Нийтлэгдсэн: Sat, Aug 11th, 2018

С.Ганцогт: Замын цагдаа нар ажил хийлгэхгүй байна

Vx-1

Хотын төвийн ногоон бүсэд урин дулаан цагтай зэрэгцэн мал бэлчдэг, иргэд нь малтайгаа хамт хөл нийлүүлэн алхдаг дүр зураг Эрдэнэтэд нутагшаад удаж байгаа. Хүн, малын энэ замбараагүйдэл  замын хөдөлгөөнд ч тодорхой хэмжээгээр хүндрэл учруулдаг. Хотын хаяа дэрлэн зах зээлээ бараадан айлсан буусан гадна, дотны малчид бүр сүүлдээ ил цагаандаа гарч малаа хотын зүг туудаг болсныг албаныхан учирлаж гуйгаад, ухуулж сэнхрүүлээд ч дийлэхгүй байгаа. Ямар сайндаа л аймгийн ЗДТГ-ын дарга Д.Соёлчхүү “Бусдыг хайрлахгүй, хүндлэхгүй байгаа малчдыг юунд нь хайрладаг юм бэ. Малчид адуугаа ихээр оруулж ирэх боллоо. Ногоон байгууламжийг сүйтгэж байна. Холбогдох байгууллагынхан энэ тал дээр анхаарлаа хандуул, ажил хий. Адууг нь хашаад төлбөр ав. Хурдан удмынх энэ тэр байна уу хамаагүй. Адууг нь махлаад зар. Ногоон байгууламжийг сүйтгэсэн хохирлыг барагдуул” хэмээн хатуухан мэдэгдэж билээ. “Адууг нь махлаад” ч дийлдэхээ байсан малчидтай тэмцдэг ганц газар нь Баян-Өндөр сумын ЗДТГ-ынхан. Эднийхээс хотын төвөөр бэлчих малыг хөөн гаргадаг мотоцикльтой, орон тооны тусгай ажилтан ажиллуулж байгаа. Өнгөрсөн долоо хоногт л гэхэд хотын төвд орж ирсэн 460 гаруй тооны малыг хотоос гаргасан байна.

Баян-Өндөр сумын хотын төвөөс мал хөөн гаргах орон тооны ажилтныг ажлаа хийхэд аймгийн Цагдаагийн газрын Замын цагдаагийн газрын замын цагдаа нар хүндрэл учруулж удаа дараа торгосон байна. Энэ талаар аймгийн Засаг даргын шуурхай дээр Баян-Өндөр сумын Засаг дарга С.Ганцогт “Замын цагдаа нар ажил хийлгэхгүй байна. Хотын төвд бэлчиж байгаа малыг хөөн гаргадаг манай мотоцикльтой ажилтныг хойноос нь хөөж очоод торгодог, дарамталдаг. Ажил хийхэд хүндрэлтэй болж байна шүү. Уг нь тэнд төрийн ажил явж байгаа юм. Гэтэл замын цагдаагийнхан ажил хийлгэхгүй байна. Хотын төвийн энэ малыг хэн хөөж тууж, хотоос гаргах юм бэ” хэмээсэн.

 Ажлаа хийж яваа хүнийг араас нь нэхэж очоод барьж авч торгоод байгааг юу гэж ойлгох вэ. Баян-Өндөр сумын ажилтан нь “Байгаль орчин ногоон байгууламж” гэсэн таних тэмдэг бүхий мотоцикль унадаг, түүнийг нь замын цагдаагийнхан харсаар байж, мал хөөж байгааг нь мэдсээр байж удаа дараа торгоод байгаад  нь бухимдсан С.Ганцогт аргаа барахдаа аймгийн Засаг даргын шуурхайг удирдаж байгаа А.Түвшинжаргал даргад мэдээлж байхав.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Хонх нь дуугарахлаар дамар нь, хоюулаа дуугарахлаар лам нь Таг гэдэг дээ
  • Гуйж байна, ажилтнуудаа үнэгүй үзлэг, оношлогоонд оруулж өгөөч …
  • Энэ туршлагыг аймгийн ЗДТГ-т дэлгэрүүлэхсэн
  • Б.Батсүх: Хувь хүнтэй нь ярьж, Хөдөлмөрийн гэрээг нь цуцлах цаг болсон
  • Шинээр модны захууд байгуулна
  • Ч.Мягмарсүрэн: Төсвөө зохиохдоо дээшээ хардагаа болиод хөрсөн дээр нь буулгамаар байна,та нар
  • М.Түмэнжаргал: 15, 16-ны өдрүүдэд үргэлжилсэн бороо орно
  • ”ЭРДЭНЭТ”-ИЙН ӨРӨНД АМАРЫН ТАЛБАЙГ АЛДАХ НЬ
  • Барилгачин дайчдын байгуулсан гавьяаг мартахын аргагүй
  • Анхдагч, илгээлтийн эздийн өдөрлөг Жаргалант суманд боллоо
  • МЭНДЧИЛГЭЭ
  • С.Ганцогт: Замын цагдаа нар ажил хийлгэхгүй байна
  • Дарга нарын Ээлжийн амралт хэзээ дуусах вэ
  • Анхдагч, илгээлтийн эздийг өдрийг Жаргалант суманд тэмдэглэнэ
  • МЭНДЧИЛГЭЭ
  • Цутгуурын цехийг шинэчлэх гэрээнд гарын үсэг зурав
  • Эмийн сангууд 17-33 хувиар үнээ нэмдэг байна
  • А.Түвшинжаргал дарга аа, Музейг амь оруулъя
  • Энэ зууны хамгийн урт үргэлжлэх сарны хиртэлт ирэх Бямба гарагийн үүрээр тохионо
  • Д.Дэлгэрбаяр: “Эрдэнэт Хурд-2018” наадмаар уурхайчдаа төдийгүй ард түмнээ баярлуулна
  • “ЭРДЭНЭТ ХУРД-2018” ДАНШИГ НААДМЫН ХӨТӨЛБӨР
  • Х.Эрдэнэбат аа, аймгийн удирдлагуудаа битгий малла л даа
  • ТА ТАТВАРЫН ТАЙЛАНГАА ХУГАЦААНД НЬ ИЛГЭЭСЭН ҮҮ
  • Үерийн ус зайлуулах сувагчлалыг сайжруулна
  • Эрдэнэт үйлдвэр орон нутагт хоёр тэртумын хөрөнгө оруулалт хийнэ
  • Солонгосчууд Эрдэнэтийн хүүхэд, ахмадуудын шүдэнд анхаарлаа хандуулж эхэллээ
  • Л.Эрхбаатар, Б.Мөнхдалай, Я.Тунгалаг, Г.Баярцогт нар сураггүй байгаа гэнэ
  • Баярын үеэр хоёр иргэн амиа хорлож, нэг хүн архинд хордож нас баржээ
  • Б.Зоригтбаяр урилга тарааж, дарга нар овооров
  • А.Түвшинжаргал: М.Мөнхбаяр нарыг тэр шүүхэд нь өг л дөө