Нийтлэгдсэн: Mon, Feb 19th, 2018

Шүлхий өвчний хорио цээрийн дэглэм тогтоов

HORIO-1

            Жарга.лант сум Улаантолгой багийн иргэн  А  2018 оны хоёрдугаар сарын 15-ний өглөө 08.30 цагт  “Манай үхрийн амнаас шүлс гоожоод байна” гэсэн мэдээллийг сумынхаа Мал эмнэлэг үржлийн тасгийн эмч Ч.Доржмягмарт өгчээ.  Мэдээллийн дагуу малын эмч Ч.Доржмягмар, Г.Хангал нар 09.30 цагт очиж эхний үзлэгээр  малын гоц халдварт шүлхий өвчний шинж тэмдэг байж болохыг тогтоосон байна. Аймгийн Онцгой байдлын газрын дарга, хурандаа Г.Ганбаатараар ахлуулсан дөрвөн хүний бүрэлдэхүүнтэй ажлын хэсэг 2018 оны хоёрдугаар сарын 15-нд Жаргалант суманд очиж, сумын онцгой комиссыг  14.20 цагт хуралдуулж  Засаг даргын А/10 тоот “Малын гоц халдварт Шүлхий өвчнөөс урьдчилан сэргийлэх, хариу арга хэмжээ авах тухай” захирамж гарган сэжигтэй малаас дээж авч, Улаантолгой багийн нутаг дэвсгэрт хязгаарлалтын дэглэм тогтоон,  дөрвөн цэгт пост гарган ажиллуулжээ. Голомтын цэг нь Жаргалант сумын төвөөс 1.27 км зайд Улаанбаатар Эрдэнэтийн чиглэлийн 1001 дугаарын төв замаас 122 м орчим зайд байрладаг. 2018 оны хоёрдугаар сарын 15-ны 20.00 цагт Онцгой комиссын хурлыг зохион байгуулж, хяналтын зургаан пост гаргаж ариутгал, халдваргүйжүүлэлт хийх 24х8 хэмжээтэй функтийг шинээр байрлуулах, ариутгал хийх өндөр даралтын уурын зуухыг хийх үүрэг чиглэл өгчээ. Онцгой комиссын бүрэлдэхүүн хоёрдугаар сарын 16-ний өдрийн 10.00 цагт хуралдаж өмнөх  дөрөвдүгээр хуралдаанаас өгсөн үүргийн биелэлттэй танилцаж, малын гоц халдварт шүлхий өвчний хорио цээрийн дэглэм тогтоох тухай аймгийн Засаг даргын  А/76 тоот захирамж гарган хэрэгжилтийг ханган ажиллах талаар үүрэг өглөө.

HORIO-2

Улсын мал эмнэлэг ариун цэврийн төв лабораторийн вирус судлаач эмч Х.Гэрэлмаа аймгийн Мал эмнэлэг үржлийн лабораторт “Шүлхий” өвчний онош баталгаажуулах шинжилгээг орон нутгийн малын эмч нартай хамтран хийж, сургалт арга зүйн зөвлөмжөөр ханган ажиллаж байна. Сэжигтэй бүсэд байрлах 34 өрхийн 1431 үхэр, 19 хонь, 64 ямаа нийт 1514 малд үзлэг тандалтын ажлыг зохион байгуулан ажиллажээ.

HORIO-3

Мөн гурван багийн 42 ажилтан Шүлхий өвчний шинж тэмдэг илэрч байгаа эсэхэд үүрэн телефоны утсаар тандалт судалгааг 270 хүнээс асууж,шүлхий өвчнөөс урьдчилан сэргийлэх ажлыг өөрийн хашаа, хороо,мал амьтанд зохион байгуулах зөвлөгөөг өгч ажиллав. Баян-Өндөр сумын Мал эмнэлэг үржлийн нэгжийн гурван автомашин, зургаан ажилтан, ХХААГ-ын дөрвөн автомашин, найман ажилтан, Цагдаагийн  газрын хоёр автомашин найман алба хаагч, Онцгой байдлын газраас хоёр автомашин,  дөрвөн хүн, голомтын бүсэд функт   барих ажилд 11 алба хаагч, Жаргалант сумаас зургаан ажилтан нийт 11 тээврийн хэрэгсэл,  43 алба хаагч ажиллаж байна. “Эрдэнэт Үйлдвэр” ХХК-иар өндөр даралтын уураар ариутгал хийх 2 ширхэг зуух хийлгэж голомтын бүсэд байрлуулан ариутгалын ажлыг хийж гүйцэтгэхээр болжээ. Шаардлагатай нөхцөлд голомтын бүсээс гарах иргэдийн хувцсыг солих, ариутгал халдваргүйжилт хийх зорилгоор Онцгой байдлын албанаас гурван гэрийг гарган байрлуулсан.

HORIO-4

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Дарга нар энэ жил 800 гаруй сая төгрөгөөр автомашин худалдан авах нь ээ
  • 2019 оны хөнгөлөлт чөлөөлөлтийн бүрдүүлэх материалын жагсаалт
  • Хэсэгчилсэн хорио цээрийн дэглэм тогтоолоо
  • Гахайн Африк мялзан өвчний талаарх зөвлөмж
  • Хувийн эмнэлгүүд ханиадтай хүүхдийг хөнгөлөлттэй үнээр үзэж байна
  • “Эрдэнэс Тавантолгой” компанийн цэвэр ашиг 2018 онд 720 тэрбумд хүрлээ
  • С.Чинзориг: Энэ сард цалинг, ирэх сард тэтгэврийг нэмнэ
  • Дэнж багийн малчин Баатарын Зунгаажав Улсын сайн малчин болжээ
  • Аймгийн ИТХ-ын Тэргүүлэгчдийн хуралдаан болов
  • Дарга нарын шинэ жилийн баяр дуусаагүй гэнэ
  • ХАА-н МСҮТ-д зургаан мэргэжлээр 187 оюутан суралцаж байна
  • Шинэ оны босгон дээр 8 охин, оны эхний өдөр 4 хүү мэндэлжээ
  • Нэг цагийн ажлын хөлс хамгийн багадаа 1904 төгрөг боллоо
  • Төрийн албан хаагчдад нэмэгдэл олгоно
  • “Эрдэнэт үйлдвэр”ХХК-ийн нэр бүхий хүмүүст төрийн одон, медаль гардуулав
  • МЭНДЧИЛГЭЭ
  • “Эрдэнэт үйлдвэр”-ийн мастерууд зөвлөлдлөө
  • Шагнал гардуулах ёслол болов
  • Д.Батлут: Эрдэнэтчүүддээ Тусгаар тогтнолоо сэргээн мандуулсаны түүх 107 жилийн ойн мэнд хүргэе
  • Г.Батсуурь: А.Амар нь Монгол улсын Ерөнхий сайдаар хоёр удаа ажиллаж байсан
  • Д.Пүрэвлхагва: Үндэсний эрх чөлөө, тусгаар тогтнолоо сэргээн мандуулсаны ойн баярын мэнд хүргэе
  • А.Амарын хөшөөнд цэцэг өргөлөө
  • “Найдвар” төвийн хүүхдүүдэд Ерөнхий захирлын бэлэг гардуулав
  • Мастерууд манлайлах хүчээ нэгтгэв
  • Хүүхдүүдийнхээ хүслийг биелүүллээ
  • МЭНДЧИЛГЭЭ
  • Үр дүнгийн гэрээгээ дүгнэж байна
  • Хэсгийн ахлагч нарынхаа үгийг сонслоо
  • Аймгийн удирдлагууд цэргийн алба хаагчдаа эргэлээ
  • Сургуулиуд шинэ кабинеттэй болжээ