмтэд Эрдэнэт үйлдвэрийг ч эх орноо ч хөгжүүлэхээр Эрдэнэтэд чуулж байна
  • М.Мөнхбаатар: Засгийн газар аж ахуйн асуудалд оролцдог явдал үүгээр дуусаасай гэж бодож байна
  • Б.Ганхуяг: Хувьцааны мөнгө дутуу орсон гэх гомдолтой иргэд дансны хуулгыг харах хэрэгтэй
  • “Монгол зэс” заргаа авчээ
  • Дээд шүүхээс “Эрдэнэт” үйлдвэрийн 49 хувийн асуудлаар Засгийн газрыг хууль зөрчсөн гэж үзжээ
  • Үйлдвэрлэлийн төлөвлөгөө бүх үзүүлэлтээр 100-аас дээш хувиар давж биелжээ
  • Цаг агаарын аюултай үзэгдлээс сэрэмжлүүлж байна
  • Шүүхийн шийдвэрийн дагуу дахин сонгууль болох нь ээ
  • Төрийн ажил өглөө 08.30 цагт эхэлдэг болно
  • Ж.ЭРДЭНЭБИЛЭГ: 520 тэрбум төгрөгийн татвар төлөөд байна
  • “Эрдэнэс таван толгой” Олон нийтийн зөвлөлтэй болно