Нийтлэгдсэн: Sun, Nov 11th, 2018

Найман иргэнийг ямар шалгуураар сонгосон юм бэ Зоригтбаяр дарга аа?

    “Цагаан тоос” дэд хөтөлбөрийг боловсруулсан Ажлын хэсгийнхэн Жаргалант сумын иргэдтэй уулзалт хийж хөтөлбөрийн хүрээнд хийх ажлынхаа талаар танилцуулж, иргэдээс санал хүсэлтийг нь авсан. Энэ үеэр хамгийн их анхаарал татсан асуудал бол Эрүүл мэндийн үзлэг тойрсон сэдэв байлаа. Аймгийн ЗДТГ, Нийгмийн хөгжлийн бодлогын хэлтэс, аймгийн Эрүүл мэндийн газраас энэ онд цагаан тоосны бүсэд амьдарч байгаа иргэдээс түүвэрчлэн 43 хүнийг “Медипас” эмнэлэгт нарийн мэргэжлийн эмчийн үзлэгт хамруулсан юм. Энэ удаад эмчийн үзлэгт хамруулсан 43 хүн гэдэг тоо бол цагаан тоосонд даруулж тэр орчимд амьдарч байгаа Баян-Өндөр сумын Говил, Баянцагаан багийн мянга мянган,  Жаргалант сумын 3500 гаруй иргэний хувьд дэндүү чамлалттай тоо. Нөгөө талаас ердөө 43 хүнийг түүвэрлэн авч нарийн мэргэжлийн эмчийн үзлэгт хамруулаад гарсан үр дүнгээр нь цагаан тоосны дэгдэлт хүний эрүүл мэндэд ийм нөлөө үзүүлж байна хэмээн хариулах   гэж байгаа бол дэндүү том эндүүрэл. Саяхан даа, “Медипас” эмнэлгийн эмч нар аймгийн Засаг даргын шуурхай дээр  орон нутгийн удирдлагуудад хандан “Үнэ төлбөргүй үзлэг эмчилгээнд хамрагдах төрийн байгууллагын албан хаагчид, эмч, багш нараа эмчийн үзлэгт хамруулах ажлыг зохион байгуулж өгөөч, Гуйж байна” хэмээн хандаж байсан. Тэгвэл үнэ төлбөргүй үзлэгтээ хамрагдахгүй байгаа төрийн байгууллагынхныг энэ удаад орхиод цагаан тоосоор амьсгалж байгаа  Говил, Цагаанчулуут, Жаргалантын 100, 100 иргэнийг “Медипас”-ын нарийн мэргэжлийн эмч нарын үзлэгт хамруулчихгүй дээ гэж өөрийн эрхгүй бодогдож байв.

Энэ жилийн эмчийн үзлэгт Жарагалант сумаас ердөө найман хүнийг сонгон хамруулжээ. 3500 хүний хувьд бол үнэхээр чамлахаар тоо. Гэхдээ энэхүү 8 хүнээ хэрхэн сонгож, ямар шалгуураар эмчийн үзлэгт орохуулах болсон нь Жаргалантчуудын хувьд “оньсого” байжээ. Үүний хариултыг Жаргалантчууд сумын Засаг дарга Б.Зоригтбаяраас нэлээн нэхэл хатуутай шаардлаа. Бүр зарим нь “Илэрхий дэгдэж байгаа цагаан тоосыг хүний эрүүл мэндэд хоргүй гэж дүгнэлт гаргуулах гэж өөрсдийн хамаарал бүхий 8 хүнийг сонгосон. Тэдэндээ үзлэгийн талаар янз бүрийн юм бүү яриарай гэж мөнгө төгрөг өгсөн байна” гэж ирээд л бухимдаж байсан. Энэ асуултад Б.Зоригтбаяр дарга “Найман хүнийг түүврийн аргаар сонгосон. Ингэхдээ Хангалын голын дагуу 30-аас дээш жил тасралтгүй амьдарсан иргэдийг хамруулсан. Эмнэлгийн үзлэгийн дүн нь гараагүй байгаа. Дүн нь гарахлаар та бүхэнд танилцуулна” гэлээ. Эндээс харвал “Цагаан тоос” дэд хөтөлбөрийн тавдугаар зорилтод туссан “Цагаан тоосны талаар иргэдийг үнэн зөв бодит мэдээллээр хангах, сурталчилгааны ажлыг тогтмол зохион байгуулах” гэдэг нь яах аргагүй нүдээ олсон зорилт болжээ хэмээн санагдаж байлаа. Жаргалант сумын удирдлагын зүгээс эрүүл мэндийн үзлэгт хамрагдсан 8 хүнийхээ талаарх мэдээллийг баг, хороогоор нь дамжуулан энэ хугацаанд иргэддээ өгсөн бол ийм буруу зөрүү ойлголт хаана хаанаа төрөхгүй л байхсан даа.

Нөгөө талаар Жаргалантын иргэдийн хувьд дэд хөтөлбөрийг хэрэгжүүлэх төслийн багийнхнаас “Жаргалантын ногоочдын тарьсан төмс, хүнсний ногоо жилээс жилд үнэгүйдэж байна. Энэ бол цагаан тоостой хамааралтай. Үнэхээр төмс, хүнсний ногоонд цагаан тоос нөлөөлсөн бол түүнийгээ үнэн зөвөөр нь бидэнд мэдэгд. Дараагийн арга хэмжээгээ ав. Үйлдвэр нөхөн төлбөр өг” хэмээн шаардаж байлаа. Арга ч үгүй. Жилийн дөрвөн улирлын гуравт нь нуруугаа ч тэнийлгэх завгүй шахам, бөгтийтлөө ногооны талбайд ажилласан ногоочдын хувьд үнэ тойрсон асуудал үнэхээр хүнд байдаг. Баталгаа, нотолгоогүй ч гэсэн Жаргалантын ногоо эрүүл ахуйн шаардлага хангахгүй хэмээсэн дам яриа төмс, хүнсний ногооны үнийг унагаж иргэдийг буримдуулдаг. Сум орон нутгийн зүгээс энэ жилээс эхлэн төрийн байгуулдлага тэр дундаа сургууль цэцэрлэгийн цайны газрын хэрэгцээнд Жаргалантын ногоочдын тарьсан төмс, хүнсний ногоог нийлүүлэх талаар эхний алхамуудыг хийж байгаа ч иргэдийн хувьд  нийтийг хамарсан ажил болж чадаагүй байгаа. Аймгийн ИТХ-ын төлөөлөгч Д.Бүүвэйбаатар нэгэн хуралдааны үеэр “Эрдэнэт үйлдвэрийн цагаан тоос хэтэрлээ. Үүнийхээ төлөө үйлдвэрийн удирдлага  Говил, Баянцагаан баг болон Вокзал орчмын иргэдэд нөхөн төлбөр өгөх ёстой. Тэр хавийн бүх иргэдийн жил бүр нарийн мэргэжлийн эмч нарын үзлэгт үнэ төлбөргүй хамруулах ёстой” хэмээн дуугарч байсан.

Ингээд уулзалтын үеэр Жаргалантын иргэдийн нэхэл хатуутай асуултад албан тушаалтнууд хэрэхн хариулсныг хүргэж байна.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • 768.1 сая төгрөгийг хэн хаацайлаад байна вэ
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна
  • Эрдэнэт хотын өдрөөр худалдааны төвүүд 50 хувь хүртэл хямдрал зарлана
  • Иргэдийн эзэмшил газар төмөр замын трасст оржээ
  • Усны хяналтын хоёр тоолуур суурилуулжээ
  • Цэцэрлэг, сургуулийн зориулалтаар 7.4 га газар эзэмшүүлжээ
  • Байцааны зоорийг цагдаад шалгаж байна
  • Ц.Алтаншагайд баярлалаа
  • Хөнгөн хэлбэрээр “хундага тулгасан” үед замын цагдаа дуудах шаардлагагүй
  • Засаг дарга Д.Батлутын ажлыг “Хангалттай” хэмээн үнэлжээ
  • Хоёр ба гурван дугуйт тээврийн хэрэгслийг замын хөдөлгөөнд оролцохыг хоригложээ
  • Эрдэнэтчүүдийг 750 сая төгрөгөөр торгохыг ИТХ-ын төлөөлөгчдөд үүрэг болгожээ
  • СЭРЭМЖЛҮҮЛЭГ: Ирэх сарын 1-нд шилжих шөнө гамшигт үзэгдэл бий болох эрсдэлтэй байна
  • Байгаль хамгаалах ажилд иргэдийн саналыг тусгаж байна
  • Халаалт доголдолтой боллоо, хаана асуудал байна вэ дарга нар аа
  • Д.Бүүвэйбаатар: Цэвэрлэх байгууламж барих зардлыг Эрдэнэт үйлдвэр гаргах ёстой
  • Цахим мэдээллийн сангийн 370 сая төгрөгийн эргэн тойронд
  • Ногоон био жорлонг 32 сая төгрөгөөр барьжээ
  • Д.Батлут: Зам, барилгаас илүү иргэдээ эрүүл саруул, ажилтай орлоготой болгох нь миний үүрэг
  • 2019 оноос ЭМД-аараа фитнесст хамрагдах боломжтой
  • Доош нь чангаасан 7 ажлын эргэн тойронд
  • Д.Батбилэг: Аминдэмжүүлэх гэдэг монгол үг байдаг юм уу
  • Үндсэн чиглэлийн биелэлт урьдчилсан байдлаар 93.1 хувьтай гарчээ
  • 2012 оны дөрөвдүгээр сарын 11-нээс хойш төрсөн хүүхэд хувьцаа эзэмшихгүй
  • Дулааны хэмийг нэмэгдүүлэх хүсэлт хүргүүлэхээр болжээ