Нийтлэгдсэн: Wed, May 16th, 2018

О.Ариунгэрэлт: Бүтцийн өөрчлөлт хийчихээд байхад “Бүтцийн өөрчлөлт” нэрээр намайг ажлаас халсан

Ag-1

Аймгийн Засаг дарга Д.Батлутын Б/21 тоот захирамж гарч О.Ариунгэрэлтийг Боловсрол, соёл, урлагийн газрын даргаар томилоод байгаа. Газрын дарга О.Арунгэрэлттэй уулзаж зарим зүйлийг тодрууллаа.

– ШШГГ-ынхан Дээд шүүхийн шийдвэрийг хангахын тулд ажиллагаа явуулж ажил хүлээлцүүлэхээр ЗДТГ-ын Нийгмийн бодлогын хэлтсийн дарга А.Бумансорд хандсан. А.Бумансор үдээс өмнө, гадаа ШШГГ-ын албаны мэдэгдлийг хүлээн авч гарын үсэг зурсан. Ингэснээр ажил хүлээлцэх ажиллагаа эхлэх ёстой юм биш үү?

-Гурван шатны шүүх, Дээд шүүхээс намайг хууль бусаар ажлаас чөлөөлөгдсөн гэдгийг 2017 оны аравдугаар сард тогтоосон. Тэр цагаас хойш шүүхийн шийдвэр гүйцэтгэх газар ажиллахгүй байсан учраас би иргэнийхээ хувьд хууль зүй, дотоод хэргийн сайд Ц.Нямдоржид хандсан. Хууль зүй, дотоод хэргийн яамны Төрийн нарийн бичгийн дарга Г.Баясгалангаас ШШГЕГ-ын дарга, бригадын генерал Ц.Амгаланбаярт “Дээд шүүхийн 332 тогтоолыг тавдугаар сарын 15-ны дотор хангах”-ыг даалгасан. Үүний дагуу аймгийн ШШГАлбаныхан өчигдөр буюу тавдугаар сарын 15-нд над руу утасдаж мэдэгдсэн. Улмаар намайг аймгийн БСУГ-ын даргаар томилсон аймгийн Засаг даргын захирамжийг танилцуулсан. Ингээд Нийгмийн бодлогын хэлтсийн дарга А.Бумансорд шүүхийн шийдвэрийнхэн мэдэгдэл хүргүүлэх гэсэн боловч “гадуур ажилтай” гээд ирээгүй. Өнөө өглөө 08.00 цагаас хойш 09.40 цаг хүртэл миний бие болон Шүүхийн шийдвэрийнхэн А.Бумансор даргыг хүлээсэн. Арай гэж уулзаж Шүүхийн шийдвэрийн мэдэгдлийг хүлээлгэн өгсөн.

-Аймгийн Засаг даргын Б/21 тоот захирамжаар таныг газрын даргаар томилсон байна. Ажил хүлээлцэх комиссыг ч баталжээ. Хэзээ ажил хүлээлцэх гэж байна?

-Засаг даргын Б/21 тоот захирамжаар намайг БСУГ-ын даргаар томилсон. Ажил хүлээлцэх комиссыг А.Бумансор даргаар ахлуулан байгуулсан. Нутгийн удирдлагын ордон дээр өнөөдөр 15.00 цаг хүртэл А.Бумансор даргыг хүлээсэн. Түүнээс хойш өдийг хүртэл БСУГ дээр ажил хүлээлцэх комиссынхныг хүлээгээд л сууж байна.

-Таныг анх Бүтцийн өөрчлөлтөөр ажлаас чөлөөлсөн тухай 2016 оны аймгийн Засаг даргын Б/44 тоот захирамж гарч байсан. Бүтэц өөрчлөгдсөн болохоор та ажлаа өгсөн юм биш үү?

-Намайг 2016 онд ажиллаж байхад манай байгууллага аймгийн Боловсрол, соёлын газар нэртэй байсан. Улмаар Боловсрол, соёл, урлагийн газар гэж гэж бүтцийн өөрчлөлт хийгдсэн. Тэрхүү бүтцийн өөрчлөлтийг би энэ газрын даргаар ажиллаж байхдаа хийсэн гэсэн үг л дээ. Бүтцийн өөрчлөлтийг яамнаас ирсэн чиглэл, удирдамжийнх нь дагуу хийчихээд байхад намайг “Бүтцийн өөрчлөлт” нэрээр ажлаас халсан. Би энэ тухай Төрийн албаны зөвлөлд хандсан. ТАЗ-өөс шүүхэд хандахыг зөвлөсөн. Ингээд гурван шатны шүүхээс аймгийн Засаг даргын Б/44 тоот захирамж хууль зөрчсөн нь тогтоогдож ажилд эргүүлэн томилохыг заасан. Үүний дагуу л ажилдаа эргүүлэн томилогдоод байна.

-Дээд шүүхийн шийдвэр өнгөрөгч оны арваннэгдүгээр сард гарсан байх юм. Өөрөөр хэлбэл, тэрхүү Дээд шүүхийн “Ажилд эргүүлэн томилох” тухай 332 тоот тогтоол яагаад өдий хүртэл хэрэгжихгүй удсан юм бэ?

-Үүнийг Шүүхийн шийдвэрийнхэн л мэдэх байх. Аргаа бараад миний бие Хууль зүйн сайдад өргөдөл гаргасан.Үүний дагуу өнөөдөр шүүхийн шийдвэр гүйцэтгэх ажиллагаа явагдаж байна. Ажил хүлээлцэх комиссынхныг хүлээгээд сууж байна.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Дарга нар энэ жил 800 гаруй сая төгрөгөөр автомашин худалдан авах нь ээ
  • 2019 оны хөнгөлөлт чөлөөлөлтийн бүрдүүлэх материалын жагсаалт
  • Хэсэгчилсэн хорио цээрийн дэглэм тогтоолоо
  • Гахайн Африк мялзан өвчний талаарх зөвлөмж
  • Хувийн эмнэлгүүд ханиадтай хүүхдийг хөнгөлөлттэй үнээр үзэж байна
  • “Эрдэнэс Тавантолгой” компанийн цэвэр ашиг 2018 онд 720 тэрбумд хүрлээ
  • С.Чинзориг: Энэ сард цалинг, ирэх сард тэтгэврийг нэмнэ
  • Дэнж багийн малчин Баатарын Зунгаажав Улсын сайн малчин болжээ
  • Аймгийн ИТХ-ын Тэргүүлэгчдийн хуралдаан болов
  • Дарга нарын шинэ жилийн баяр дуусаагүй гэнэ
  • ХАА-н МСҮТ-д зургаан мэргэжлээр 187 оюутан суралцаж байна
  • Шинэ оны босгон дээр 8 охин, оны эхний өдөр 4 хүү мэндэлжээ
  • Нэг цагийн ажлын хөлс хамгийн багадаа 1904 төгрөг боллоо
  • Төрийн албан хаагчдад нэмэгдэл олгоно
  • “Эрдэнэт үйлдвэр”ХХК-ийн нэр бүхий хүмүүст төрийн одон, медаль гардуулав
  • МЭНДЧИЛГЭЭ
  • “Эрдэнэт үйлдвэр”-ийн мастерууд зөвлөлдлөө
  • Шагнал гардуулах ёслол болов
  • Д.Батлут: Эрдэнэтчүүддээ Тусгаар тогтнолоо сэргээн мандуулсаны түүх 107 жилийн ойн мэнд хүргэе
  • Г.Батсуурь: А.Амар нь Монгол улсын Ерөнхий сайдаар хоёр удаа ажиллаж байсан
  • Д.Пүрэвлхагва: Үндэсний эрх чөлөө, тусгаар тогтнолоо сэргээн мандуулсаны ойн баярын мэнд хүргэе
  • А.Амарын хөшөөнд цэцэг өргөлөө
  • “Найдвар” төвийн хүүхдүүдэд Ерөнхий захирлын бэлэг гардуулав
  • Мастерууд манлайлах хүчээ нэгтгэв
  • Хүүхдүүдийнхээ хүслийг биелүүллээ
  • МЭНДЧИЛГЭЭ
  • Үр дүнгийн гэрээгээ дүгнэж байна
  • Хэсгийн ахлагч нарынхаа үгийг сонслоо
  • Аймгийн удирдлагууд цэргийн алба хаагчдаа эргэлээ
  • Сургуулиуд шинэ кабинеттэй болжээ