Нийтлэгдсэн: Mon, Apr 16th, 2018

“Дан дээлтэй гарсан Даваадорж минь даараа болов уу яагаа бол”

22184791_2004344913115327_1698421090_n

Монгол ардын нэгэн дуунд

“… Дан дээлтэй гарсан юмсан

       Даараа болов уу яагаа бол

      Даанч намайгаа зовоосон юмсан

      Жаргаа болов уу яагаа бол…” хэмээн гардаг. Тэгвэл энэ дуу өнөө цагийн улстөрчдөд яг тохирох болоод байгааг юу гэж ойлгох вэ. Орон нутгийн сонгуулийн үеэр “… нэр дэвшигч миний бие нь сонгогч таны төлөө чөмгөө дундартал зүтгэе. Сонгогч таны номхон морины чинь ногт догшин морины чинь чөдөр болъё. Давхар дээлийг үзэн ядаж байна. Би дарга болохгүй, та нарын төлөө зүтгэнэ” хэмээн сөгдөн мөргөж байгаад л сонгогддог. Сонгуулийн дараа ялсан нэр дэвшигч эрийн сайндаа гараад ирсэн юм шиг өнөөх хэдэн сонгогчоо хоёр байтугай нэг нүдээрээ ч бараг л харахгүй дээ. За тэгээд нэг их удалгүй өнөөх ялсан нэр дэвшигч маань аймаг, сумын ИТХ-д нэг суудал чирч ирсэн гавьяагаа өндрөөр үнэлүүлэн албан тушаалаар шагнуулна. Ингээд л сонгуулийн үеэр дан дээлтэй манаргаж явсан намын нэр дэвшигч сонгуулийн дараа ялалтын бялуунаас хүртэж давхар дээлтэй дарга болоод сонгогчоосоо тасарч өгнө дөө. Ийм л дүр зураг өнөөдөр бидний нүднээ бүр хэвшчихжээ. Өнөөдрийн аймгийн ИТХ 33 төлөөлөгчтэй. Олонхийг бүрдүүлэгч МАН-ынхан 30,  цөөнх болох АН-ынхан 3 суудалтай. МАН-ын 30 төлөөлөгчийн олонхи нь өнөөдөр дан биш давхар дээлтэй дарга нар болоод амьдралаас тасарсан шигээ яваа гэхэд нэг их хол зөрөхгүй болов уу. Бүр зарим нэгний төлөөлөл болох Баянцагааны “депутат” Ш.Даваадорж нэгэн яамны хэлтсийн дарга болонгуутаа “Сонгогчид минь баяртай” гэж хэлээд Улаанбаатарыг зорьсон. Баянцагаан багийн сонгогчид “Улаанбаатарт байгаа миний төлөөлөгч Даваадоржид” гэсэн захиа илгээгээд ч түүний барааг нь бүү хэл сургийг нь ч сонсоогүй. Ш.Даваадорж ч нэг их удалгүй “Аймгийн ИТХ-ын төлөөлөгчөөс чөлөөлж өгнө үү” гэсэн өргөдлөө өгснөөр Баянцагаан багийн сонгогчид эзэнгүй хаягдсан. Сонгогчдоо албан тушаал, эрх мэдэл, өнгө мөнгөнөөс “худалдчихаад”, улмаар бүр зугатаагаад “Нийслэл хүү” болоод сураг нь тасарсан Ш.Даваадоржийн тойрог буюу Баянцагаан багт нөхөн сонгууль болох ёстой. Аймгийн ИТХ-ын даргын зүгээс “Ш.Даваадоржийн тойрогт нөхөн сонгууль зарлах” асуудлыг Тэргүүлэгчдийн хуралд оруулж иртэл “Нийслэл хүү”-гийн хань хамсаатнууд, хамтран зүтгэгчид нь Баянцагаан багийн иргэдийг бүдэрсэн дээр нь түлхэх гэсэн шиг нөхөн сонгууль явуулахыг эсэргүүцлээ. Өөрөөр хэлбэл, Баянцагаан багийн иргэдийн хувь заяаг юман чинээ бодсонгүй. Баянцагааныхан

“Дан дээлтэй гарсан Даваадорж төлөөлөгч минь

Даараа болов уу яагаа бол

Даанч намайгаа зовоосон юмсан

Жаргаа болов уу яагаа бол” хэмээн амандаа аялсаар үлджээ. Харин Улаанбаатарт Баянцагааны Даваадорж  “Дан дээлээ давхар болгоод дарга болсоон, дахиад та нар надад хэрэггүй ээ” хэмээгээд дарга болоод амандаа дуу аялсан шигээ явна.

Тэгээд ч өнөөдөр бид нэг л буруу дэвээд байгаа. Аймгийн Иргэдийн төлөөлөгчдийн хурал гэж нэрийддэг хэрнээ 33 хүн бүгд л дарга албан тушаалтай болдог. Олонх, цөөнхий бүлгийн даргаас эхлээд хэлтэс, алба, агентлаг, үйлдвэрийн газрын дарга болчихно.  Аймгийн Иргэдийн төлөөлөгчдийн хурал биш. Дарга нарын төлөөлөгчдийн хурал гэж нэрлэвэл таарна. Иргэд, сонгогчдын нэрээр сонгуульд ялчихаад ялсан намын өвөрт орж албан тушаалын бялуу хүртэнэ. Сонгосон сонгогчоо үл тоохоос гадна төрдөө төлсөн татвараас нь “Урамшуулал” нэрээр сар бүр 500 мянган төгрөгөөр торгоно.

Өнөөгийн аймгийн ИТХ-аас дахиад ч хэдэн хүн давхар дээл буюу албан тушааландаа хайр зарлаад сонгогчдоо хаяад төрийн алба руу гүйхээр сэтгэл шулуудсан яваа гэнэ.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Захирагчийн албаныхан яагаад таг чиг болчихов, арай…
  • “Ном ярьж өгье”….”Цагаан гэгээ”………
  • Д.Батбилэг: Сүү нь тараг болдоггүй ш дээ, Бат-Өлзий дарга аа
  • “Өвчтэй” дарга машинаа бариад давхиад л байх уу
  • 100.000-д ганц тохиолддог судасны хавдраар шаналж буй 27-хон настай бүсгүйд туслаарай
  • Д.Батлут: Бид өдөрт 600 метр куб хог “үйлдвэрлэдэг” үйлдвэрлэгч болжээ
  • Бид тугаа мандуулъя, дарга нар туузаа хайчил л даа
  • Төгсөх ангийн сурагчдад “Мэргэжил сонголт”-ын мэдлэг олголоо
  • Б.Оюун-Эрдэнэ: Цэцэрлэгт сурсан зүйлээ гэртээ хийдэг дадал суулгах нь чухал
  • Сонгогчдоо ялгаварласан “Хөгжлийн түүчээ-хүний хөгжил” гэж байдаг уу
  • Дэнжид дарга нарын “десант” буув
  • “Эрдэнэт үйлдвэр”-т 1898 эмэгтэй ажилтан ажилладаг
  • “Эрдэнэт үйлдвэр”-т 1898 эмэгтэй ажилтан ажилладаг
  • 14 компанийн 99 эмэгтэй уурхайчин оролцож байна
  • Ц.Ойдов “Төлөөлөгчийн нэг өдөр”-өөр иргэдтэйгээ уулзав
  • “Уурхайчин эмэгтэйчүүд хөгжлийн төлөө” чуулж байна
  • “Дан дээлтэй гарсан Даваадорж минь даараа болов уу яагаа бол”
  • Шагчдыг тун удахгүй “ажилд нь гарах нь ээ”, энэ төр
  • Д.Бүүвэйбаатар: Барын сүүл явсанаас батганы толгой явсан нь дээр байлгүй
  • Дахин сонгуулийн асуудал шийдэгдтэл нөхөн сонгуулийг зарлахгүй
  • Д.Эрдэнэбат: Дутаад байгаа 60 сая төгрөгийг “Медипас”-аас гаргуулах хэрэгтэй
  • Тэргүүлэгчид архины зөвшөөрлийн асуудлыг хэлэлцэхийг дэмжлээ
  • “Хөх Монгол цогцолбор”-т хөхүүрийн айраг “зарж байна”
  • Нутгийн хүүгийн хүсэлт ажил хэрэг болох нь ээ
  • Д.Мөнхтогоо: Өвөг дээдсийнхээ шарил дээгүүр туучаад л байна даа
  • Найман саяын өртэй ч найдвар тээсэн Сэрэг дүрийн эргэн тойронд
  • Тэргүүлэгчид танилцах аялал хийв
  • ТӨРИЙН ЗАХИРГААНЫ УДИРДАХ АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫН ЗАР
  • ТӨРИЙН ЗАХИРГААНЫ УДИРДАХ АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫН ЗАР
  • ТӨРИЙН ЗАХИРГААНЫ УДИРДАХ АЛБАН ТУШААЛД ТОМИЛОГДОХ АЖИЛТНЫ СОНГОН ШАЛГАРУУЛАЛТЫН ЗАР