ДАВАА
2022.07.05
ЭРДЭНЭТ
10C°/19C°
АНУ ДОЛЛАР
3140.08
ЕВРО
3273.53
БНХАУ ЮАНЬ
468.95
ОХУ РУБЛЬ
57.12
БНСУ ВОН
2.42
Ш.ТӨРБАТ: ЭРДЭНЭТ ҮЙЛДВЭР “ИХ ЗОГСОЛТ”-ДОО ЭРТЭЭС БЭЛТГЭДЭГ НЬ ИЙМ УЧИРТАЙ
Ш.ТӨРБАТ: ЭРДЭНЭТ ҮЙЛДВЭР “ИХ ЗОГСОЛТ”-ДОО ЭРТЭЭС БЭЛТГЭДЭГ НЬ ИЙМ УЧИРТАЙ

Тасралтгүй үйл ажиллагаатай Эрдэнэт үйлдвэр жилд нэг удаа тэг зогсолт хийж, иж бүрэн их засвар хийдэг. Нөөцгүй ажиллагаатай технологийн техник, тоног төхөөрөмжийн найдвартай, аюулгүй байдлыг хангах зорилгоор үйлдвэрлэлээ 48 цаг бүрэн зогсоож, олны хүчээр, нарийн төлөвлөсөн их ажил амжуулах үйл явцыг уурхайчид “их зогсолт” хэмээн нэрлэдэг. Энэ жилийн “их зогсолт”-ын бэлтгэл хангах штаб хэдийнээ ажилдаа оржээ. Их засварт шаардлагатай сэлбэг хэрэгсэл, бараа материалын ханган нийлүүлэлтэд учирч болзошгүй хүндрэл бэрхшээл болон энэ удаагийн “их зогсолт“-ын онцлогийн талаар “Эрдэнэт үйлдвэр” ТӨҮГ-ын Эрчим хүчний хэлтсийн дарга-Ерөнхий эрчим зүйч Ш.Төрбатаас тодруулсан юм.  

-Эрдэнэт үйлдвэрийн хувьд “их зогсолт” хамгийн хариуцлагатай ажил байдаг. Энэ удаа нэг сарын хойно төлөвлөсөн нь ямар учиртай вэ? 

-Гадаад хүчин зүйлтэй холбоотой. Хил гаалийн асуудал хүндрэлтэй, Монгол руу нэвтрэх ачаа тээвэр гацаа саадтай хэвээр байна. Цар тахалтай улс орны эдийн засгийн байдал, тоног төхөөрөмж, сэлбэг хэрэгслийн нийлүүлэлт, бэлтгэл ажилтай холбоотойгоор “их зогсолт”-ыг өмнөхөөс нэг сарын хойно буюу долдугаар сарын 28-нд хийхээр төлөвлөсөн. Өмнө нь бид үйлдвэрээ зургадугаар сарын сүүлээр бүрэн зогсоож их засвараа хийдэг байсан. Бид энэ удаа цаг үеийн нөхцөл байдлыг тооцож, сэлбэг хэрэгсэл, бараа материалын ханган нийлүүлэлтэд хугацаа олгох үүднээс нэг сарын хойно товлосон. Нөгөө талаар үйл ажиллагаа маань бас ингэж таарч байна. “Их зогсолт”-ыг төрийн байгууллагуудтай зохицож хийдэг. Ялангуяа, эрчим хүчнийхэн, төмөр замынхантай, ТЭЦ-4, ОХУ-аас наашаа цахилгаан экспортлох хуваарь гээд олон талын уялдаа холбоо, зохицуулалтын үндсэн дээр “их зогсолт”-ын өдрийг товлодог. Үйлдвэрээ заавал зогсоож байж хийх шаардлагатай технологийн, цахилгааны, эрчим хүчний дамжлагын тоног төхөөрөмжүүдийнхээ их засварыг олон чиглэлээр, нарийн төлөвлөж, бэлтгэлээ бүрэн дүүрэн хангаж байгаад хоёр хоногийн дотор дайрч хийдэг маш хариуцлагатай ажил. Засварын ажлаа чанартай, сайн хийх нь юу юунаас чухал. Бүтэн жил гар хүрэхээргүй хэмжээнд л хийх ёстой.  

-Засварын сэлбэг хэрэгсэл, бараа материалын хангамжийн асуудал ямар шатанд яваа вэ? 

-Ер нь хангамжийн асуудал хүндрэх төлөвтэйг хүн бүхэн мэдэж байгаа. Өнөөдөр “их зогсолт”-ын штаб хуралдсан. Энд хангамжтай холбоотой асуудал голлон яригдлаа. Одоогоор “их зогсолт”-ын бараа материалуудын 65 хувь нь гэрээлэгдэх түвшинд, зарим нь тендер зарлагдах шатанд явна. Бэлэн болсон юмнууд ч байна. Өнөөдрийн байдлаар бэлтгэл хангах ажил муугүй яваа. “Их зогсолт-ын ажлыг Механикийн хэлтэс ерөнхийд нь толгойлон зангидаад, хяналт тавин ажиллаж байна. 

-Эрдэнэт үйлдвэр эрчим хүчний Монголын номер нэг хэрэглэгч. Тиймээс энэ үеэр танай чиглэлд гол зохицуулалт хийгддэг болов уу? 

-Тэгэлгүй яах вэ. Эрдэнэт үйлдвэр зогсохоор станцууд эрчим хүчний үйлдвэрлэлээ бууруулдаг. Үр ашиггүй горим үүсэх учраас ТЭЦ-4 манайхыг дагаад зогсдог. Өөрөөр хэлбэл хоног хугацаагаа зөвшилцөөд “их зогсолт”-оо хамт хийдэг юм. Тэднийх бас засвар үйлчилгээгээ хийж амжина. Манайх энэ үеэр дутагдаж байгаа цахилгаанаа ОХУ-аас авдаг. Тэгэхээр Оросуудтай хэзээ, хэчнээн хэмжээний цахилгаан эрчим хүч авахаа хэлэлцэж зохицуулна, зөвшөөрөл авна. 

Үйлдвэр зогсох горим маш нарийн. Огцом, шууд зогсоож болохгүй шүү дээ. Ямар дарааллаар ачааллаа бууруулж зогсох нь нарийн төлөвлөгөөний дагуу явагддаг. Их засварын дараа асаах горим гэж түүнээс хүнд ажил бий. Ачааллаа тодорхой хуваариар авч явна. Бүтэн ачааллаа авч, бүрэн асаасны дараа их ажил дууслаа гэж тооцно шүү дээ. 

-Засварын ажлын зохион байгуулалт, дэг журам түүнээс дутахгүй нарийн төлөвлөлт шаарддаг байх..?

-Энэ үед үйлдвэрийн газрын зүгээс олон арван бригад гарна. Тэр битгий хэл гаднын бригад хүртэл орж ажилладаг. Бригад болгон өөрийн ажлын онцлогт тохирсон зохион байгуулалт, дэг журмаар ажиллана. Уялдаа холбоо маш чухал. Хоорондоо зохицолдохгүй бол ямар ч эрсдэл үүсэхийг үгүйсгэхгүй. Тэр тусмаа гаднын бригад байгаа үед. Үүнийг нягт нямбай, нарийн зохион байгуулахын тулд сайн бэлтгэл хэрэгтэй. Тийм учраас хэдэн сарын өмнөөс бэлтгэл хангах ажил эхэлдэг. 48 цагийн дотор төлөвлөсөн бүх ажлаа гүйцэт амжуулах шаардлагатай учраас маш нарийн хуваарийн дагуу ажил явагдана. Хэтэрхий яарч байж асуудал гаргаж болохгүй. Хэтэрхий назгайрч тайвширвал хугацаандаа амжихгүй, хуваарьтаа багтахгүй. Гэх мэтчилэн зохион байгуулалт руу орвол нарийн ширийн зохицуулалт их бий. Бичиг цаасны ажил, төлөвлөлт маш чухал. Манай үйлдвэрлэлийнхэн “их зогсолт”-ын ажлыг сайн зохион байгуулаад сурчихсан, ажилчид маань туршлагатай болохоор итгэл дүүрэн байна.  

-Гол томоохон засварууд ямар цехүүд дээр хийгдэх вэ? 

-Үндсэн, томоохон ажлууд Баяжуулах үйлдвэрт хийгддэг. За, тэгээд Дулааны цахилгаан станц, Цахилгааны цех, Ус хангамжийн цех гэх мэт. Засвар механикийн заводтой холбоотой ажил ч их гарна. Мөн Холбоо, мэдээллийн технологи, автоматжуулалтын цех их ажилтай байдаг. Баяжуулах үйлдвэр дотроо олон хэсэгтэй. Тэр болгонд засвар үйлчилгээний ажил хийгдэнэ. “Их зогсолт”-ын хугацаанд өөрчлөлт орохгүй. Зөвхөн тэр хугацаанд л амжиж бүх ажлаа дуусгадаг онцлогтой. Энэ бол хатуу “дүрэм”. 

-Эрдэнэт үйлдвэрийн Ерөнхий эрчим зүйчтэй уулзсаных асуухад, эрчим хүчний шинэчлэлийн ажил хэр хийгдэж байгаа вэ? 

-Ер нь Монгол Улсын эрчим хүч хүнд байдалд орчихлоо. Эрдэнэт үйлдвэр бага ч болтугай дэмжлэг үзүүлж, айл өрх, аж ахуйн нэгжүүдийн цахилгааны мөнгийг төллөө шүү дээ. Төрийн бодлогын хүрээнд Эрдэнэт үйлдвэр асар их мөнгө зарцууллаа. Өнөөдөр шугам сүлжээний хүчин чадал хүрэлцэхгүй болж байна. Бид аль болохоор ачааллыг хөнгөлөх чиглэл рүү явна. Эрдэнэт үйлдвэр цэвэр усны гуравдугаар шугамыг барьж ашиглалтад оруулснаар Ус хангамжийн цехийн хэрэглэдэг цахилгаан тодорхой хэмжээгээр буурна, усан хангамжийн систем найдвартай болно. Эрдэнэтчүүд 60 км алс Сэлэнгэ мөрнөөс ус татаж хэрэглэдэг болохоор “ус уудаггүй”, “цахилгаан уудаг” гэж би ярьдаг шүү дээ. Үйлдвэр маань янз бүрийн өргөтгөл шинэчлэлийн ажил их хийж байна. Ер нь цахилгаангүй ажил гэж байхгүй шүү дээ. Бүтээн байгуулалтын хүрээнд улсын хийх ёстой ажлыг манай үйлдвэрийн зүгээс нэмэр болох үүднээс хийх шаардлагууд гарч байна. Аж үйлдвэрийн парк байгуулна. Зэсийн баяжмал хайлуулах үйлдвэр барина. Энэ хүрээнд техникийн шугам сүлжээ шинээр барьж байгуулах ажил төлөвлөгдөж байна. Ойрын өдрүүдэд Эрчим хүчний яамны Шинжлэх ухаан техникийн зөвлөлөөр энэ асуудал орж байгаа. Дэмжигдвэл эрчим хүчний системтэй хамтраад хийх ажил нэлээд бий. Үүний хууль эрх зүйн зохицуулалтыг шийдвэрлэх ажлууд хийгдэж таарна. Эрдэнэт үйлдвэрийн шугам сүлжээ 1976 онд хийгдсэнээс хойш өргөтгөж, хүчин чадлыг нэмсэн юм маш ховор. Энэ ажил төрийн бодлогын хүрээнд хийгдэх байх. Ил уурхайн гадаад цахилгаан хангамжийг сайжруулах өргөтгөл хийгдээд зарим хэсэг нь ашиглалтад ороод ажиллаж байна. Улсын хилээр том оврын ачаа оруулах, тээвэрлэлтийн асуудал шийдэгдчихвэл олон ажил нугалрахаар байна. 

-Цаг зав гаргасан Танд баярлалаа.

М.ОДГЭРЭЛ

Сэтгүүлч

 

Б.БАТТӨГС

Зурагчин

Гэмт хэргийн шинжтэй 85 гомдол, мэдээллийг шалгав
“Яг тэдэн шиг”  бай л даа, дарга нар аа. Үгүй бол Булганы Б.Ариун-Эрдэнэ, Дарханы Б.Азжаргал нараас хол гарч сэтгэ л дээ
Д.Соёлчхүү: ИТХ-ын дарга, аймгийн Засаг дарга, сумдын Засаг дарга нар л автомашин унана
Номын төвийн нэрийг өөрчилж Нийтийн номын сан  болгоно
С.Батжаргал дарга ажлын төлөө дуугарсан бол Д.Мөнхбат дарга ИТХ-ын эрх мэдлээр асуудалд хандлаа
Маршал Ю.Цэдэнбалын хөшөөнд түүний хүү Зориг хүндэтгэл үзүүллээ
Аймгийн ИТХ-ын Зөвлөлийн хурлаар дараахь асуудлыг авч хэлэлцэв
“Малын тэжээлийн ургамал тариалах ба тэжээл үйлдвэрлэх” төсөл 50 саяын санхүүжилт авлаа
“Шударга байх хамгийн гоё” арга хэмжээг зохион байгуулав
Сахилга, ёс зүйн зөвлөгөөн боллоо
Хамтран ажиллах гэрээ байгуулав
Шандын зам жолооч нарыг “шар махтай” нь хатааж байна
Үндэсний чуулган боллоо
Үндэсний чуулган боллоо
6-р сар. 28, 2022, 4:58 p.m.
Дахивар хог хаягдлыг “далд оруулах” үйлдвэртэй боллоо
Засаг дарга шуурхайдаа “эргэн иржээ”
Эрүүгийн 20 хэргийг шүүхэд шилжүүлэх саналтай шилжүүлэв
Нийтийн албанд томилогдох 181 иргэний урьдчилсан мэдүүлгийг хянан шийдвэрлэв
БОАЖЯ, УБЕГ, “Монголын төмөр зам” ТӨХК, БЗД-ийн Газар зохион байгуулалтын албаны авлигын эрсдэлийн үнэлгээний тайланг хэлэлцүүлэв
“Шударга ёсны хичээлийн хөтөлбөр шалгаруулах уралдаан”-ы шагналыг гардууллаа
“Хүүхдийн шударга байдлын үнэлгээ”-ний судалгааны ажлыг гүйцэтгэж байна
Х.Саранчимэг: Үзлэгт хамрагдахын тулд 2019 оноос хойших даатгалын шимтгэлийг заавал төлсөн байх учиртай
“Эрдэнэт цэцэрлэгт хүрээлэн”  иргэдэд төлбөртэй болно
“Яг тэдэн шиг”  бай л даа, дарга нар аа. Үгүй бол Булганы Б.Ариун-Эрдэнэ, Дарханы Б.Азжаргал нараас хол гарч сэтгэ л дээ
Аймгийн ИТХ цэвэр бохир усны үнийн нэмэгдлийг бууруулахыг дэмжсэнгүй
Б.Мягмарсүрэн: ГОК-ынхон ирээд баахан худлаа ярина, ямар ч үр дүн гарахгүй
А.Түвшинжаргал, С.Ганцогт дарга аа “Хүчээ нэгтгээд” энэ овоолсон шороог буулгаад өгөөч, амьд явмаар байна
“Эрдэнэт констрактив” компанийг Эрдэнэтчүүд “эрэн сурвалжилж” байна
А.Түвшинжаргал: Түрээслэх асуудал дээр бид болгоомжтой хандана. Огт түрээслэхгүй гэж хэлж мэдэхгүй байна
Бүрэнбүстийн овооны наадмыг Ерөнхийлөгч асан Х.Баттулга үзэж сонирхов
А.Түвшинжаргал: Бүүвэйбаатарыг буулгаснаар усны үнэ хямдрах юм уу
АЙМГИЙН ЗАСАГ ДАРГА 2022 ОНД ЭДГЭЭР ЗАРДЛЫГ 100 ХУВЬ ХЭМНЭЖЭЭ
Аймгийн ИТХ залуучуудын шаардлагад “Ёстой үгүй шүү” гэсэн хариу өглөө
С.Батжаргал: Наад байшингийн суурийг  чинь цааш нь зараад л байгаа шүү дээ
“Монгол дайван” компани 115 байшингийн суурийг банкны барьцаанд тавьсан
О.ОТГОНБАЯР: АЖИЛТНЫГ ҮНЭЛЭХ, СОНГОН ШАЛГАРУУЛАХАД ЧАДАМЖИЙН СТАНДАРТ МӨРДӨНӨ
Аймгийн Засаг дарга Солонгост, М.Түмэнжаргал дарга ОХУ-д, А.Түвшинжаргал дарга “Хангинахын шугуй”-д энэ өдрүүдийг үдэж байна
“Тамир” төвийн өмнөх хот төлөвлөлтийн шаардлага хангахгүй 118 гараашийг буулгана
ТЕНДЕРИЙН УРИЛГА
ЭРДЭНЭТИЙГ ТЭТГЭХ ШИНЭ УРСАЦ
Хүүхдүүд авлигад “Үгүй” гэж хэлэхээр ийм олуулаа цуглажээ
БАЯЖУУЛАХ ҮЙЛДВЭРИЙН ӨРГӨТГӨЛИЙН АЖИЛ АМЖИЛТТАЙ ЯВАГДАЖ БАЙНА
ШИНЭ СЕКЦ ХОЁР ДАХИН ИЛҮҮ ХҮДЭР БОЛОВСРУУЛНА
О.ОТГОНБАЯР: АЖИЛТНЫГ ҮНЭЛЭХ, СОНГОН ШАЛГАРУУЛАХАД ЧАДАМЖИЙН СТАНДАРТ МӨРДӨНӨ
ТЕНДЕРИЙН УРИЛГА
ТЕНДЕРИЙН УРИЛГА
ЗАРЛАЛ
ТЕНДЕРИЙН УРИЛГА
ТЕНДЕРИЙН УРИЛГА
ТЕНДЕРИЙН УРИЛГА
ТЕНДЕРИЙН УРИЛГА
С.Батжаргал: Бид Жаргалантын ногоочдыг хүчээр хоршоолох гээд дийлээгүй шүү дээ
АН 2024 ОНД ЯЛАЛТ БАЙГУУЛНА
“Эрдэнэт цэцэрлэгт хүрээлэн”  иргэдэд төлбөртэй болно
Найрамдал, Чандмань, Чингэл, Баян-Овоо багийг шинээр нэмж байгуулахаар боллоо
Ц.Алтаншагай: “ВВ” хотхоны 80 өрхөд төрийн үйлчилгээг ойртуулж болох уу
Хяналт шалгалтаар 10 мэдүүлэг гаргагчийн ХОМ зөрчилтэй байв
З.Дашдаваа: 30 аж ахуйн нэгжид зээл олгоход тодорхой албан тушаалтнууд нөлөөлснийг мөрдөн шалгах ажиллагаагаар тогтоогоод байна
Сурагчдын 50 гаруй хувь нь жингийн илүүдэлтэй байна
С.Батжаргал: Сургууль  хүүхдийн хүслийн газар байх учиртай
Хөгжлийн бэрхшээлтэй хүүхдийг дэмжих жишиг танхимтай болно