Нийтлэгдсэн: Tue, Apr 3rd, 2018

Б.Бат-Эрдэнэ: Ажлын үр дүн гарч, бид эрхээ авлаа

Olimp-13

Байгалийн ухааны нэгдмэл хичээлийн олимпиадыг техник технологийн шинэ дэвшлийн дагуу орон нутагт анх удаа манай аймагт зохион байгууллаа. Аливаа уралдаан тэмцээн, олимпиад тэр бүү хэл ахлах ангийн сурагчдын Элсэлтийн ерөнхий шалгалт нь шалгагч, шалгуулагчдын хувьд хардлага төрүүлж, авлига хээл хахууль тойрсон элдэв ярианы орц хачиртай өрнөдөг нь нууц биш. Тэгвэл энэ удаад Засгийн газрын хэрэг эрхлэх газар /ЗГХЭГ/-ын дэд дарга Б.Бат-Эрдэнэ санаачилж хөдөө орон нутагт байгалийн ухааны төрөлжсөн хичээлийн нэгдмэл олимпиадыг шинэ арга хэлбэр, дэвшилтэт техник технологи ашиглан зохион байгуулсан юм. Өөрөөр хэлбэл, олимпиадын дүн шалгуулагчдын болон тэдний эцэг, эхчүүдийн нүдэн дээр дөрөвхөн минутын дотор гарч, дүнг дэлгэцээр харуулсанаараа онцлог ажээ. Тэр бүү хэл олимпиадын явцын талаар болон шалгагч машины тухайд ч “Уурхайчин”  соёлын ордны өмнөх том дэлгэцээр эрдэнэтчүүдэд шууд дамжуулан хүргэсэн нь олны анхаарлыг өөрийн эрхгүй татсан.

Olimp-12

Энэ удаагийн олимпиадыг Боловсрол, соёл, шинжлэх ухаан, спортын сайд Ц.Цогзолмаа дэмжиж, Боловсролын үнэлгээний төв, аймгийн ЗДТГ хамтран зохион байгууллаа. Олимпиадын үр дүн газар дээрээ гарсан. Сайд Ц.Цогзолмаа олимпиадад амжилттай оролцсон сурагчдад шагнал гардуулах үеэрээ “Энэ жилийн ЭЕШ-ыг ийм хэлбэрээр 2-3 аймагт зохион байгуулахаар төлөвлөсөн. Эрдэнэтийн сурагчид өнөөдөр гайхалтай, бахдам амжилт гаргалаа. Иймээс Орхон аймгийн ахлах ангийн сурагчдын ЭЕШ-ыг энэ аргаар явуулах болсныг дуулгаж байна” гэсэн юм.

Olimp-10

                                                  

Олимпиадын дэд аварга Т.Цэлмэгт шагнал гардуулж байна

Олимпиадын санаачлагч ЗГХЭГ-ын дэд дарга Б.Бат-Эрдэнэ “Үнэхээр сэтгэл хангалуун байна. Эрдэнэтийн С.Сувданчимэг 114 оноо авч үнэмлэхүй амжилт гаргалаа. Улаанбаатарт ийм олимпиад болоход хамгийн дээд оноо нь 97 байсан. Энэ бүхэн Эрдэнэтийн хүүхэд багачуудын оюуны царааг илтгэж байгаа юм. Энэ олимпиадын үр дүн, ач холбогдол нь ч газар дээрээ гарлаа. Энэ жилийн ЭЕШ-ыг манай аймагт уг хэлбэрээр зохион байгуулах болсныг сая сайд Ц.Цогзолмаа дуулгалаа. Энэ хавар сургуулиа төгсөх Эрдэнэтийн 1480 хүүхэд шалгалтынхаа дүнг газар дээр нь ганцхан минутын дотор сонсох боломж бүрдлээ. Үүнийг бидний ажлын үр дүн гэж бодоход таатай байна. Цаашдаа бүх аймаг, орон нутаг ЭЕШ-ыг дээрхээр явуулдаг болгох тал дээр Засгийн газраас олон ажил хийнэ. Технологийн шинэ дэвшлийг харуулсан техникийн шийдлийг амьдралд нэвтрүүлсэнээр уралдаан тэмцээн, олимпиадад оролцогчдын болон эцэг эхчүүдийн эргэлзээ арилна. Түүнийг тойрсон авлига, хээл хахуулийн асуудал ч үгүй болно. Ямар ч байсан эхний алхам үнэхээр гайхалтай байсан. Эрдэнэтийн сурагчдын оюуны чадамжийн төвшин ямар байгааг Боловсролын үнэлгээний төвийнхөн ч үнэллээ. Энэ олимпиадад амжилттай оролцсон бүх сурагчиддаа болон тэдний багш, сурган хүмүүжүүлэгчдэд амжилт хүсье. Бид хамтдаа хийж чадлаа, ажлынхаа үр дүнг бодитоор үзлээ. Үнэхээр сайхан байна” гэсэн юм.

Olimp-8

                                                                                   Олимпиадын аварга С.Сувданчимэг

Хичээл тус бүрээр сурагчдын гүйцэтгэсэн даалгаврыг шалгагч машин 1-2 минутын дотор уншиж дүнг газар дээр нь танилцуулах боломжтой энэ хаврын ЭЕШ эрдэнэтчүүдийн оюуны хөгжилд нэг шат ахисан алхам болно гэдэгт эцэг, эхчүүд итгэж байна.

Olimp-7

                                                              Олимпиадын хүрэл медальт А.Мөнхзаяа

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна
  • Эрдэнэт хотын өдрөөр худалдааны төвүүд 50 хувь хүртэл хямдрал зарлана
  • Иргэдийн эзэмшил газар төмөр замын трасст оржээ
  • Усны хяналтын хоёр тоолуур суурилуулжээ
  • Цэцэрлэг, сургуулийн зориулалтаар 7.4 га газар эзэмшүүлжээ
  • Байцааны зоорийг цагдаад шалгаж байна
  • Ц.Алтаншагайд баярлалаа
  • Хөнгөн хэлбэрээр “хундага тулгасан” үед замын цагдаа дуудах шаардлагагүй
  • Засаг дарга Д.Батлутын ажлыг “Хангалттай” хэмээн үнэлжээ
  • Хоёр ба гурван дугуйт тээврийн хэрэгслийг замын хөдөлгөөнд оролцохыг хоригложээ
  • Эрдэнэтчүүдийг 750 сая төгрөгөөр торгохыг ИТХ-ын төлөөлөгчдөд үүрэг болгожээ
  • СЭРЭМЖЛҮҮЛЭГ: Ирэх сарын 1-нд шилжих шөнө гамшигт үзэгдэл бий болох эрсдэлтэй байна
  • Байгаль хамгаалах ажилд иргэдийн саналыг тусгаж байна