Нийтлэгдсэн: Wed, Nov 29th, 2017

Сүрьеэ өвчний өмнө гараа өргөөд “бууж өгчээ”

Svrye uvchin 1

Аймгийн ИТХ-ын Тэргүүлэгчдийн хуралдаанаар “Аймгийн эдийн засаг, нийгмийг 2017 онд хөгжүүлэх Үндсэн чиглэлийн урьдчилсан гүйцэтгэл, 2018 онд эдийн засаг, нийгмийн хөгжүүлэх Үндсэн чиглэлийн тухай” асуудлыг хэлэлцсэн. Тэргүүлэгчдийн зүгээс өнөө жил эрүүл мэндийн салбарт хийсэн ажлуудын талаар холобгдох албаныхнаас тодруулж зарим асуултад хариулт авч байв. Энэ үеэр Эрүүл мэндийн газрын дарга М.Баттүвшин “Манай аймаг сүрьеэ өвчний эрт илрүүлэлтийн дүнгээр бусад орон нутгаас доогуур байгаа. Улсын хэмжээнд Дархан-Уул, Сэлэнгэ аймаг сүрьеэ өвчнийг эрт илрүүлэх ажлаараа тэргүүлсэн. Уг нь манайхны хувьд дээрх хоёр аймагтай эн тэнцүү өрсөлдөх боломжтой ч бид эрт илрүүлэлтийн тал дээр муу ажиллаж байна. Улсын дунджаас ч доогуур хэмжээнд явна. Энэ талаар сая Яаман дээр болсон хурал, зөвлөгөөн дээр яригдсан” хэмээн мэдээллээ. М.Баттүвшин даргын мэдээллийг харвал 2018 оны төсөв хэлэлцэж байгаа энэ үед сүрьеэ өвчний танадалт, эрт илрүүлэлтийн ажилд мөнгө, хөрөнгө тусгуулах гээд байна уу аль эсвэл өөр зорилго агуулсан уу гэдэг нь сонирхол татаж байлаа. Захын нэг иргэн биеэ зовиурлавал өрхийн эмнэлэгтээ хандахад эмч сүрьеэгийн эхний тандалтыг хийх боломжтой. Сэжигтэй гэж үзсэн тохиолдолд дараагийн шатны эмнэлэгт илгээх учиртай гэж зарим нэг эмч нар ярьж байна. Сүрьеэ өвчнийг эрт илрүүлэх, танадалт судалгаа хийхэд нэг их мөнгө, хөрөнгө орж сүйд болоод байхгүй л болов уу.

Манай аймгийн эрүүл мэндийн салбарын бодлогыг тодорхойлогч газрын даргын хийж буй тайлбараас харвал бид сүрьеэ өвчний өмнө хоёр гараа өргөөд бууж өгсөнтэй адил байдалд орсон бололтой. Сүрьеэ бол амьсгалын замаар халдварладаг өвчин. Хүүхэд гэлтгүй том хүн ч удаан хагацаанд буюу 10-аас дээш хоногоор үе үе хий ханиалгаж байгаа бол яаралтай эмчид хандах хэрэгтэй гэдгийг эмч нар зөвлөдөг. Эрүүл мэндийн байгууллагын зүгээс ч гэлтгүй дэлхийн Эрүүл мэндийн байгууллагын хувьд сүрьеэ өвчний эрт илрүүлэлтэд илүүтэй анхаардаг. Хүний бие организмд удаан хугацаагаар нуугдмал байдалтай оршдог сүрьеэгийн вирус өвчин болж даамжирвал үхэлд ч хүргэх боломжтой аж. Энэ сарын эхээр нийслэлийн нэгэн сургуулийн багш сүрьеэ өвчнөө бусдаас нууж явсаар ангийнхаа 20 гаруй шавь нартаа сүрьеэ халдаасан тохиолдол бүртгэгджээ. Тухайн багш “Сүрьеэ өвтэй гэвэл ажлаасаа халагдах учраас амьдралын эрхэнд түүнийгээ нуусан” хэмээн мэдүүлсэн байдаг. Тэгвэл ийм аюултай өвчнийг эрт илрүүлэх, тандан судалгаа хийх олон талт ажлаараа манай аймаг тун маруухан ажиллаж улмаар сүрьеэгийн өмнө гараа өргөөд бууж өгөх дээрээ тулаад байгаа бололтой. Уг нь аймаг, орон нутгийн зүгээс эрүүл мэндийн салбарынхныг дэмжих, эмч нарыг хөхиүлэх зорилготой “Эмч” дэд хөтөлбөр боловсруулах зэргээр багагүй хэмжээний хөрөнгө, мөнгө гаргаж байгаа ч мэргэжлийн байгууллага нь зарим нэг ажлаараа улсын хэмжээнд сүүл мушгиж байгааг юу гэж ойлгох вэ.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Аймгийн ИТХ-ын Тэргүүлэгчид хуралдлаа
  • Тайваний төлөөлөгчийн газраас БОЭТ-д тоног төхөөрөмж хандивлав
  • Аймгийн ИТХ-ын сонгуульд намын гишүүд нэр дэвших эрхгүй болно
  • Эрдэнэт үйлдвэр Хятадын “ICBC” банкинд хэдэн сая ам.доллар төлөх вэ
  • Сэрэмжлүүлэг
  • Монголчууд шинийн 7-нд айлд зочлохыг цээрлэдэг
  • “Эрдэнэс-таван толгой” ХК-ийн захирал Б.Ганхуяг сар шинийн мэндчилгээ дэвшүүллээ
  • Хичээл даваа гарагт эхэлнэ
  • Шөнөдөө хүйтний эрч чангарч -40-45 хэмд хүрнэ
  • Мэндчилгээ
  • Мэндчилгээ
  • МЭНДЧИЛГЭЭ
  • ОРХОН АЙМГИЙН ЗАСАГ ДАРГА БӨГӨӨД ЭРДЭНЭТ ХОТЫН ЗАХИРАГЧ ДАМБЫН БАТЛУТЫН XVII ДУГААР ЖАРНЫ ШОРООН ГАХАЙ ЖИЛИЙН САР ШИНИЙН МЭНДЧИЛГЭЭ
  • Хоёрдугаар сарын цаг агаарын урьдчилсан төлөв
  • Аймгийн Татварын хэлтсийг “Цагаан арслан” цомоор шагналаа
  • Шороон гахай жилийн цагаан сарын шинийн 1-нд мөрөө гаргах ёсон
  • Цалин, тэтгэвэр, тэтгэмжийг ингэж нэмжээ
  • Технологийн дэвшлийг ашиглаж өмч хөрөнгөө гэмт халдлагаас хамгаалаарай
  • Эмнэлэгт үзүүлэхэд ЭМД-ын дэвтэр шаардлагагүй болжээ
  • Г.Занданшатар: ‘Эрдэнэт’ үйлдвэр 100 хувийн Засгийн газрын мэдэлд байгаа
  • Өвөл, хаврын улиралд хурдан морины уралдааныг хориглов
  • Баасан гаригийн ажлын өдрийг Бямба гаригт шилжүүлээ
  • Аймгийн Цагдаагийн газар ажлаараа улсад тэргүүлжээ
  • Цагаанчулуутын 49-52 дугаар гудамжинд дахин төлөвлөлт хийх боломж бүрджээ
  • Орхон аймаг өрсөлдөх чадвараараа тэргүүлжээ
  • Дарга нар энэ жил 800 гаруй сая төгрөгөөр автомашин худалдан авах нь ээ
  • 2019 оны хөнгөлөлт чөлөөлөлтийн бүрдүүлэх материалын жагсаалт
  • Хэсэгчилсэн хорио цээрийн дэглэм тогтоолоо
  • Гахайн Африк мялзан өвчний талаарх зөвлөмж
  • Хувийн эмнэлгүүд ханиадтай хүүхдийг хөнгөлөлттэй үнээр үзэж байна