Нийтлэгдсэн: Tue, Jul 24th, 2018

А.Түвшинжаргал дарга аа, Музейг амь оруулъя

Mu-1

          Зуны урин дулаан цагаар Монголын хөх сувд Хөвсгөл далайг үзэх гэсэн гадна, дотны жуулчид жилээс жилд нэмэгдэж байгаа. Далай тийш хөврөх тэр их цуваа манай аймгаар дайран өнгөрдөг.

 Өнгөрөгч амралтын өдрүүдээр Хөвсгөл далайг үзээд Улаанбаатар тийш буцаж байгаа гурван  машин бүхий 30 гаруй жуулчин аймгийн Музейн гадна цоожтой хаалга мөргөөд буцаж байхтай таарсан юм. Энэ засаг ч тэр өмнөх нь ч мөн адил “Аялал жуулчлалыг хөгжүүлнэ” гэж уриа лоозон болдог атлаа бямба, ням гарагт аймгийнхаа Музейг нээлттэй байлгаж чадахгүй л сууна.

Дээрх 30 гаруй жуулчнаас нэг хүнийг 2 ам.доллараар музейгээ үзүүлсэн бол бага ч гэсэн орлого олох боломж байлаа. Аялалын ахлагч, жолооч нар нь жуулчдынхаа хүсэлтийг хангачих санаатай амьтан хүнээс музейн талаар эрэл сурал болж толгой сэгсэрч харагдсан. “Ямар сонин юм бэ, амралтын өдрөөр энэ аймгийн музей ажилладаггүй юм уу” гэж ирээд цагийн хуваарийг нь дахин дахин уншиж “Манаач байгаа болов уу” гэж хажуугаар өнгөрөх хүмүүсээс сураглаж байсан. Аргаа бараад “Амралтын өдрөөр манай музей ажилладаггүй. Хаалга үүд нь дохиололтой шүү” гэхэд аялалын ахлагч “Одоо эдэнд юу гэж ойлгуулна даа” гэсээр толгойгоо маажиж хоцорсон.

Mu-2

Тэднийг явсаны дараа музейн цагийн хуваарийг сонирхлоо. “Даваагаас баасан гарагт өглөө 09.00-17.00. Бямба, ням гарагт амарна” гэсэн байх юм. Монгол, англи хэл дээр бичиглэлтэй энэхүү цагийн хуваарийг дарга нар та бүхэн мэддэг болов уу. Аймгийн Музей дарга, сан хөмрөгч, тайлбарлагч гээд боломжийн орон тоотой байх. Ядаж л зуны урин дулаан цагт жуулчид Эрдэнэт хотоор дайран өнгөрдөг гэдгийг бодолцоод амралтын өдрүүдээр ажилладаг болгомоор байна. Байгууллагын даргын зүгээс багахан менежмент хийхэд болчих юм л даа, уг нь. Гэтэл энэ байгууллагын дарга эрдэнэтчүүдтэй адил, аймгийн дарга нартайгаа барьцаад даваагаас баасан гарагт ажиллачихаад амралтын өдрүүдээр хаалгаа дангитал түгжиж, нүдэн балай чихэн дүлий таг болдог ажээ. Амралтын өдрүүдээр гадны жуулчид музей үздэг гэдгийг мэддэггүй юм байх даа гэж тэднийг цагаатгахаас. Хаалганы хажууд сүглийх тээрмийн чулуу хүний хэлээр ярьдаг бол “Манай музей нэг иймэрхүү л ажилтай даа” гэж хэлэх байх.  Уг нь энэ хавар тус музей татвар төлөгчдийн 50 гаруй сая төгрөгөөр засвар хийсэн. Засвар хийлгэх болохоор төр засаг руу хошуу цорвойдог,  жуулчид зориод ирэхэд нь “Өнөөдөр амралтын өдрөө. Манай музей хаасан” гээд сууж байх нь энэ зуны өнгө биш л дээ.

Тун удахгүй “Эрдэнэт үйлдвэр”-ийн 40 жилийн ойн хүрээнд төвийн бүсийн хурдан морины   “Эрдэнэт хурд 2018” даншиг наадам ирэх амралтын өдрүүдээр болно. Бас л хаалттай байх уу.

Mu-3

Аймгийн Засаг дарга Д.Батлут ээлжийн амралттай  дуулдсан. Орлогч дарга А.Түвшинжаргал аймгийг удирдаж байгаа. А.Түвшинжаргал дарга аа, аймгийн музейг амь оруулж амралтын өдрүүдээр хаалгыг нь нээлттэй болгоё. Гадны жуулчид, эрдэнэтийн иргэд бямба, ням гарагт музейгээ үзэг. Аялал жуулчлалыг багахан ч гэсэн дэмжье л дээ.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Хонх нь дуугарахлаар дамар нь, хоюулаа дуугарахлаар лам нь Таг гэдэг дээ
  • Гуйж байна, ажилтнуудаа үнэгүй үзлэг, оношлогоонд оруулж өгөөч …
  • Энэ туршлагыг аймгийн ЗДТГ-т дэлгэрүүлэхсэн
  • Б.Батсүх: Хувь хүнтэй нь ярьж, Хөдөлмөрийн гэрээг нь цуцлах цаг болсон
  • Шинээр модны захууд байгуулна
  • Ч.Мягмарсүрэн: Төсвөө зохиохдоо дээшээ хардагаа болиод хөрсөн дээр нь буулгамаар байна,та нар
  • М.Түмэнжаргал: 15, 16-ны өдрүүдэд үргэлжилсэн бороо орно
  • ”ЭРДЭНЭТ”-ИЙН ӨРӨНД АМАРЫН ТАЛБАЙГ АЛДАХ НЬ
  • Барилгачин дайчдын байгуулсан гавьяаг мартахын аргагүй
  • Анхдагч, илгээлтийн эздийн өдөрлөг Жаргалант суманд боллоо
  • МЭНДЧИЛГЭЭ
  • С.Ганцогт: Замын цагдаа нар ажил хийлгэхгүй байна
  • Дарга нарын Ээлжийн амралт хэзээ дуусах вэ
  • Анхдагч, илгээлтийн эздийг өдрийг Жаргалант суманд тэмдэглэнэ
  • МЭНДЧИЛГЭЭ
  • Цутгуурын цехийг шинэчлэх гэрээнд гарын үсэг зурав
  • Эмийн сангууд 17-33 хувиар үнээ нэмдэг байна
  • А.Түвшинжаргал дарга аа, Музейг амь оруулъя
  • Энэ зууны хамгийн урт үргэлжлэх сарны хиртэлт ирэх Бямба гарагийн үүрээр тохионо
  • Д.Дэлгэрбаяр: “Эрдэнэт Хурд-2018” наадмаар уурхайчдаа төдийгүй ард түмнээ баярлуулна
  • “ЭРДЭНЭТ ХУРД-2018” ДАНШИГ НААДМЫН ХӨТӨЛБӨР
  • Х.Эрдэнэбат аа, аймгийн удирдлагуудаа битгий малла л даа
  • ТА ТАТВАРЫН ТАЙЛАНГАА ХУГАЦААНД НЬ ИЛГЭЭСЭН ҮҮ
  • Үерийн ус зайлуулах сувагчлалыг сайжруулна
  • Эрдэнэт үйлдвэр орон нутагт хоёр тэртумын хөрөнгө оруулалт хийнэ
  • Солонгосчууд Эрдэнэтийн хүүхэд, ахмадуудын шүдэнд анхаарлаа хандуулж эхэллээ
  • Л.Эрхбаатар, Б.Мөнхдалай, Я.Тунгалаг, Г.Баярцогт нар сураггүй байгаа гэнэ
  • Баярын үеэр хоёр иргэн амиа хорлож, нэг хүн архинд хордож нас баржээ
  • Б.Зоригтбаяр урилга тарааж, дарга нар овооров
  • А.Түвшинжаргал: М.Мөнхбаяр нарыг тэр шүүхэд нь өг л дөө