Нийтлэгдсэн: Sat, Jul 21st, 2018

Х.Эрдэнэбат аа, аймгийн удирдлагуудаа битгий малла л даа

Er-2

              Боломжийн цалин, орлого олж хүн шиг амьдрах гэсэн, өөрийгөө золиослоод үр хүүхдийнхээ ирээдүйн төлөө БНСУ-ыг зорьж “боолын хөдөлмөр” эрхлэх монголчуудын цуваа тасрахгүй, улам л нэмэгдэж байгаа. Тэр дундаа эрдэнэтчүүд ч аав ээжээ, үр хүүхдээ орхиод энэ улсыг зорих нь илүү нэмэгдсэн. Тэднийг буруутгах, зүхэх, ад үзэх аргагүй. Ажлын маань нэг залуу Солонгосыг зорьж орных нь хүний эрэлд гарлаа. Хайсны эцэст нэг хүн олоод ажил хайгчаар бүртгүүлсэн болохоор тэндээс хэрэгжүүлдэг төсөлд хамрагдчих санаатай аймгийн ХХҮХ-ийг зорьлоо. “Их санасан газар есөн шөнө хоосон хононо” гэгчээр тус газраас хэрэгжүүлдэг хөдөлмөр эрхлэлтийг дэмжих төсөл, хөтөлбөрт хамрагдах мөрөөдөл маань талаар болох нь тэр. Х.Эрдэнэбат даргатай тус газрын  төсөл, хөтөлбөр хариуцсан ажилтан нь байхгүй учраас Эрдэнэтийн ажил хайж яваа нэгэн залуу ажилтай болж чадсангүй. Тус газрын Хөдөлмөр эрхлэлтийг дэмжих төсөл, хөтөлбөр хариуцсан ажилтан Э.Баярмаа ээлжийн амралтаа авсан учраас ямар ч байсан наймдугаар сарын дунд хүртэл энэ газарт ажил хайгчаар бүртгүүлсэн Эрдэнэтийн иргэд шинээр ажилд орох  боломжгүй болжээ. Зарим нэг ажилтан нь “Э.Баярмааг ажилдаа ортол та хүлээх л болох нь дээ” гэсэн нь дээрхийг баталж байх шиг.

Саяхан даа, цахим орчинд “Он гарсаар аймгийн хэмжээнд 1079 иргэн шинээр ажилд оржээ” гэсэн мэдээлэл гарч байсан. Энэ мэдээлэл үнэн юм уу гэж аймгийн дарга нараас асуумаар байна. Мэргэжилтэн Э.Баярмаа ээлжийн амралтаа авах нь хууль ёсынх ч төрийн ажил түүнийг дагаад өдөр, сараар тасалдах учиргүй байлтай. Х.Эрдэнэбат аймгийн Засаг дарга Д.Батлут, түүний орлогч А.Түвшинжаргал нарыг жинхэнэ утгаар нь хуурч байгааг баримтаар хүргэе. Долоодугаар сарын 16-ны аймгийн Засаг даргын шуурхайн үеэр дээрх дарга нар “Байгууллагын удирдлагууд болон төрийн албан хаагчдын ээлжийн амралтыг зохицуулах, шаардлагатай үед холбоо барих утсыг нээлттэй байлгахад онцгой анхаарах” гэсэн үүрэг даалгаврыг албан тушаалтнуудад өгсөн.

Үүрэг даалгаврын  биелэлтийг талаар ХХҮХ-ийн дарга Х.Эрдэнэбат “Ээлжийн амралтын зохицуулалт:Байгууллагын үйл ажиллагааг тасралтгүй, хэвийн явуулах нөхцлийг хангах зорилгоор ээлжийн амралттай байгаа төрийн албан хаагчийн үүргийг түр орлон гүйцэтгэх албан тушаалтнуудын хуваарийг баталсан. Хуваарийн дагуу ажиллуулан, ээлжийн амралт авч байгаа ажилтнуудад шаардлагатай үед холбоо барих утасыг нээлттэй байлгахыг онцгойлон анхааруулж ажиллаж байна” хэмээн хариуг ЗДТГ-ын ТЗУХ-ийн Хяналт, шинжилгээ, үнэлгээний тасагт  ирүүлсэн байна.   Гэтэл бодит байдал дээр ээлжийн амралттай Э.Баярмаагийн ажлыг орлох хүн энэ байгууллагаас олдоогүй. Ам ажлын алд дэлэм зөрүү гэж үүнийг л хэлэх байх.

Х.Эрдэнэбат шинэ нарийн бичгийн даргатай болжээ

Er-1

ХХҮХ-ийн дарга Х.Эрдэнэбатыг хоёр өдөр хайсан. Тэрбээр ажилтнууддаа намайг байхгүй үед “Дарга дөнгөж сая гадагшаа гарсан. Дарга гадуур ажилтай яваа” гэж хэл хэмээх үүрэг өгсөн үү ямар ч байсан ажилтнууд нь дээрх үгсийг  тоть аятай давтах юм билээ. Гэтэл гадуур ажилтай явсан дарга маань хоёр хоногийн дараа шинэ нарийн бичгийн даргатай болоод ажилдаа ирсэн тухай сураг дуулдсан. Эндээс харвал Х.Эрдэнэбат дарга шинэ нарийн бичгийн дарга хайхаар хоёр хоног гадуур дотуур гүйсэн бололтой. “Аймгийн ХХҮХ-т нарийн бичиг, даргын туслах ажилд авна” гэсэн зар энд тэнд байхыг эрдэнэтчүүд мэдсэн болов уу. Шинэ нарийн бичгийн даргаа ямар шалгуураар сонгож авсанаа нээлттэй болгох хэрэгтэй санагдана. Тэгээд ч байгууллагын нарийн бичиг гэдэг адаглаад л арван хурууны бичээчийн дамжаа дүүргэсэн, архив бичиг хэргийн анхан шатны мэдлэгтэй хүн байхгүй бол ажил нурдаг, нураадаг гэдгийг хэн хүнгүй мэдэх байх. Тийм их ажил хэрэгч дарга юм бол шинэ нарийн бичгийн дарга чинь танайд ажил хайгчын бүртгэлтэй, мэргэжлийн хүн мөн үү гэж Х.Эрдэнэбатаас асууя.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • П.Пүрэвлхагва: Үйлдвэрийн нэг уурхайчин та энэ жил 100 гаруй сая төгрөгийн баялаг бүтээжээ
  • М.Мөнхбаатар: Уурхайчин та бүхэндээ, ахмадууддаа мэхийн ёсолъё
  • “Эрдэнэт үйлдвэр”-ийг Юмжаагийн Цэдэнбалын одонгоор шагнажээ
  • Х.Бадамсүрэн: Орон сууцны дэмжлэгийн мөнгийг 12 сая төгрөг болгож нэмэгдүүллээ
  • Хүний амь наснаас илүү бензины хэмнэлт гэж байх уу
  • Жолооны дамжаа 14 хоног болсон, гэвч…
  • П.Пүрэвлхагва: ГОК-ын цуваа төрийн хамгаалалттай цуваа биш шүү
  • Юмжаагийн Цэдэнбалын хөшөөний нээлт боллоо
  • Явган зам дагасан явган сурвалжлага III
  • Явган зам дагасан явган сурвалжлага II
  • Явган зам дагасан явган сурвалжлага I
  • П.Пүрэвлхагва: Эдийн засаг тогтворгүй бол хүн амын сэтгэл зүй тогтворгүй байдаг
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна