Нийтлэгдсэн: Wed, Aug 15th, 2018

Гуйж байна, ажилтнуудаа үнэгүй үзлэг, оношлогоонд оруулж өгөөч …

Xa-4

            Даваа гарагийн аймгийн Засаг даргын шуурхай зөвлөгөөн төрийн байгууллагын ажилтнуудыг үнэ төлбөргүй үзлэг, шинжилгээнд орж Эрүүл мэндийн яамнаас хэрэгжүүлж байгаа ажилд тус болооч гэсэн гуйлтаар эхэлсэн юм. Эрүүл мэндийн аямнаас хавдрын эсрэг олон төрлийн ажил зохион байгуулж байгаа. Адаглаад л статистик мэдээлэл цуглуулах гээд. Энэ чиглэлийн ажил манай аймагт тун төвөгтэй, удаан, хангалтгүй байгаа учраас “Медипас” эмнэлгийн эмч Д.Цэрэнтогтох шуурхайд оролцож байгаа байгууллагын дарга нараас “Гуйж байна дарга нар аа, ажилтнуудаа эрүүл мэндийн тэр дундаа хавдрын үнэ төлбөргүй үзлэг, оношлогоонд хамруулж өгөөч” хэмээн хошуу цорвойсон юм.

Д.Цэрэнтогтох эмчийн мэдээллээс харвал манай аймгийн хувьд хавдар анхаарал татах хэмжээнд хүрсэн байна. Тэр дундаа зарим үзүүлэлтээр улсын дунджаас ч тээгүүр “давхиж” байгаа аж. Тухайлбал, манай аймаг умайн хүзүү, хөхний хорт хавдраар улсад тэргүүлдэг байна. Мөн элэг, ходоодны хавдраар хоёрт “жагсдаг” гэнэ. 2017 онд элэгний хорт хавдрын 146 тохиолдол бүртгэгджээ. Дэлхийд 100 мянган хүнд 99 элэгний хорт хавдар тохиолддог гэсэн статистик байдаг бол Орхон аймгийн 110 мянган хүнд 146 элэгний хорт хавдар бүртгэгдсэн нь дэлхийгээс давсан үзүүлэлт болжээ. Татвар төлөгчдийн багагүй хэмжээний мөнгөөр төрийн албан хаагчдыг В,С вирусын шинжилгээнд үнэ төлбөргүй хамруулдаг байна. Гэтэл төрийн байгууллагынхан тэр дундаа эмч, багш нар  энэ төрлийн үзлэг, шинжилгээнд бараг л хамрагддаггүй гэдгийг эмч нар хэлж байна. Мэргэжилтнүүдийн  тайлбараар С вирусын эсрэг эм уувал үр дүн буюу эдгэрэлт 98 хувьтай байгаа аж. Аймгийн хэмжээнд В,С вирус тоолох оношлогоог үнэгүй хийж байгаа ч үүнд төрийн байгууллагынханы хамрагдалт хангалтгүй байгаа учраас эмнэлгийнхэн ийнхүү аймгийн Засаг даргын шуурхай дээр ирж гуйж, гувшиж суухав. Аймгийн хэмжээнд 27-40 насныхны дунд Д вирустай иргэд их байгаа гэнэ. Д вирусийн хувьд эмчилгээний өртөг өндөр байдаг онцлогтой ажээ. Мөн өнөөдрийн байдлаар элэгний хатууралтай иргэдийн бүртгэл аймгийн хэмжээнд  огт байхгүй гэдгийг ч мэргэжилтэн онцоллоо.

Төрийн байгууллагад ажиллагсад цалин нэмүүлэх, банкны зээлийн хүү бууруулах зэрэгт дуу хоолойгоо нэгтгэн бүхий л төрлийн хэлбэрээр тодорхой хэмжээгээр тэмцдэг нь нууц биш. Харин өөрсдийнх нь тусын тулд  үнэ өртөггүй үзлэг, оношлогоонд хамруулах гэхлээр гэдийгээд суучихдаг болсныг мэргэжлийн эмч нар гэлтгүй иргэд ч ойлгохгүй байна. Гэтэл хувийн хэвшлийнхэнд хандсан, тэдэнд чиглэсэн ганц удаагийн болтугай үнэгүй үзлэг, оношлогоо манай аймагт байдаг уу. Ирэх оны аймаг, орон нутгийн төсөвт аливаа хавдрын эрт илрүүлэлтийн үзлэг оношлогоонд мөнгө төсөвлөгдсөн бол түүнд хувийн хэвшлийнхэнийг хамруулбал яасан юм бэ, дарга нар аа.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • “Монгол зэс” заргаа авчээ
  • Дээд шүүхээс “Эрдэнэт” үйлдвэрийн 49 хувийн асуудлаар Засгийн газрыг хууль зөрчсөн гэж үзжээ
  • Үйлдвэрлэлийн төлөвлөгөө бүх үзүүлэлтээр 100-аас дээш хувиар давж биелжээ
  • Цаг агаарын аюултай үзэгдлээс сэрэмжлүүлж байна
  • Шүүхийн шийдвэрийн дагуу дахин сонгууль болох нь ээ
  • Төрийн ажил өглөө 08.30 цагт эхэлдэг болно
  • Ж.ЭРДЭНЭБИЛЭГ: 520 тэрбум төгрөгийн татвар төлөөд байна
  • “Эрдэнэс таван толгой” Олон нийтийн зөвлөлтэй болно
  • Д.Сумъяабазар: “Эрдэнэт” үйлдвэрийн дансыг хаасан, битүүмжилсэн зүйл байхгүй
  • Цагаанчулуутын цэцэрлэг хүүхдээ хэзээ авах вэ
  • Д.Батлут: Иргэдэд мэдээлэх үүрэг нь та нарт бий, мэдээллээ өг л дөө
  • Нохой бөөс устгах ажил бизнес болсон уу аль эсвэл…
  • Хандивтай, 10 саяын шагналтай, нохой бөөсний асуудалтай шуурхайн эргэн тойронд
  • Нэгдүгээр ангийн сурагчийн гэрийн даалгавар нэг цагаас хэтрэхгүй байх ёстой
  • “Эрдмийн сан”-гийн шинэ хичээлийн жилийн нээлт боллоо
  • Д.БАТЛУТ: Хаана сурах нь гол биш, хэрхэн сурах нь чухал юм шүү
  • МЭНДЧИЛГЭЭ
  • МЭНДЧИЛГЭЭ
  • Шээсний шинжилгээ 7 хоног, цагаан хорхойнх 1 сарын хугацаанд хүчинтэй
  • Шинэ цэцэрлэг асуудал дагуулж эхэлжээ
  • Эрдэнэтчүүд нохой бөөсөндөө бариулжээ
  • Хог ачилт өнөөдрөөс эхэлнэ
  • Эрдэнэт хотын хажууханд хүхрийн хүчлийн үйлдвэр барьж байна
  • П.Пүрэвлхагва: Бат-Амгалан, та ажлаа хийж чадахгүй байна уу, сэтгэл гаргахгүй сууна уу
  • “Том толгойтой” захирал, эрхлэгч нарт арга хэмжээ авахыг үүрэг болгов
  • Нөөцийн мах бэлтгэл эхэлжээ
  • Тэргүүлэгчид хуралдав
  • О.Анар: “Монголын зэс корпорац”-ийн ах, эгч нартаа баярлалаа
  • Хонх нь дуугарахлаар дамар нь, хоюулаа дуугарахлаар лам нь Таг гэдэг дээ
  • Гуйж байна, ажилтнуудаа үнэгүй үзлэг, оношлогоонд оруулж өгөөч …