Нийтлэгдсэн: Mon, Apr 2nd, 2018

Б.Билгүүнбат минь урлагийн замаар эргэлт буцалтгүй яваарай

Toglolt-1

“Төгсөх сурагчийн уянга” нэртэй урлагийн тоглолтоо үеийн найзууд, дүү нар, багш нартаа толилуулсан Лаборатори наймдугаар сургуулийн 12 дугаар ангийн сурагч Б.Билгүүнбатын ертөнцөөр та хэсэгхэн хором айлчлаад өнгөрнө үү. Энэ хавар дунд сургуулиа дүүргэж байгаа Б.Билгүүнбат сурагч насандаа ийнхүү хоёр дахь бие даасан тоглолтоо тавьж байгаа нь энэ юм.

Эвлэгхэн хоолойтой, өөртөө итгэлтэй дуулах хүү тавдугаар ангид байхдаа анхны тоглолтоо хийснээс өнөөдөр урлагийн ертөнцөд олон шагнал, үзэгчдийн хэдэн мянгаар хэмжигдэх алга ташилтаас урам авчээ.

Улсын чанартай “Би эстрадын дуучин” уралдааны шагналт байраас тэргүүн байр хүртэл гаргасан амжилт, ТВ-9 телевизийн “Одод болохын хүслэн” уралдааны гуравдугаар шат хүртэл оролцсон Б.Билгүүнбатын амжилт, түүний урлагийн замд цэцэг болон ургажээ.

Toglolt-2

Эрдэнээр эрдэнээр эрдэнээр уйлавч
Эргэж олдохгүй ээж минь ээ
Алтаар алтаар хайлавч
Ахиад заяахгүй аав минь ээ гэж уянгалуулан дуулах арван хэдхэн настай хүүгийн аав, ээжийн өмнөөс хоолой зангирсан олон үзэгч байсан байх.

Лаборатори наймдугаар сургуулийн 12А ангийнхан найзынхаа тоглолтод бүжиглэж, дуулж байгаа нь хүүхдүүдийг ийнүү нэгтгэж,  хүчтэй болгон урлагт хөтөлсөн тус сургуулийн багш нарт баярлахаас аргагүй. Ангийн багш Баасанжаргал нь сурагчдаа урлагаар нэгтгэж, математикаар аймагт манлайлдаг хамт олон болгосон нь тэдний амжилтаас харагдаж байлаа.

Toglolt-3

Б.Билгүүнбат “Уурхайчин” соёлын ордны тайзан дээр хоёр цагийн тоглолт хийхдээ өөрөө арав гаруй дуу дуулж, наймдугаар сургуулийн найрал дуу, цэнгээнт бүжгийн хамтлагийн тоглолттой, дахин уулзахын хүслийг үзэгчдийн сэтгэлд бадраасан сайхан тоглолт тавьсан юм.

Салаа хархан гэзгэн дээр чинь

Туузан цэцэг ахиад ургахгүй

Ангийнхаа хаалгыг аяархан хаагаад

Алдрайхан насаа үлдээлээ баяртай

хэмээн 12А ангийнхан дуулж, багш нартаа хүндэтгэл үзүүлсэн нь “Төгсөх сурагчийн уянга” тоглолтын сэтгэл догдлуусан мөч байлаа.

 Авьяаслаг, урлагт хайртай Б.Билгүүнбат маань энэ хавар дунд сургуулиа дүүргэж, урлагийн сургуульд элсэн суралцаад урлагийн замаар эргэлт буцалтгүй яваарай гэж олон мянган үзэгчдийн өмнөөс хүсэн ерөөж байна.

М.Мөнх

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна
  • Эрдэнэт хотын өдрөөр худалдааны төвүүд 50 хувь хүртэл хямдрал зарлана
  • Иргэдийн эзэмшил газар төмөр замын трасст оржээ
  • Усны хяналтын хоёр тоолуур суурилуулжээ
  • Цэцэрлэг, сургуулийн зориулалтаар 7.4 га газар эзэмшүүлжээ
  • Байцааны зоорийг цагдаад шалгаж байна
  • Ц.Алтаншагайд баярлалаа
  • Хөнгөн хэлбэрээр “хундага тулгасан” үед замын цагдаа дуудах шаардлагагүй
  • Засаг дарга Д.Батлутын ажлыг “Хангалттай” хэмээн үнэлжээ
  • Хоёр ба гурван дугуйт тээврийн хэрэгслийг замын хөдөлгөөнд оролцохыг хоригложээ
  • Эрдэнэтчүүдийг 750 сая төгрөгөөр торгохыг ИТХ-ын төлөөлөгчдөд үүрэг болгожээ
  • СЭРЭМЖЛҮҮЛЭГ: Ирэх сарын 1-нд шилжих шөнө гамшигт үзэгдэл бий болох эрсдэлтэй байна
  • Байгаль хамгаалах ажилд иргэдийн саналыг тусгаж байна