Нийтлэгдсэн: Mon, Apr 2nd, 2018

С.Сувданчимэг үнэмлэхүй амжилт тогтоолоо

Olimp-1

Засгийн газрын Хэрэг эрхлэх газар /ЗГХЭГ/-ын дарга Б.Бат-Эрдэнийн санаачлагаар Боловсрол, соёл, шинжлэх ухаан, спортын сайд Ц.Цогзолмаагийн дэмжлэгтэйгээр, Аймгийн ЗДТГ-аас  манай аймагт анх удаа зохион байгуулагдсан “Байгалийн ухааны нэгдмэл агуулгын олимпиад” амжилттай болж өнгөрлөө. Энэ жил 12 дугаар ангиа төгсөх, сургууль тус бүрээсээ шалгарсан шилдэг тав, нийтдээ 102 сурагч оролцсон математик, физик, хими, биологи, газар зүйн хичээлийн нэгдмэл олимпиад нь зохион байгуулалтын хувьд өвөрмөц онцлогтой.

Olimp-6

Аливаа шалгалт, уралдаан болоход дүн нь 1-14 хоногийн дараа гардаг бол энэ удаагийн нэгдмэл олимпиадын дүн таван минутын дотор гарсан нь багш, эцэг эх, сурагчдын сэтгэлд нийцсэн “Сонгодог” арга хэмжээ байлаа. Нийтдээ 102 сурагч оролцоход Ш.Отгонбилэгийн нэрэмжит Технологийн сургуулийн Ахлах сургуулийн сурагч Сүндэрьяагийн Сувданчимэг 114 оноогоор тэргүүн байранд шалгарсан юм. Хоёр, гуравдугаар байранд тус сургуулийн ахлах сургуулийн сурагч  Түмэн-Өлзийн Цэлмэг 87 оноо, Адъяасүрэнгийн Мөнхзаяа 84 оноогоор  шалгарчээ. Энэ гурван сурагч бол ТИС-ийн багш, Монгол улсын гавьяат багш С.Мэнджаргалын шавь нар юм. Харин шагналт дөрөвдүгээр байранд “Орхон эмпати” сургуулийн сурагч   М.Мэндсайхан 82 оноогоор шалгарав. Олимпиадын тэргүүн байр болон шагналт байруудад шалгарсан сурагчдад санаачлагч, ЗГХЭГ-ын дэд дарга Б.Бат-Эрдэнэ, сайд Ц.Цогзолмаа, аймгийн Засаг даргын орлогч А.Түвшинжаргал, Боловсролын үнэлгээний төвийн дарга Ж.Ган-Эрдэнэ нар өргөмжлөл, медаль, мөнгөн шагналыг гардуулав. Тэргүүн байранд шалгарсан сурагчийг 500, хоёрдугаар байр 300, гурав болон шагналт байранд орсон сурагчийг 200 мянган төгрөгөөр урамшуулжээ.

Olimp-11

Олимпиадын тэргүүн байранд шалгарсан С.Сувданчимэг нь олон улсын химийн олимпиадаас хүрэл медаль авч байжээ. Гуравдугаар сарын эхээр нийслэлийн сурагчдын дунд зохиогдсон ийм уралдаанд тэргүүн байр эзэлсэн сурагч нийтдээ 97 оноо авсан байна. Харин сурагч С.Сувданчимэг 114 оноо авсанаар үнэмлэхүй амжилт үзүүлсэн юм. Энэ тухай сайд Ц.Цогзолмаа хэлэхдээ “Улаанбаатарын шилдэг сурагчдын дунд явуулсан олимпиадад эхний байр эзэлсэн сурагч 97 оноо авсан. Өнөөдөр Эрдэнэтийн сурагч Сувданчимэг 114 оноо авч энэ олимпиадын дээд амжилт тогтоолоо. Эрдэнэтийн сурагчид ямар мундаг юм бэ. Би Эрдэнэт хотын сурагчдаараа бахархаж байна” хэмээсэн юм.

Olimp-8

Зохион байгуулагчдын зүгээс ирэх хаврын Элсэлтийн ерөнхий шалгалтыг ийм журмаар зохион байгуулах саналаа Боловсролын үнэлгээний төвд хүргүүлээд байна. Улсын хэмжээнд нийтэд нь ийм маягаар зохион байгуулах боломжгүй ч ямар ч байсан 2-3 аймагт Элсэлтийн ерөнхий шалгалтын дүнг 5 минутын дотор гаргадаг дэвшилтэт техник, технологи нэвтэрсэн хэлбэрээр явуулахаар судалж байгаа аж.

Olimp-10

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна
  • Эрдэнэт хотын өдрөөр худалдааны төвүүд 50 хувь хүртэл хямдрал зарлана
  • Иргэдийн эзэмшил газар төмөр замын трасст оржээ
  • Усны хяналтын хоёр тоолуур суурилуулжээ
  • Цэцэрлэг, сургуулийн зориулалтаар 7.4 га газар эзэмшүүлжээ
  • Байцааны зоорийг цагдаад шалгаж байна
  • Ц.Алтаншагайд баярлалаа
  • Хөнгөн хэлбэрээр “хундага тулгасан” үед замын цагдаа дуудах шаардлагагүй
  • Засаг дарга Д.Батлутын ажлыг “Хангалттай” хэмээн үнэлжээ
  • Хоёр ба гурван дугуйт тээврийн хэрэгслийг замын хөдөлгөөнд оролцохыг хоригложээ
  • Эрдэнэтчүүдийг 750 сая төгрөгөөр торгохыг ИТХ-ын төлөөлөгчдөд үүрэг болгожээ
  • СЭРЭМЖЛҮҮЛЭГ: Ирэх сарын 1-нд шилжих шөнө гамшигт үзэгдэл бий болох эрсдэлтэй байна
  • Байгаль хамгаалах ажилд иргэдийн саналыг тусгаж байна