Нийтлэгдсэн: Wed, Jan 24th, 2018

Д.Соёлчхүү дарга аа, 22 хүүхэд гар, хөлөө хөлдөөлөө, гурав нь эмнэлэгт хэвтэж байна

HUITEN-2

                Идэр гурван есийн жавар тачигнаж, гадаа шөнөдөө -42 хэм хүрч, өдөртөө -36 хэм хүрсэн энэ өдрүүдэд буюу даваа гарагт сурагчдын амралт дуусч хичээл эхэлсэн. Өнөөдөр лхагва гараг. Даваа гарагаас хойш буюу хичээл эхэлсэн эхний гурван өдрийн байдлаар БОЭТ-ийн Яаралтай тусламжийн тасагт 20 гаруй хүүхэд гар хөлөө хүйтэн жаварт хайруулж, зарим нь хөлдөөж ирсэн байна. Тэдний гурав нь гуравдугаар зэргийн хөлдөлттэй гэсэн оноштойгоор хэвтэн эмчлүүлж байгаа. Дээрх хүүхдүүд орой сургууль тараад автобус хүлээж байгаад ингэж хөлджээ.  Өдөрт дунджаар 4-5 хүүхэд ийм байдлаар тус тасагт ханддаг байна. Эмч нарын үзсэнээр өдөрт 4-5 хүүхэд гар хөлөө хөлдөөж гурав, дөрөвхөн хоногийн дотор 22 хүүхэд эмнэлэгт хандсан нь сүүлийн 10 жилд тохиолдоогүй үзүүлэлт болжээ.  Хүүхэд болсон хойно малгай бээлийгүй, байсан ч зарим нь хичээлдээ гарахдаа мартаад ийм болсон гэнэ. Гэтэл дээрх хүүхдүүдийн ихэнх хувийг буюу 10 гаруй хүүхэд нь бага ангийнхан, тэр тусмаа хичээл нь өглөө ордог хүүхдүүд байжээ. Шөнийн хасах 42 хэмийн хүйтэн жавар өглөөний 07.00-09.00 цагийн хооронд буурахгүй гэдгийг мэргэжлийн хүн өгүүлж байна.

HUITEN-1

Хүйтний эрч чангарч гадаа гарахаас ч жийрхэж байхад хүүхдүүд хичээлдээ ирэх, очихдоо гар хөлөө хөлдөөж, гэмтэж байхад манай аймгийн дарга нар хүүхдээ бус архинд дуртай, зугаа цэнгэлийг илүү таалдаг эрхмүүдийг хамгаалж тушаал шийдвэр гаргаж байх юм. Тухайлбал, аймгийн ЗДТГ-ын дарга Д.Соёлчхүү “Орхон аймгийн нутаг дэвсгэрт ойрын өдрүүдэд цаг агаар цочир хүйтэрч байгаатай холбогдуулан танай баарны ажиллах цагийн хуваарийг 2018 оны нэгдүгээр сарын 23-ний өдрөөс хоёрдугаар сарын 23-ныг хүртэл хуучин цагийн хуваарьт шилжүүлэн ажиллуулахаар шийдвэрлэснийг мэдэгдэж байна” хэмээжээ. Д.Соёлчхүү дарга баар, ресторанаар “соёлтой” үйлчлүүлдэг эрхмүүдийг яасан хайрладаг, энхрийлдэг юм бэ. Аймгийн ЗДТГ-ын дарга маань идэр есийн хүйтэнд автобус хүлээн хөлдөх шахам зогсож буй тэр олон  бага ангийн хүүхдүүдийг хайрлах сэтгэлгүй юм гэж үү.

HULDUH-1

Бид чинь аман дээрээ “Бүхнийг хүүхдийн төлөө”, “Хүүхдийн төлөө За гэж хэлье” гэж ирээд уриалдаг. Одоо л бүгдээрээ энэ их хүйтэнд салхи, жаврыг сөрөн үүрч яваа цүнхэндээ түүртэн арай гэж яваа бага ангийн хүүхдүүдийн хичээлийг түр хугацаагаар хаах, цагийн хуваарьт нь өөрчлөлт оруулах зэргээр бүлээн сэтгэл гаргавал яасан юм бэ. Өнгөрөгч долоо хоногийн даваа гарагийн шуурхай дээр БСУГ-ын дарга Ж.Бат-Амгалан “Сурагчдын амралтанд нөлөөлөх хэмжээнд хүртэл хүйтрэхгүй” гэсэн утгатай мэдээлэл хийж суусан. Аргагүй дээ, Д.Соёлчхүү, Ж.Бат-Амгалан дарга нар  ажилдаа машинаар хүргүүлдэг. Өдөр цайнд явах ирэх, орой харихдаа төрийн албаны унаагаар явдаг учраас автобус хүлээн хүйтэнд даарч зогсох жаалуудын зовлонг яаж ойлгохов.

HULDUH-2

Эмч нарын мэдээлснээр аз болоход хөлдсөн, хайруулсан гэх хүүхдүүдийн хувьд одоогоор хөл, гараа тайруулах хэмжээнд хүртлээ гэмтээгүй гэж байна. Тэгвэл бид заавал хэн нэгэн хүүхэд хүйтэнд хөлдөж гар хөлөө хөлдөөсний дараа “арга хэмжээ” авч автобусны үйлчилгээг сайжруулж, хичээлийн цагийн хуваарьт өөрчлөлт оруулъя гээд санал гаргаад, гараа өргөөд сууж байх уу, машин унадаг дарга нар аа. Эсвэл маргаашнаас эхлэн аймгийн Засаг даргаас эхлээд бүх дарга нар машин унахаа болиод автобусаар ажилдаа ирж, очиж байя. Адаглаад л автобус дарга нарыг хүлээлгэхгүй. Далиманд нь хүүхдүүд бага даарах юм биш үү.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Амралтын өдрүүдээр хүйтэрч, цасаар шуурна
  • Нийслэлчүүд “Эрдэнэт үйлдвэр”, Эрдэнэтийн уурхайчдаар амьсгалж байна
  • “Эрдэнэт үйлдвэр” ХХК 40 жил
  • Үер усны аюул бидэнд 80-100 тэрбумын хохирол учруулж мэдэх гэнэ
  • ШУТИС-ийн профессорууд Эрдэнэт үйлдвэрийн уурхайчдаар бүл нэмэв
  • С.Батжаргал: Сэрэг дүр зургаа дахь Засаг даргынхаа нүүрийг үзэж байгаа
  • Нэгдүгээр сургууль Эрдэнэтийн өнгийг тодорхойлох нь ээ
  • “Улаанхүүгийн цэцэрлэг”-ийн ажил урагштай байна
  • Боловсролын салбарын бүтээн байгуулалт боломжийн хэмжээнд байна
  • С.Ганцогт: Би Монголын төрийг ойлгохгүй байна, энэ шүүх иргэдийн шүүх үү, АН-ын шүүх үү
  • Б.Ганзориг: Нэгийг нь Төөнөгөөд өгсөн, харин нөгөө нь….
  • “Эрдэнэс Тавантолгой”-н ТУЗ-ийн шинэ гишүүдийг томилжээ
  • АЙМГИЙН ЭДИЙН ЗАСАГ, НИЙГМИЙГ 2019 ОНД ХӨГЖҮҮЛЭХ ҮНДСЭН ЧИГЛЭЛИЙН ТӨСЛИЙГ ӨРГӨН БАРИЛАА
  • Нөхөн сонгуульд МАН үнэмлэхүй ялалт байгуулжээ
  • “Эрдэнэс таван толгой” IPO -гоо ч гаргана, иргэдэд ногдол ашиг ч тараана
  • ТОСК-ийн 315 айлын орон сууцны ус, дулаан татах хөрөнгийг шийдээгүй байна
  • “Их хаадын цуваа” цэцэрлэг, сургууль барих гэрээний заалтаа өөрчлүүлж чаджээ
  • Агаарын бохирдлыг бууруулах цахилгаан халаагуурыг туршиж эхэллээ
  • Малын гаралтай түүхий эдийн цэгүүдийг “Таван-Эрдэнэ”-д төвлөрүүлнэ
  • ЭРДЭНЭС ТАВАНТОЛГОЙ БА 1072 ШИРХЭГ ХУВЬЦАА 1072 хувьцааны талаар эндээс мэдээрэй
  • Жаргалантынхан “Ахмадын баяр”-аа тэмдэглэв
  • Аймгийн ИТХ-ын дарга П.Пүрэвлхагва Жаргалант сумын зарим өндөр настанд хүндэтгэл үзүүллээ
  • Жаргалант сум “удирдлагагүй болжээ”
  • М.Түмэнжаргал: 500 мянган төгрөг шийдэж чадахгүй юм бол агентлаг гэж байлгаад яадаг юм бэ, чи
  • С.Ганцогт: “Буянт хангай”, Бугатын модны захыг хаана
  • Хэв журам, сахилга хариуцлагыг сайжруулахад 11,6 тэрбум төгрөг шаардлагатай
  • Шанд багийн газрын гүнд 115.2 сая тонн хүдрийн нөөц байна
  • Эрдэмтэд Эрдэнэт үйлдвэрийг ч эх орноо ч хөгжүүлэхээр Эрдэнэтэд чуулж байна
  • М.Мөнхбаатар: Засгийн газар аж ахуйн асуудалд оролцдог явдал үүгээр дуусаасай гэж бодож байна