Нийтлэгдсэн: Fri, Oct 5th, 2018

“Их хаадын цуваа” цэцэрлэг, сургууль барих гэрээний заалтаа өөрчлүүлж чаджээ

БНЧехУ-ын хөрөнгө оруулалттай “Их хаадын цуваа” компани Орхон аймгаас газар авч орон сууцны хороолол байгуулахдаа хүүхдийн цэцэрлэг, сургуулийн барилгыг хороолол дотроо барина гэж гэрээндээ оруулсан байдаг. Өнөөдрийн байдлаар орон сууцны 9 барилга барьж, зарж борлуулсан боловч хүүхдийн төлөө хийх гэрээний заалтаа биелүүлэхгүй байна.

Тус компани газар нутгийн хүрэлцээ муутай Орхон аймгаас орон сууцны иж бүрэн хороолол барихаар Цагаанчулуут багийн нутаг дэвсгэрээс газар авч ажлаа эхлүүлж байсан цаг саяхан. Тухайн үед аймгийн удирдлага хороолол дотроо цэцэрлэг, сургууль  барина гэсэн сайхан үгэнд хууртаж, газраас өгсөн. Гэтэл өнөөдрийг хүртэл уг компани нийгмийн хариуцлагаа биелүүлэх нь бүү хэл манай аймагтай байгуулсан гэрээнд хоёр удаа өөрчлөлт оруулсан байна. Ингэж гэрээнд өөрчлөлт оруулахдаа уг хороолол доторх цэцэрлэг, сургуулийн барилгыг улсын төсвөөр бариулахаар өөрчилж чадсан байна.

“Их хаадын цуваа” компанийн баригдаж байгаа орон сууцны барилгын яг чанх дор хүүхдийн тоглоомын талбай байгуулсан. Барилгын ажил явагдаж байхад аюул дагуулж болох орчинд оршин суугчдын хүүхдүүд тоглож байгаа нь компанийн удирдлагууд ямар сэтгэл зүрхтэй хүмүүс вэ гэдэг нь харагдахаар. Энэ хороололд ганц дэлгүүр ч байхгүй.

“Ирсэн гийчин буцдаг гэгчээр” газар дээр нь барилга барьж, ашиг олсоныхоо дараа гадны хүмүүс яваад өгнө. Харин бид улсын төсвөөр хэзээ цэцэрлэг, сургууль барих бол гээд хүлээгээд л үлдэнэ. Мөн тус компани гэрээний дагуу ашиглалтанд өгсөн барилга бүрээсээ тодорхой тооны орон сууцыг Орхон аймагт өгнө гэж заасан. Эхний хоёр барилгаас хоёр орон сууцыг манай аймагт өгсөн байдаг. Нэг орон сууцыг Эрдэнэтчүүдийн сайн мэдэх Төөнөгөөд өгсөн. Харин нөгөө байрыг тухайн үеийн аймгийн удирдлагууд авсан байх магадлалтай, хэнд өгсөн нь тодорхойгүй байдаг гэнэ.

“Их хаадын цуваа” компанитай байгуулсан анхны гэрээн дээр цэцэрлэг, сургуулийг тус компанийн хөрөнгөөр бариулна гэсэн заалтын зүсийг хувиргаж, өнөөдөр улсын төсвөөр барих хүртэл өөрчилж чадсан нь хэн нэгэн эрх мэдэлтний халаасыг зузаалсан ч байх талтай. Аймаг орон нутаг, хүүхдийн төлөө хөрөнгө оруулалт хийхээ мартсан энэ мэтийн компаниудад шаардлага тавьж, хариуцлага нэхэхэд төр хүчгүйдээд байвал олон нийтийн дуу хоолойг авахад ч багадахаар. Эцэст нь газраа өгсөн Эрдэнэтчүүд хохироод, ашиг олсон гадны компаниуд хөлжөөд явж байгаа үйлдэл “Их хаадын цуваа” компани дээр гарсаныг бид ахин давтмааргүй байна.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Аймгийн ИТХ-ын Тэргүүлэгчид хуралдлаа
  • Тайваний төлөөлөгчийн газраас БОЭТ-д тоног төхөөрөмж хандивлав
  • Аймгийн ИТХ-ын сонгуульд намын гишүүд нэр дэвших эрхгүй болно
  • Эрдэнэт үйлдвэр Хятадын “ICBC” банкинд хэдэн сая ам.доллар төлөх вэ
  • Сэрэмжлүүлэг
  • Монголчууд шинийн 7-нд айлд зочлохыг цээрлэдэг
  • “Эрдэнэс-таван толгой” ХК-ийн захирал Б.Ганхуяг сар шинийн мэндчилгээ дэвшүүллээ
  • Хичээл даваа гарагт эхэлнэ
  • Шөнөдөө хүйтний эрч чангарч -40-45 хэмд хүрнэ
  • Мэндчилгээ
  • Мэндчилгээ
  • МЭНДЧИЛГЭЭ
  • ОРХОН АЙМГИЙН ЗАСАГ ДАРГА БӨГӨӨД ЭРДЭНЭТ ХОТЫН ЗАХИРАГЧ ДАМБЫН БАТЛУТЫН XVII ДУГААР ЖАРНЫ ШОРООН ГАХАЙ ЖИЛИЙН САР ШИНИЙН МЭНДЧИЛГЭЭ
  • Хоёрдугаар сарын цаг агаарын урьдчилсан төлөв
  • Аймгийн Татварын хэлтсийг “Цагаан арслан” цомоор шагналаа
  • Шороон гахай жилийн цагаан сарын шинийн 1-нд мөрөө гаргах ёсон
  • Цалин, тэтгэвэр, тэтгэмжийг ингэж нэмжээ
  • Технологийн дэвшлийг ашиглаж өмч хөрөнгөө гэмт халдлагаас хамгаалаарай
  • Эмнэлэгт үзүүлэхэд ЭМД-ын дэвтэр шаардлагагүй болжээ
  • Г.Занданшатар: ‘Эрдэнэт’ үйлдвэр 100 хувийн Засгийн газрын мэдэлд байгаа
  • Өвөл, хаврын улиралд хурдан морины уралдааныг хориглов
  • Баасан гаригийн ажлын өдрийг Бямба гаригт шилжүүлээ
  • Аймгийн Цагдаагийн газар ажлаараа улсад тэргүүлжээ
  • Цагаанчулуутын 49-52 дугаар гудамжинд дахин төлөвлөлт хийх боломж бүрджээ
  • Орхон аймаг өрсөлдөх чадвараараа тэргүүлжээ
  • Дарга нар энэ жил 800 гаруй сая төгрөгөөр автомашин худалдан авах нь ээ
  • 2019 оны хөнгөлөлт чөлөөлөлтийн бүрдүүлэх материалын жагсаалт
  • Хэсэгчилсэн хорио цээрийн дэглэм тогтоолоо
  • Гахайн Африк мялзан өвчний талаарх зөвлөмж
  • Хувийн эмнэлгүүд ханиадтай хүүхдийг хөнгөлөлттэй үнээр үзэж байна