Нийтлэгдсэн: Sat, Aug 11th, 2018

Дарга нарын Ээлжийн амралт хэзээ дуусах вэ

Vx-2

          Найр наадмын улирал дуусч намрын сар эхэлсэн ч хотын амьдрал ажин түжин, баруунаас зүүн, зүүнээс барууныг чиглэх зорчигчдын цуваа үргэлжилсээр л. Аймгийн ЗДТГ-аар ортол эл хуль оргиж хаа нэгтээ ганц нэгхэн хаалганаас хүн орж гарч буйг эс тооцвол зуны гурван сарын турш амардаг дунд сургуулийн анги танхимд ороод ирсэн мэт сэтгэгдэл төрлөө. Тэр дундаа хоёр давхрын баруун жигүүрт нам гүм бараг л хаалга бүрт “Ээлжийн амралттай” гэсэн бичиг нааж орхижээ. Хөдөлмөрийн хуулийн дагуу хүн бүр жилдээ нэг удаа ээлжийн амралт эдлэх эрхтэй ч бүгд нэгэн зэрэг, хаалган дээрээ “Ээлжийн амралттай” гээд бичээд орхисныг харвал манай аймагт төрийн ажил зогсчихсон юм болов уу гэж бодогдохоор. Аймгийн ЗДТГ-ын газар, хэлтсийн дарга нар нь  Д.Соёлчхүү даргынхаа хамтаар айраг цагааны элбэг дээр ээлжийн амралтаа аваад амарч байгаа аж.

Ээлжийн амралтаа авч болно, харин амралтаа авсан дарга, ажилтан, мэргэжилтэн ажилдаа хэзээ орох тухай мэдээлэл тун бүрхэг байна. Хэлтсийн дарга нар бүү хэл, Д.Соёлчхүү даргын амралт хэзээ өндөрлөхийг мэдэх хүн Нутгийн удирдлагын ордонд алга. Төрийн албаны хувьд иймэрхүү дүр зураг ганц энэ жилийнх биш л дээ. Гэхдээ л манай  дарга нар энэ жилийн хувьд есдүгээр сарын 1-нд сургуульд орж байгаа нэгдүгээр ангийн сурагчтай хамт шахуу л ажил төрөлдөө орох сураг ажиг дуулдана. Бүр зарим нэг хурган даргын энэ жилийн ээлжийн амралт тийм сайхан байсан уу бүү мэд, ямартай ч  “Ирэх жилийн ээлжийн амралтаасаа 7 хоног авч байгаа гэнэ” хэмээх яриа чих дэлсэж билээ.

Vx-3

Үүнээс харвал Эрдэнэтийн иргэд дарга нарынхаа ээлжийн амралт хэзээ дуусахыг есдүгээр сарын 1-ний дараа л мэдэж болох нь. Уг нь соёлтойхон газарт бол “Ээлжийн амралттай” гэсэн том бичигнийхээ доор  “9 сарын 1-нд ажилдаа орно” гээд арай жижгээр биччихвэл даргыг хайж очсон хүн дахин дахин ирэхгүй байхсан. Амьдрал л болсон юм хойно энэ үеэр өргөдөл барсан, гэр авах хүсэлтээ гаргасан, гарын үсэг зуруулах гэсэн, тендэрт шалгараад хийсэн ажлынхаа мөнгийг хоёр сар гүйгээд ч авч чадахгүй өдөр болгон Нутгийн удирдлагын ордонд ирж байгаа компанийн захирал гээд олон хүнд буян болно доо.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Хонх нь дуугарахлаар дамар нь, хоюулаа дуугарахлаар лам нь Таг гэдэг дээ
  • Гуйж байна, ажилтнуудаа үнэгүй үзлэг, оношлогоонд оруулж өгөөч …
  • Энэ туршлагыг аймгийн ЗДТГ-т дэлгэрүүлэхсэн
  • Б.Батсүх: Хувь хүнтэй нь ярьж, Хөдөлмөрийн гэрээг нь цуцлах цаг болсон
  • Шинээр модны захууд байгуулна
  • Ч.Мягмарсүрэн: Төсвөө зохиохдоо дээшээ хардагаа болиод хөрсөн дээр нь буулгамаар байна,та нар
  • М.Түмэнжаргал: 15, 16-ны өдрүүдэд үргэлжилсэн бороо орно
  • ”ЭРДЭНЭТ”-ИЙН ӨРӨНД АМАРЫН ТАЛБАЙГ АЛДАХ НЬ
  • Барилгачин дайчдын байгуулсан гавьяаг мартахын аргагүй
  • Анхдагч, илгээлтийн эздийн өдөрлөг Жаргалант суманд боллоо
  • МЭНДЧИЛГЭЭ
  • С.Ганцогт: Замын цагдаа нар ажил хийлгэхгүй байна
  • Дарга нарын Ээлжийн амралт хэзээ дуусах вэ
  • Анхдагч, илгээлтийн эздийг өдрийг Жаргалант суманд тэмдэглэнэ
  • МЭНДЧИЛГЭЭ
  • Цутгуурын цехийг шинэчлэх гэрээнд гарын үсэг зурав
  • Эмийн сангууд 17-33 хувиар үнээ нэмдэг байна
  • А.Түвшинжаргал дарга аа, Музейг амь оруулъя
  • Энэ зууны хамгийн урт үргэлжлэх сарны хиртэлт ирэх Бямба гарагийн үүрээр тохионо
  • Д.Дэлгэрбаяр: “Эрдэнэт Хурд-2018” наадмаар уурхайчдаа төдийгүй ард түмнээ баярлуулна
  • “ЭРДЭНЭТ ХУРД-2018” ДАНШИГ НААДМЫН ХӨТӨЛБӨР
  • Х.Эрдэнэбат аа, аймгийн удирдлагуудаа битгий малла л даа
  • ТА ТАТВАРЫН ТАЙЛАНГАА ХУГАЦААНД НЬ ИЛГЭЭСЭН ҮҮ
  • Үерийн ус зайлуулах сувагчлалыг сайжруулна
  • Эрдэнэт үйлдвэр орон нутагт хоёр тэртумын хөрөнгө оруулалт хийнэ
  • Солонгосчууд Эрдэнэтийн хүүхэд, ахмадуудын шүдэнд анхаарлаа хандуулж эхэллээ
  • Л.Эрхбаатар, Б.Мөнхдалай, Я.Тунгалаг, Г.Баярцогт нар сураггүй байгаа гэнэ
  • Баярын үеэр хоёр иргэн амиа хорлож, нэг хүн архинд хордож нас баржээ
  • Б.Зоригтбаяр урилга тарааж, дарга нар овооров
  • А.Түвшинжаргал: М.Мөнхбаяр нарыг тэр шүүхэд нь өг л дөө