Нийтлэгдсэн: Wed, Jan 10th, 2018

Д.Батлут: Сонгууль болохгүй ээ, ялж чадаагүй бол гараа өргөж сур АН-ынхаан

ZASAG darga-1

Аймгийн Засаг дарга Д.Батлут хэвлэл, мэдээллийн байгууллагын сэтгүүлчидтэй зангиагүй уулзалт хийсэн юм. Тэрбээр энэ үеэр  дахин сонгуулийн талаар байр сууриа илэрхийллээ.

-Энэ онд сонгууль болно гэсэн мэдээлэл яваад байгаа. Манай АН-ынхан бүр илүүтэйгээр сошиал орчинд сонгууль болно гэж бичиж байгаа. 2016 оны зургаадугаар сарын 26-нд сонгууль болоод өнгөрчихсөн шүү дээ. Тэр сонгуульд аймгийн хэмжээнд 6 намын 128 нэр дэвшигч, 15 бие даагч оролцсон. Энэ сонгуульд аймгийн хэмжээний сонгуулийн насны 68 мянга шахам иргэний 48 мянга гаруй нь сонгуульдаа оролцож саналаа өгсөн. Яагаад дахин сонгууль болно гээд байгааг ойлгохгүй байна. Өнгөрсөн оны сонгуульд хуулийн дагуу улс төрийн намууд нэг тойрог дээр нэг нэр дэвшигчээ дэвшүүлсэн. Ийм хуультай. АН-аас бусад намууд энэ хуулийн дагуу тойргуудад нэг нэг нэр дэвшигчээ дэвшүүлсэн. Харин АН-ын нөхдүүд маань нэг тойрог дээр хоёр хүний нэр дэвшүүлсэн. Нийтдээ 66 хүнийг нэр дэвшүүлсэн байдаг. 2016 оны зургаадугаар сарын 5-нд нэр дэвшигчийг тодруулах сүүлчийн өдөр байсан. Харин ч манай аймгийн Сонгуулийн хороо хууль, дүрмийнх нь дагуу ажилласан гэж би боддог. Зарим тохиолдолд хууль дүрмэнд зааснаас ч илүүтэй ажилласан. Уг нь АН-ын 66 хүний нэгийг нь ч бүртгэхгүй байх боломжтой, хуулиараа. Сонгуулийн хорооныхон 66 хүний нэр дэвшүүлсэн асуудалд СЕХ-ны өгсөн зөвлөмжийн дагуу тухайн үеийн АН-ын дарга, УИХ-ын дарга З.Энхболдод хандсан байдаг. АН-аас аймгийн намын даргын итгэмжлэгдсэн хүний оруулж ирсэн 33 нэр дэвшигчийг бүртгэх ёстой гэсэн зөвлөмжийнх нь дагуу бүртгээд л явсан. Нэр дэвшигч бүртгэгдсэний дараа АН-ын 33 хүний 15-ынх нь материал дутуу бүрдэлттэй гэдэг шалтгаанаар хасагдсан. Үлдсэн 18 нэр дэвшигч сонгуульд өрсөлдсөнөөс гурав нь ялаад өнөөдөр аймгийн ИТХ-ын төлөөлөгч болсон. Үлдсэн 15 нь ялагдсан. Ийм л юм болж өнгөрсөн. Эндээс харвал сонгууль болчихсон шүү дээ, найзууд аа.

Ингээд сонгуультай зэрэгцээд 33 хүн шүүхэд гомдол гаргасан. Бид ч асуудалд анхаарлаа хандуулж “Биднийг гуравдагч этгээдээр шүүхийнхээ асуудалд оролцуулаач” гэсэн шаардлага тавьсан. Та нарын эрх ашиг хөндөгдөөгүй, гуравдагч этгээдээр оролцуулах боломжгүй  учраас та нарт хамаагүй гээд шүүхийн танхимаас манайхан хөөгдөөд гарч байсан. Ажиглагчаар оролцъё гэж гуйсан, хүлээж аваагүй. Ингээд шүүхийн процесс явагдсан. Анхан болон давах шатны шүүх дээр асуудал манай талд шийдэгдсэн. Сонгууль хуулийн дагуу явагджээ гэдгийг тогтоосон гэсэн үг. 2016 оны долоодугаар сарын 18-нд МАН-ын 30, АН-ын 3 төлөөлөгч бүхий аймгийн ИТХ анхны хуралдаанаа хийж 33 төлөөлөгч бүрэн эрхээ хүлээн зөвшөөрсөн. Түүнээс хойш  жил гаруйн хугацаа өнгөрлөө. Гэтэл өнгөрсөн оны эцсээр Улсын дээд шүүх дээр асуудал АН-ын талд гарсан. Шүүх гэж бүр гууль болж дээ. Хэлэх ч үг олдохгүй байна. Бид үүний дараа Ерөнхий шүүгчид нь хандсан. Ерөнхий шүүгч бидний асуудлыг хүлээж аваагүй. Гэхдээ би ганцхан үг хэлчихье. Бүрэн эрхээ хүлээн зөвшөөрсөн 33 төлөөлөгчийн бүрэн эрхийг хэн ч түдгэлзүүлж чадахгүй. Энэ 33 төлөөлөгч өөрсдөө л бүрэн эрхээсээ татгалзах шийдвэр гаргах эрхтэй. Ямар шүүх байх нь хамаагүй.

АН яг үнэндээ дотоод зөрчлөөсөө болж сонгуульд амжилттай оролцож чадаагүй. Энэ буруугаа аймгийн Сонгуулийн хороо руу бухаж болохгүй. Тэдний энэхүү дахин сонгууль явуулах гэж зүтгэж байгаа нь 2016 оны зургаадугаар сард болсон орон нутгийн сонгуульд саналаа өгсөн 48 мянган иргэний эрх ашгийг зөрчиж байгаа юм. Хөөрхийлөлтэй санагдаж байна. Сонгуульд ялж чадаагүй бол гараа өргөж сураа гэж би АН-ынханд хэлмээр байна. Эр хүн шиг байцгаасан нь дээр ш дээ. Улс төрийн карьерт нь ч нэмэртэй шүү гэж хэлье. Нийгэмд буруу мэдээлэл түгээгээд. Ийм байхад яаж орон нутаг хөгжих вэ. Ийм зүйл хийдэг нь бусармаг, буруу гэдгийг иргэд маань ойлгож байгаа. АН-ын дотоод зөрчлөөс болж аймгийн 60 гаруй мянган сонгогчийн эрх ашиг, цаашлаад 102 мянган иргэний эрх ашиг зөрчигдөхийг МАН хүлээн зөвшөөрөхгүй. Иргэдийн эрх ашгийнхаа төлөө МАН ёстой тууштай тэмцэнэ шүү. Хамгийн сүүлд хэлье, Сонгууль болохгүй гэдгийг албан ёсоор хэлчихье. Иргэд маань ч гэсэн битгий төөрөлдөөсэй. Иргэдийнхээ төлөө бол бид тэмцэнэ шүү.   

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • СУЛ ОРОН ТООГ НӨХӨХ ТӨРИЙН АЛБАНЫ МЭРГЭШЛИЙН ШАЛГАЛТЫН ЗАР
  • Аймгийн Эрүүл мэндийн газрын даргын албан тушаалд томилогдох ажилтны сонгон шалгаруулалтын зар
  • ОРХОН АЙМГИЙН ЗАСАГ ДАРГЫН ДЭРГЭДЭХ САНХҮҮГИЙН ХЯНАЛТ, АУДИТЫН АЛБАНЫ ДАРГЫН АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫН ЗАР
  • Сугалааны дугаартай, бар кодтой “ebarimt”-аар сургалтын төлбөрийн хөнгөлөлт эдлүүлнэ
  • Д.Батлут: Эрдэнэт хот 24 цагийн Эмийн сантай болно
  • Э.Эрдэнэжамъян: Дараагийн Засаг дарга болох уу
  • ГОК-ын 51 хувийг гадныханд алдчихаад уурандаа 49 хувийг “дээрэмдэж байгаа юм уу”
  • Д.Батлут: Сонгууль болохгүй ээ, ялж чадаагүй бол гараа өргөж сур АН-ынхаан
  • “Эрдэнэт”-ийн хувьцааг иргэдэд үнэ төлбөргүй эзэмшүүлнэ
  • Иргэний зөвлөлийн хоёр гишүүнийг ажлаас нь чөлөөлөв
  • Эрдэнэтийн 30-50 насны 100 иргэнийг Солонгосын Ёсү хотод гэрээгээр ажиллуулна
  • Орхон аймгийн Худалдан авах ажиллагааны 4-р улирлын тайлан 2017 он
  • Д.Батлут: Эрдэнэтийн иргэдийг Солонгост ажиллах хүчнээр гаргана
  • С.Ганцогт дарга аа, оношлуурын 10 сая төгрөгийг хэн идчихэв ээ
  • Ахуйн хүрээний архидалт буурсан нь “24 цагийн дэлгүүр”-ийн ач тус гэж үзжээ
  • Түргэний эмчээс илүү чадварыг нэгэн эцэг үзүүлсэн байна
  • “Эрдэнэт”-ийг 100 хувь төрд авах шийдвэр гаргав
  • “Хөх Монгол цогцолбор” 120 жилийн дараа зардлаа нөхнө
  • Ам цагаан цаасаар аймгийн даргаа хуурсаар суух уу
  • Аймгийн Засаг дарга иргэдтэй уулзалт хийнэ
  • “Бурхан багш”-ийн зээлсэн таван сая төгрөг сураггүй болжээ
  • “Цалинтай ээж”-ийн цалинг нөхөн олгохгүй
  • Татвар ингэж нэмэгдэнэ
  • “Цалинтай ээж” хөтөлбөр хэрэгжиж эхэллээ
  • Б.Пүрэвдорж: Д.Дамба-Очирыг огцруулна
  • Аймгийн ИТХ дахь АН-ын Бүлгийн даргын МЭНДЧИЛГЭЭ
  • “ЭРДЭНЭТИЙН ӨНГӨ-2018” ШИНЭ ОНЫГ УГТАХ ЦЭНГҮҮНИЙ ХӨТӨЛБӨР
  • МЭНДЧИЛГЭЭ
  • ОРХОН АЙМГИЙН 2018 ОНЫ ХУДАЛДАН АВАХ АЖИЛЛАГААНЫ ТӨЛӨВЛӨГӨӨ
  • Сургуулийн сурагчид 21 хоног амарна