Нийтлэгдсэн: Sun, Jun 3rd, 2018

Д.Бүүвэйбаатар дарга аа, бохирын ус горхи мэт урссаар байг уу

Bo-3

“Эрдэнэт Ус” ОНӨХК-ийн захирлаар Д.Бүүвэйбаатар томилогдоод хоёр жилийн нүүр үзэж байгаа. Өнөөдөр энэ байгууллагын ажлыг дүгнэхэд, яаралтай аваарын горимоор ажиллах нөхцөл, техникийн бэлэн байдал бүрэн алдагдсан гэж хэлэхээр байна. Учир нь гуравдугаар хорооллын 22 дугаар байрны нэгдүгээр орцны хонгилд үйл ажиллагаа явуулдаг Хэвлэлийн газарт бохирын ус хальж гарснаар, тэр хавийн оршин суугчид амьсгалахад хүнд байдалд оржээ. Амралтын өдөр таарсан учир “Эрдэнэт Ус” яаралтай арга хэмжээ авахгүй байна гэсэн оршин суугчдын гомдлоор бид очлоо.

Газар дээр нь очиход, хонгилын давхраас бохирын ус гадагшаа урсаж, гарсан. Хэвлэлийн газар руу орох боломжгүй, бохир ус шагайнаас дээгүүр татсан. Дотор нь байгаа техник хэрэгсэл, эд зүйлсийг зөөх ямар ч боломжгүй байлаа. Хэвлэлийн газраас “Эрдэнэт Ус” ОНӨХК-д дуудлага өгсөн боловч, бохирыг соруулаагүй байна.

Bo-2

“Эрдэнэт Ус” ОНӨХК-ийн диспетчер П.Гантөмөрөөс “Танайх хэдэн цагийн дотор бохирын усыг соруулж авах вэ” гэж асуулаа. Гэтэл өөдөөс  “Ариутгал ус татуургын хэсгийн дарга н.Уламбаяр гуравдугаар  хорооллын 6 дугаар байран дээр ажиллаж байгаа. Ажлаа дууссаны дараа очиж соруулна. Манай соруулдаг техник эвдэрсэн. Ер нь Хэвлэлийн газрын дээр нэгдүгээр давхар дахь “Хишиг” цайны газар тос баригч угаалтуур дээрээ суурилуулаагүй учраас бөглөрөл үүссэн. Манайхаас цайны газар руу албан бичиг явуулах гэж байгаа” гэсэн хариулт өгсөн юм .

“Хишиг” цайны газрыг ажиллуулж буй эмэгтэй “ Тавдугаар сарын 15-наас хойш халуун ус тасарсан. Хорь гаруй хонож байхад ямар ч арга хэмжээ аваагүй. Тостой аяга тавгийг хүйтэн усаар угаахаар бөглөрөл үүсэлгүй яахав. Би “Эрдэнэт Ус”-ын дарга руу нь байнга ярьж хэлдэг боловч халуун ус өгөхгүй байгаа” гэсэн хариултыг хэллээ.

Бохирын ус хальж, Хэвлэлийн газрын техник хэрэгсэл, эд зүйлс аюулд учирсан, гадагшаа үнэртэх бохирын үнэрээс ариун цэвэр, халдваргүйтлийн дэглэм алдагдсан зэрэг  гуравдугаар хорооллын 22 дугаар байрны нэгдүгээр орцны тэр хавийн оршин суугчдад үүсээд байгаа энэ нөхцөл байдал дээр “Эрдэнэт Ус” ОНӨХК-иас яаралтай арга хэмжээг даруйхан авсаны дараа хариуцлагын асуудлаа ярих ёстой болов уу. Гэтэл дээрх хоёр хувийн байгууллага, СӨХ-ны хүмүүстэй уулзаж явахад, “Д.Бүүвэйбаатар дарга ажлаа хийхгүй бараг хоёр сар болж байна. Нэг бол өвчтэй, эсвэл хотод ажлаар яваа гэдэг. Энэ байгууллага эзэнгүй болоод удлаа” гэсэн асуудлыг өмнөөс тавьж байв.

Bo-1

Дарга нь байхгүй, эсвэл хариуцлагагүй байсан ч бүхэл бүтэн хотын дулаан, ус, инженерийн шугам сүлжээний аюулгүй байдлыг хариуцдаг байгууллага амралтын өдөр ч хэвийн ажиллах ёстой. Гэтэл энэ байгууллагын яаралтай ажиллах техникийн нөхцөл алдагдсан нь энэ жишээнээс харагдахаар. Дээрх бохир гадагшаа горхи мэт урсаж байгаа нөхцөл гуравдугаар хорооллын 22 дугаар байран дээр хоёр удаа гарчээ. Одоогоор дээрх гэмтлийн техникийн нөхцлийг тодорхойлох нь байтугай яаралтай арга хэмжээ авахгүй, бохирын ус хотын төвөөр горхи мэт ширжигнон урссаар байна.

А.Чимэг

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • О.Анар: “Монголын зэс корпорац”-ийн ах, эгч нартаа баярлалаа
  • Хонх нь дуугарахлаар дамар нь, хоюулаа дуугарахлаар лам нь Таг гэдэг дээ
  • Гуйж байна, ажилтнуудаа үнэгүй үзлэг, оношлогоонд оруулж өгөөч …
  • Энэ туршлагыг аймгийн ЗДТГ-т дэлгэрүүлэхсэн
  • Б.Батсүх: Хувь хүнтэй нь ярьж, Хөдөлмөрийн гэрээг нь цуцлах цаг болсон
  • Шинээр модны захууд байгуулна
  • Ч.Мягмарсүрэн: Төсвөө зохиохдоо дээшээ хардагаа болиод хөрсөн дээр нь буулгамаар байна,та нар
  • М.Түмэнжаргал: 15, 16-ны өдрүүдэд үргэлжилсэн бороо орно
  • ”ЭРДЭНЭТ”-ИЙН ӨРӨНД АМАРЫН ТАЛБАЙГ АЛДАХ НЬ
  • Барилгачин дайчдын байгуулсан гавьяаг мартахын аргагүй
  • Анхдагч, илгээлтийн эздийн өдөрлөг Жаргалант суманд боллоо
  • МЭНДЧИЛГЭЭ
  • С.Ганцогт: Замын цагдаа нар ажил хийлгэхгүй байна
  • Дарга нарын Ээлжийн амралт хэзээ дуусах вэ
  • Анхдагч, илгээлтийн эздийг өдрийг Жаргалант суманд тэмдэглэнэ
  • МЭНДЧИЛГЭЭ
  • Цутгуурын цехийг шинэчлэх гэрээнд гарын үсэг зурав
  • Эмийн сангууд 17-33 хувиар үнээ нэмдэг байна
  • А.Түвшинжаргал дарга аа, Музейг амь оруулъя
  • Энэ зууны хамгийн урт үргэлжлэх сарны хиртэлт ирэх Бямба гарагийн үүрээр тохионо
  • Д.Дэлгэрбаяр: “Эрдэнэт Хурд-2018” наадмаар уурхайчдаа төдийгүй ард түмнээ баярлуулна
  • “ЭРДЭНЭТ ХУРД-2018” ДАНШИГ НААДМЫН ХӨТӨЛБӨР
  • Х.Эрдэнэбат аа, аймгийн удирдлагуудаа битгий малла л даа
  • ТА ТАТВАРЫН ТАЙЛАНГАА ХУГАЦААНД НЬ ИЛГЭЭСЭН ҮҮ
  • Үерийн ус зайлуулах сувагчлалыг сайжруулна
  • Эрдэнэт үйлдвэр орон нутагт хоёр тэртумын хөрөнгө оруулалт хийнэ
  • Солонгосчууд Эрдэнэтийн хүүхэд, ахмадуудын шүдэнд анхаарлаа хандуулж эхэллээ
  • Л.Эрхбаатар, Б.Мөнхдалай, Я.Тунгалаг, Г.Баярцогт нар сураггүй байгаа гэнэ
  • Баярын үеэр хоёр иргэн амиа хорлож, нэг хүн архинд хордож нас баржээ
  • Б.Зоригтбаяр урилга тарааж, дарга нар овооров