Нийтлэгдсэн: Sat, Jan 27th, 2018

Лифт ашигласны төлбөрийг 10 мянган төгрөг болгоно

TUR juram-1

               “Эрдэнэт ус” ДТС ОНӨХК-ийн гүйцэтгэх захирал Д.Бүүвэйбаатар аймгийн ИТХ-ын Тэргүүлэгчдийн хуралд “Эрдэнэт хотын дөрөв, тавдугаар хорооллын 9 давхруудын лифтний үйлчилгээнийй хөлсийг 10 мянган төгрөг болгох” саналыг оруулсан юм. Энэ байгууллага өнгөрөгч 2017 онд дээрх хоёр хорооллын 9 давхруудын лифтний үйлчилгээг хэрэглэгчдийн хүсэлтээр 24 цагаар ажиллуулжээ. Үүний зардалд тус байгууллагаас өнгөрсөн онд 24.5 сая төгрөг гарсан байна. Энэ онд дахин ийм зардал гарах болсон тул аймгийн ИТХ-ын Тэргүүлэгчдээс өнөөгийн мөрдөж байгаа тариф 6500 төгрөгийг нэмж 10 мянган төгрөг болгож өгнө үү гэсэн шийдвэр гаргуулахаар хандсан нь энэ.

Аймгийн ИТХ-ын Тэргүүлэгчдийн дарга П.Пүрэвлхагва: Энэ асуудлыг шийдэх газар нь бид биш. Энэ байгууллагын ТУЗ шийднэ.  9 давхруудын лифт бол Орон нутгийн өмч биш. СӨХ-той манай Орон нутгийн өмчийн газар хамтын гэрээ байгуулж ажилладаг. Нийтийн эрх ашгийг хамарсан үйлчилгээнд ИТХ-аас үнэ тогтооно. Тухайлбал, гэр хороолын иргэдийн ундны усны үнэ нэмэх бол бид асуудлыг шийднэ. 9 давхруудын хэдэн байрны хичнээн иргэн үнэ нэмэхийг зөвшөөрсөн юм бэ?

-Д.Бүүвэйбаатар: Дөрөв, тавдугаар хорооллын 9 давхар байрнуудын гурваас дээших бүх давхрын айл, өрхүүдээс судалгаа, санал авсан. Нийт 1059 өрх хамрагдсан. Айл, өрхийн 62.9 хувь нь лифтийг 24 цагаар ажиллуулахыг дэмжсэн. Үүнийг дагаад лифтний үнэ 6500 төгрөгийг 10 мянган төгрөг болгох саналыг дэмжиж, гарын үсэг зурсан. Энэ санал асуулгыг айл, өрх бүрээр явж хийсэн. Манай байгууллага 2017 оны хоёрдугаар сарын 1-нээс лифтийг 24 цагаар ажиллуулах туршилтыг нэг жилийн хугацаанд хийлээ. Иргэдийн эрэлт, хэрэгцээ байдаг юм байна. Тиймээс 24 цагаар ажиллуулахад гарах зардал болох жилийн 24.5 сая төгрөгийг шийдэж өгөхгүй бол манай байгууллагад алдагдалтай байна.

-Д.Дэлгэрбаяр: Хурлаар ярих нь зүйтэй байх. Хуучин үнэ 6500 төгрөгийг хэн тогтоож байсан юм бэ?

-Д.Бүүвэйбаатар: Өмнөх үнийг манайхаас тогтоосон байсан.

-Д.Дэлгэрбаяр: Түүнийг нь үндэслээд одоогийн үнийг тогтоож болох уу. Иргэдийн асуудал учраас хамаагүй орхиж болохгүй.

-И.Баасанжав: Иргэдийн хэдэн хувь нь санал асуулгад хамрагдав. СӨХ-той байгуулсан хамтын гэрээнд юу гэж заасан байдаг юм бэ?

-Д.Бүүвэйбаатар: Нийт 1059 өрхөөс бүгдээс нь санал авсан. Иргэдийн 62 хувь нь дэмжсэн. СӨХ-той лифтний талаар дангаар гэрээ хийхгүй. СӨХ цэвэрлэгээг, манайх үйлчилгээг хариуцдаг.

-Л.Эрхбаатар: Хэлэлцсэн нь дээр болов уу. ТУЗ-өөс ярилцаад үнийг тогтоож, шийдээд явж болох ч оруулж ирсэн саналыг дэмжих саналтай байна.

-П.Пүрэвлхагва: Тэгвэл оруулж ирсэн төслийг хэлэлцэх шаардлагатай, шаардлагагүй гэсэн хоёр санал гарч байна. Саналаа хураая.

 Ингээд Тэргүүлэгчид санал хураахад Д.Дэлгэрбаяр, Д.Эрдэнэбат, Л.Эрхбаатар нар хэлэлцэх нь зүйтэй гэж гар өргөсөн боловч олонхи болж чадсангүй. Ингээд есөн давхаруудын лифтийг 24 цагаар ажиллуулж үйлчилгээний хөлсийг айл өрхөөс 10 мянган төгрөгөөр суутган тооцох эрхийг нь “Эрдэнэт ус” ДТС ОНӨҮГ-ын ТУЗ шийдвэрлэхээр болов. Ямар ч байсан тун удахгүй энэ байгууллагын ТУЗ шийдвэрээ гаргаснаар лифтний үйлчилгээний хөлс 10 мянган төгрөг болох нь.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • 2038 он гэхэд “Эрдэнэт цэнгэлдэх хүрээлэн”-г 111.8 тэрбумаар байгуулна
  • “Монголоо сонсъё” үндэсний аян Орхон аймагт эхэллээ
  • Төрийн албан хаагчдыг чадавхижуулах хэрэгтэй
  • Баян-Өндөр хайрхны тахилгад сүсэгтэн олон сүү, тариа, будаа өргөнө
  • Д.Батлут: Хүүхдүүдээс 1.5 сая төгрөгийн худалдан авалт хийсэн, цаашид ч хийнэ шүү
  • “Жишиг гудамж”, “Загвар өрх”-ийг сонгон өрхийн тариалан эрхлэлтийг дэмжинэ
  • Говил багийн хоёрдугаар цэцэрлэгт “Өвлөх эрдэм” өдөрлөг боллоо
  • “Гамшгаас хамгаалах сургалт”-ыг хүүхдүүдэд бодитоор үзүүлэв
  • О.Ариунгэрэлт: Бүтцийн өөрчлөлт хийчихээд байхад “Бүтцийн өөрчлөлт” нэрээр намайг ажлаас халсан
  • О.Ариунгэрэлтийг аймгийн Боловсрол, соёл, урлагийн газрын даргаар томилжээ
  • Сум хөгжүүлэх сангаас 200 сая төгрөгийн зээл олгоно
  • И.Баасанжав: Малчин баг байгуулах цаг нь болоогүй шүү
  • Малчин багийг Баянцагаанд, Малчны хороог Залаатын аманд байгуулна
  • Малчин баг, Малчны хороолол байгуулахыг Тэргүүлэгчид дэмжлээ
  • Д.Байгал: “1000 ахмадын чуулган”-аар ахмадуудынхаа санал бодлыг хэлэлцэнэ
  • Сайн дурын даатгал төлөгчийн тоо өсчээ
  • Сэлэнгэ голын сав газрынхан ойн төгөл байгуулж эхэллээ
  • Өргөмжлөл, мөнгөн шагналаар шагнав
  • Шуурхай бууриа сэлгэснээс болж золтой л 103 дуудсангүй
  • 15, 17 насны хоёр хүүхэд ахуйн гааз үнэртэж байгаад амь насаа алджээ
  • Мод, бут, сөөгийг 3000-50.000 төгрөгөөр худалдаж байна
  • “Налко” бодисоор туршилт хийж, цагаан тоос чулуужсаныг тогтоожээ
  • Ялалтын баярын 73 жилийн ой тохиож байна
  • БНСУ-ын талаас 7 тэрбум төгрөгийн хөрөнгө оруулалт хийжээ
  • Түүвэрчилсэн аргаар судалгаа хийнэ
  • Нийт 51 ажилтанд дэмжлэг үзүүлэв
  • ЭЕШ-ын хариуг таван минутанд гаргах шинэ технологи ашиглана
  • Сум хөгжүүлэх сангийн хугацаа хэтрэлттэй 61 зээлдэгчийн торгуулийг чөлөөлнө
  • Инээмсэглээрэй дарлаа шүү
  • Амарын талбайд хүүхдийн хүчирхийлэл өнгөтөөр өрнөж байна, С.Ганцогт дарга аа