Нийтлэгдсэн: Mon, Mar 26th, 2018

98 сая төгрөгөөр студи байгуулан “тогложээ”

Xvv-6

 

Аймгийн Засаг даргын дэргэдэх хэрэгжүүлэгч агентлаг Эрүүл мэндийн газар татвар төлөгчдийн 98 сая төгрөгөөр дэргэдээ хэвлэл мэдээллийн студи байгуулжээ. Энэ талаараа аймгийн Засаг даргын шуурхай дээр албан ёсоор мэдээлсэн юм. Аймгийн Эрүүл мэндийн газар нь яамнаас санхүүжилттэй, нэг үгээр хэлбэл босоо тогтолцоотой. Гэсэн хэдий ч аймаг, орон нутгаас элдэв төсөл хөтөлбөр, арга хэмжээ, сургалт сурталчилгаа нэрээр багагүй хэмжээний татаас, хөрөнгө жил бүр авдаг. Тухайлбал, “Элэгний вирусгүй Эрдэнэт хөтөлбөр” зэрэг тухайлсан нэр бүхий хөтөлбөр Эрүүл мэндийн газраар дамжин хэрэгждэг. Энэ жилийн тухайд  48 сая төгрөгөөр “Эрүүл Эрдэнэт” нэртэй төсөл хөтөлбөр хэрэгжиж байгаа. Энэ бүхнээс харвал Эрүүл мэндийн газар яамны хөрөнгө, орхончуудын татварын мөнгөөр 98 сая төгрөгөөр студи байгуулж тоглох шиг болж байна.

Xvv-5

Өнөөдөр Эрдэнэт хотод 98 сая төгрөгөөр нэг жижигхэн студи байтугай одоо үйл ажиллагаа явуулж байгаа телевизийн байгууллагыг боловсон хүчинтэй нь хамт худалдаад авчих хөрөнгө гэвэл та үнэмших үү. Эрүүл мэндийн газрыг 98 сая төгрөгөөр студи байгуулж тоглох боломж, санаачлагыг анх тус газрын дарга асан М.Баттүвшин санаачилсан гэдэг. Хэдийгээр 98 сая төгрөгөөр студи байгуулсан гэж мэдээлж байгаа ч хоёр компьютер, хоёр камер энэ тэр нь нийлээд  ч дээр мөнгөн дүнгийн хаана нь ч хүрэхгүй.  Тус газрын 98 сая төгрөгийн үнэ өртгөөр байгуулсан Монголд хаана ч байхгүй өндөр үнэтэй, хөдөө орон нутгийнханд үлгэр жишээ авахуйц энэхүү студийнхэн 74 мэдээ, 43 нэвтрүүлэг хийсэн аж. Дээр нь эрүүл мэндийн сурталчилгааны 21 ширхэг гарын авлага хэвлүүлсэн байна. Байгууллагынхаа цахим хуудсаар 214 мэдээ  иргэдэд хүргэсэн хэмээн хэнэг ч үгүй мэдээлж байх юм.

Xvv-4

Хэвлэлийн эрх чөлөөний тухай хуульд “Төрийн бүх шатны байгууллага дэргэдээ хэвлэл мэдээллийн хэрэгсэлтэй байхыг хориглоно” хэмээн заасан. Гэтэл аймгийн Эрүүл мэндийн газар хуучин дарга болох М.Баттүвшин 98 сая төгрөгөөр студи байгуулж тоглосон бол шинэ дарга Т.Мөнхцэцэг байгууллагынхаа фэйсбүүкээр эрүүл мэндийн тухай мэдээ гаргадаг ажилтай болжээ.

Өнгөрсөн долоо хоногийн даваа гарагийн шуурхай дээр Засаг дарга Д.Батлутаас Эрүүл мэндийн газрын дарга Т.Мөнхцэцэгт хандан “Байгууллагынхаа тухай, хийж хэрэгжүүлж байгаа ажил төрлийнхөө тухай  мэдээллийг иргэдэд маш сайн хүргэх хэрэгтэй. Иргэд энэ талаар ямар ч мэдээлэлгүй байна. Ганцхан Батлутад зориулж энд битгий мэдээлэл хийгээд бай. Иргэдэд хүргэ” хэмээн хатуухан сануулсан. Сануулгын хариуг Эрүүл мэндийн газраас ирүүлэхдээ “98 сая төгрөгөөр хэвлэлийн студи байгууллаа. 74 мэдээ, 43 нэвтрүүлэг хийлээ. Цахим ертөнцөөр мэдээллээ цацахаас илүү яахав дээ” хэмээн хариулж байна. Аймгийн Засаг даргаас жил бүр орон нутгийн хэвлэл мэдээллийн 20 гаруй байгууллагатай 90 сая төгрөгөөр хамтран ажиллах гэрээ байгуулдаг. Өнөөдрөөс эхлэн орон нутгийн хэвлэл мэдээллийн байгууллагууд Эрүүл мэндийн газрын хэвлэлийн студид бэлтгэсэн мэдээ, нэвтрүүлэг, шторкийг үнэ төлбөргүй нэвтрүүлэхгүй. Нэвтрүүлэх болсон ч цацалтын хөлсийг нь зах зээлийн ханшаар тооцох шаардлага тавьсан ч буруудахгүй болжээ.

Байгууллагын дарга нар дэргэдээ хэвлэл мэдээллийн студи байгуулж тоглодог, татвар төлөгчдийн мөнгийг дураараа үрэн таран хийдэг хууль бус асуудал Баян-Өндөр сумын Засаг дарга С.Ганцогтоос үүсэлтэй. Тэрбээр өнгөрсөн онд Баян-Өндөрчүүдийн татварын 30 сая төгрөгөөр хэвлэлийн студи байгуулахаар төсөвтөө суулгасан. Эцэст нь 30 сая төгрөгөөр биш 15 саяар студи нэртэй тоног төхөөрөмж авч үлдсэнээр нь шаардлага хангахгүй хэдэн компьютер Тамгын газартаа шахсан сураг ажиг  дуулдсан. Хууль зөрчдөг, хуулийг гууль болгодог тэр дундаа байгууллагынхаа нэрийг барьж “хувьдаа” 30-98 сая төгрөгөөр хэвлэлийн студи байгуулж тоглодог дарга нарын хэрээс хэтэрсэн үйлдлийг Авлигатай тэмцэх газар холбогдох байгууллагад шалгуулах цаг болжээ.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна
  • Эрдэнэт хотын өдрөөр худалдааны төвүүд 50 хувь хүртэл хямдрал зарлана
  • Иргэдийн эзэмшил газар төмөр замын трасст оржээ
  • Усны хяналтын хоёр тоолуур суурилуулжээ
  • Цэцэрлэг, сургуулийн зориулалтаар 7.4 га газар эзэмшүүлжээ
  • Байцааны зоорийг цагдаад шалгаж байна
  • Ц.Алтаншагайд баярлалаа
  • Хөнгөн хэлбэрээр “хундага тулгасан” үед замын цагдаа дуудах шаардлагагүй
  • Засаг дарга Д.Батлутын ажлыг “Хангалттай” хэмээн үнэлжээ
  • Хоёр ба гурван дугуйт тээврийн хэрэгслийг замын хөдөлгөөнд оролцохыг хоригложээ
  • Эрдэнэтчүүдийг 750 сая төгрөгөөр торгохыг ИТХ-ын төлөөлөгчдөд үүрэг болгожээ
  • СЭРЭМЖЛҮҮЛЭГ: Ирэх сарын 1-нд шилжих шөнө гамшигт үзэгдэл бий болох эрсдэлтэй байна
  • Байгаль хамгаалах ажилд иргэдийн саналыг тусгаж байна