Нийтлэгдсэн: Thu, Sep 13th, 2018

Ж.ЭРДЭНЭБИЛЭГ: 520 тэрбум төгрөгийн татвар төлөөд байна

Erd-2

 -Эрдэнэт үйлдвэрийн Санхүү, эдийн засаг эрхэлсэн дэд захирал Ж.Эрдэнэбилэгтэй уулзаж  зарим зүйлийг тодрууллаа.

-Та эхлээд үйлдвэрийн наймдугаар сарын төлөвлөгөөний биелэлт, эдийн засгийн гол үзүүлэлтүүдийн талаар мэдээлэл өгнө үү?

    –Энэ оныэхний наймдугаар сарын үйлдвэрлэлийн төлөвлөгөөний үндсэн үзүүлэлтүүд гарсан. Баланс 9-р сарын 10 гэхэд гарна. Ер нь Эрдэнэт үйлдвэрийн үйл ажиллагаа урьд жилүүдээс өндөр түвшинд явж байна. Үүнтэй уялдуулан эдийн засгийн үзүүлэлтийн талаар мэдээлэл өгье. Манай үйлдвэр 101,9-115,2 хувийн төлөвлөгөөний биелэлттэй явж байна. Өнгөрсөн жил бид 320 тэрбум төгрөгийн цэвэр ашигтай ажилласан. 2018 оны хагас жилд 303,3 тэрбум төгрөгийн цэвэр ашигтай ажиллалаа. 2017 онд нэг төгрөгт ноогдох бүтээгдэхүүний үнэ 71 мөнгө байсан.  Одоо үйлдвэрлэсэн бүтээгдэхүүний нэг төгрөгт ноогдох өртөг 62 мөнгө болсон. Энэ нь нэгж бүтээгдэхүүний өөрийн өртгийг  бууруулж ажилласны үр дүн юм. Манай төлөвлөгөөндзэсийн ханшийг 6430 ам.доллар байхаар тусгасан боловч одоо 5823 ам.доллар болсон байна. Үүнтэй уялдуулан эрсдэлийн менежмент нэг, хоёр гэсэн вариант гарган ажиллаж байна. Тухайлбал, бид зэсийн ханш 6000 ам.доллараас  доош орсон тохиолдолд ямар зардлуудыг хэрхэн яаж хэмнэх юм. 5000-аас доош орвол хэрхэн яаж хэмнэлттэй ажиллах талаар эрсдэлийн менежментийн төлөвлөгөөтэй ажиллаж байна. Өнгөрсөн онд улсын болон орон нутгийн төсөвт 620 тэрбум төгрөг төлсөн. Энэ оны эхний найман сарын байдлаар 520 тэрбум төгрөг төлчихөөд байна. 2018 он дуустал төлөвлөгөөгөө улам давуулан биелүүлэх болно. Энэ нь үйлдвэрийн нийт бүтээлч хамт олны нөр их хөдөлмөрийн үр дүн юм.

-Үйлдвэрийн хэмжээнд тоног төхөөрөмж, бараа материал худалдан авах үйл ажиллагаа хэрхэн явж байна. Ажлын ямар дэвшил гарав.

    -2017 онд Эрдэнэт үйлдвэрт бараа, материал худалдан авах журмыг  баталсан. Энэ журмыг мөрдөн ажиллаж байна. 2018 оны эхний найман сарын байдлаар 321,5 тэрбум төгрөгийн төсөвт өртөгтэй 390 ажил хийсэн байна. Үүнээс 18,7 тэрбум төгрөгийн хэмнэлт гаргалаа. Өнгөрсөн онд 26,3 тэрбум төгрөгийн бодит хэмнэлт гаргасан. Тэгэхээр бид он дуустал илүү хэмнэлт гарган ашигтай ажиллах боломжтой.

   -Энэ онд цахим тендер зарласан. Орон нутгийнхаа үйлдвэрлэгчдийг хэрхэн дэмжин ажиллаж байна вэ?

-2018 онд нийт 390 гэрээ хийгдсэн. Үүний 114 нь орон нутагт ажил үйлчилгээ эрхлэх гэрээ байгаа. Одоогоор гэрээ байгуулсан компаниуд 24,8 тэрбум төгрөгийн тендерийн ажил гүйцэтгээд байна. Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийн  53-ын 7-д цахим тендерт идэвхтэй оролцохыг тусгасан хуулийн заалттай. Энэ хуулийн хүрээнд манай үйлдвэр энэ жил хоёр том ажил хийсэн. Нэгдүгээрт, цахим тендерийг нэвтрүүлсэн. 2018 оны гуравдугаар сарын 30-нд үйлдвэрийн Хөгжлийн хэлтсээс зарласан нь цахим тендерийн анхных байлаа. Бид цахим тендерийг амжилттай нэвтрүүлсэн. Нийт зарласан тендерийн 42 хувийг бид цахим тендерт оруулаад байна. Хоёрдугаарт,

Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийн хүрээнд хоёр үе шаттай нээлттэй тендер зарласан. Гуравдугаарт, бид худалдан авах үйл ажиллагааны төлөвлөгөөг улирал бүр баталдаг. Ингэж төлөвлөгөөгөө эрт баталснаар тендерийн үйл ажиллагааг өмнөхөөс арай шуурхай шийдэж байгаа. Төгсгөлд нь хэлэхэд шилэн дансны үйл ажиллагааг нэлээн өргөн хүрээнд явуулах болсноороо дэвшилтэй.

       -Цаг зав гаргасанд баярлалаа.

          Т.БАТЧУЛУУН 

Эх сурвалж “Erdenetmc.mn”

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • “Эрдэнэт үйлдвэр” ХХК болон “Монголросцветмет” үйлдвэрийг ТӨҮГ болгоно
  • Өнөөдөр Наурыз буюу Нарны баярын өдөр
  • Эрдэнэтийн ДЦС-д өргөтгөл хийснээр 12,79 тэрбум төгрөгийн ашигтай ажиллана
  • Эрдэнэтийн АН Ц.Элбэгдоржийн АН болох уу
  • Маргаашнаас ихэнх нутгаар дулаарна
  • Ц.Нямдорж: Б.Содномдаржаа, Т.Чимгээ нарын ар гэрээс уучлалт гуйж байна
  • “Эрдэнэс-Тавантолгой” ХК-г хаалттай хувьцаат компаниар бүртгэлээ
  • “Эрдэнэтийн ирээдүйн эзэд”-ийг 500 мянгаас Нэг сая төгрөгөөр урамшуулна
  • Машин авах 809 саяынхаа 280-аар нь ийм ажил хийх гэнэ
  • Гараа өргөөд хэлээ гаргаад бууж өгөх үү
  • Толгойгоо шаагаад яахав, хажуухан талд чинь дотрын эмч байна шүү
  • Зүүнбаянд амиа алдсан байлдагчийн ар гэрийхэн суулт зарлаж байна
  • Найзууд нэг л буруу сэвээд байх шиг
  • Нойтон цас орж, цасан шуурга шуурна
  • Л.Оюун-Эрдэнэ: Нийт 111 сая ам.долларын асуудалд 49 хувьтай хамаарал бүхий 5-6 компани байна
  • Төрийн жишиг менежмент
  • 20 орчим ажилд 2.4 тэрбум төгрөг зарцуулжээ
  • “Монголиан коппер корпорейшн” ХХК-ийнхан Ерөнхий сайдад хэлцэл хийх хүсэлт хүргүүлжээ
  • Эрүүл мэндийн даатгал хувиараа төлөгчдийн хураамж нэмэгджээ
  • Орлогчийг нь хөөж явуулаад ч даргынх нь бараа сураг гарсангүй
  • Аймгийн дарга нар гурван замын постын “босстой” танилцлаа
  • АН: Гэмт хэрэгт холбогдсон хэнийг ч өмгөөлөхгүй
  • Ажлаасаа чөлөөлөгдөж, өрөөгөө лацдуулсан эрхмүүд хэн хэн бэ
  • Цагдаагийнхан үйлдвэрийн захиргааг хүчитгэсэн хамгаалалтад авчээ
  • 18.30 цагт Б.Шинэбаатарын өрөөг битүүмжиллээ
  • “Эрдэнэт үйлдвэр”-ийн 49 хувийн талын 8 даргыг ажлаас нь чөлөөллөө
  • А.Түвшинжаргал: Хяналтын байгууллагууд Хивсний үйлдвэрийг шалгаач ээ
  • А.Түвшинжаргал: Хяналтын байгууллагууд Хивсний үйлдвэрийг шалгаач ээ
  • “Эрдэнэт үйлдвэр”-т зургаан сарын хугацаатай онц байдал зарлалаа
  • “Шинэ толь бичиг” сонины анхны дугаарыг 10 копейкээр зарж байжээ