Нийтлэгдсэн: Tue, Mar 6th, 2018

Д.Соёлчхүү та, дүр эсгээд хэрэггүй юм биш үү

Shuurkhai 11-20-1

Аймгийн Засаг даргын даваа гарагийн шуурхай зөвлөгөөний үеэр оролцогчдын хувьд нэг хэсэг “эмх замбараагүй байдал” үүсгээд амжсан. Юуны учир гэвэл, аймгийн Засаг даргын шуурхай дээр мэдээлэл хийх албан тушаалтны жагсаалтыг өмнөх долоо хоногийн баасан гарагт баталж, тогтоодог дүрэм журамтай аж. Яаралтай тохиолдолд шуурхайн өмнө аймгийн Засаг даргад хүсэлтээ ирүүлдэг байна. Зарим тохиолдолд шуурхайг даргалагч аймгийн Засаг даргаас “нэмж мэдээлэл хийх хүн, албан тушаалтан байна уу” гэж асуусан үед гар өргөн зөвшөөрлөө авах номтой гэнэ. Гэтэл өнгөрөгч даваа гарагийн шуурхайн үеэр зарим нэг байгууллагын дарга нарын толгойд гэнэтхэн “мэргэн санаа” төрж, ам уралдан ярьж байсан. Эцэстээ энэ байдал нь шуурхай хуралдаан биш дугуй ширээний ярилцлагын хэмжээнд хүрсэн. Аргагүйн эрхэнд шуурхайг даргалагч аймгийн Засаг даргын орлогч С.Батжаргал “мэргэн санаатнууд”-ын амыг татаж шуурхайн дэг журмыг сануулсан.

 Энэ үед ЗДТГ-ын дарга Д.Соёлчхүү хэлтэс, алба, газар, байгууллагын дарга нарт  “Шуурхайн дэг журам гэж бий шүү. Зарим нэг хүний хувьд гэнэтхэн мэргэн санаа орж ирдэг юм уу. Шуурхайн төлөвлөгөөнд ороогүй байж мэдээлэл хийж байна. Өмнө нь би энэ талаар та бүхэнд сануулж байсан. Одоо хоёр дахь удаагаа хэлж байна. Аймгийн Засаг даргын шуурхай тодорхой дэг, журамтай. Шуурхайд мэдээлэл хийх тухай хүсэлтээ ирүүлээгүй дарга нар ингэж дураараа загнаж болохгүй. Дахиж би сануулахгүй” гэж ирээд авч өгсөн.

Д.Соёлчхүү даргын энэ буулт хэлбэрийн хувьд хатуухан мэт харагдсан ч байдал өмнөхөөс нэг их дээрдэхгүй болов уу. Таны хувьд аймгийн ЗДТГ-ын даргын зүгээс хэлтэс, албадын дарга нараа загнаж, зандарч байгаа ширүүн, чанга хатуу мэт харагдаж байгаа ч хөндлөнгөөс харвал зүгээр л дүр эсгэсэн төдий байна. Гэрийн даалгавраа хийж ирээгүй сурагчид багш нар муу дүн тавьдаг. Түүн шиг дүрэм, журмаа мэддэггүй телевизийн камерийн өмнө нэг их юм мэддэг, ажил хийдэг хүний дүрд тоглох гэсэн “дүрэмгүй тоглогчдод” эдийн засгийн хариуцлага тооцохгүй бол сарын дараа ч таны хэлснийг мартчихсан “мэргэн санаа”-гаа ярьсаар байх болно.  Та ч “Би гурав дахь удаагаа хэлж байна” гээд том хашгичиж загнадаг “хаан” шиг загнасаар суух болов уу. Он гарсаар аймгийн Засаг даргын шуурхай үлбэгэр, цаг нөхцөөсөн шинжтэй болсон. Та ч нэг хэсэг албан томилолттой, өвчтэй, чөлөөтэй гээд байхгүй нь их байсан учир аймгийн Засаг даргын шуурхай давсгүй шөл шиг амтгүй. Тиймээс хатуу ширүүн зантай, чанга дуутай том даргын дүр эсгэхийн  оронд хариуцлага тооцдог, шударга ёс нэхдэг албан тушаалтан байвал дээр юм биш үү. Бичигч миний хувьд дарга таньд ажлыг чинь заах гэсэнгүй. Гагцхүү, Монгол Улсад орчин цагийн сэтгүүл зүйн үүсч хөгжсөний 105 жилийн ой тохиож байна. Тэгээд ч манай улс “Хэвлэлийн эрх чөлөөний тухай хууль”-тай улс. Үүний хүрээнд сэтгүүлчийн эрхээ эдэлж үгээ хэлсэн юм.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна
  • Эрдэнэт хотын өдрөөр худалдааны төвүүд 50 хувь хүртэл хямдрал зарлана
  • Иргэдийн эзэмшил газар төмөр замын трасст оржээ
  • Усны хяналтын хоёр тоолуур суурилуулжээ
  • Цэцэрлэг, сургуулийн зориулалтаар 7.4 га газар эзэмшүүлжээ
  • Байцааны зоорийг цагдаад шалгаж байна
  • Ц.Алтаншагайд баярлалаа
  • Хөнгөн хэлбэрээр “хундага тулгасан” үед замын цагдаа дуудах шаардлагагүй
  • Засаг дарга Д.Батлутын ажлыг “Хангалттай” хэмээн үнэлжээ
  • Хоёр ба гурван дугуйт тээврийн хэрэгслийг замын хөдөлгөөнд оролцохыг хоригложээ
  • Эрдэнэтчүүдийг 750 сая төгрөгөөр торгохыг ИТХ-ын төлөөлөгчдөд үүрэг болгожээ
  • СЭРЭМЖЛҮҮЛЭГ: Ирэх сарын 1-нд шилжих шөнө гамшигт үзэгдэл бий болох эрсдэлтэй байна
  • Байгаль хамгаалах ажилд иргэдийн саналыг тусгаж байна