Х.Бадамсүрэн: Ойрын хоёр жилд цагаан тоосноос сална
Хотын амьдрал 4 сарын өмнө     234    0

Байгаль орчин аялал жуулчлалын яам, “Эрдэнэт үйлдвэр” ТӨҮГ хамтран “Ногоон байгууламж ба хог хаягдлын менежмент”  Хангайн бүсийн нэгдсэн зөвлөгөөнийг хийлээ. Зөвлөгөөний эхэнд“Эрдэнэт үйлдвэр” ТӨҮГ-ын Ерөнхий захирал Х.Бадамсүрэн “Олон жил толгойны өвчин болсон цагаан тоосыг ойрын хоёр жилдээ дарна. Уурхайчид, үйлдвэрийн ажилчид бид ийм нэр  хоч зүүмээргүй байна, энэ асуудлыг шийднэ” гэж ярив. 

Байгаль орчин аялал жуулчлалын яамнаас өнгөрсөн хоёрдугаар сард манай аймагт ажилласан. Ингэхдээ цагаан тоосны дэгдэлтийг бууруулахын тулд тусгай хэлтэс байгуулах шаардлагатайг зөвлөсөн. Ногоон байгууламж, хог хаягдлын менежментийн зөвлөгөөнд БОАЖ-ын  дэд  сайд Ц.Батбаяр оролцсон юм. Тэрээр цагаан тоосыг бууруулахаар Эрдэнэт үйлдвэр тодорхой ажлуудыг хийсэн байна. Бид зургаадугаар сарын сүүлээр дахин ирж ажиллана.  Хаягдлын аж ахуйн даланг таван жил ашиглах нөөцгүй .Тиймээс даланг булж дараагийн далангийн технологийн ажлыг хийх  ёстойг сануулсан. Харин Эрдэнэт үйлдвэрийн Байгаль орчин ногоон хөгжлийн хэлтсийн дарга О.Эрдэнэтуяа “шинэ хаягдлын аж ахуйг ашиглахаар судалгаа хийж байна.  Газар нутаг багатай  учраас газрын асуудал хүнд байгаа. Булган аймгийн газраас шийдэж өгөхийг хүсэлт тавьсан” талаар мэдээлсэн юм.

 Уг зөвлөгөөнд Эрдэнэт үйлдвэрийн Байгаль орчин ногоон хөгжлийн хэлтсээс цагаан тоосны дэгдэлтийг бууруулахаар хэрэгжүүлж байгаа ажил, цаашид хийх ажлаа танилцуулсан юм. Энэ жил цагаан тоосны дэгдэлтийн бүст байгаа 400-аас доошгүй иргэнийг шинжилгээнд хамруулахаар болсныг мэдэгдлээ.  Нөхөн сэргээлтийн ажлын талаар, 38 га талбайд дүйцүүлэн нөхөн сэргээлт хийж, 40 мянган модыг тарьсан. Эрдэнэт үйлдвэрийн бүсэд 200 мянган мод байдаг. “Ногоон төгөл” төслийг 2013 оноос хэрэгжүүлж байна. 2019 оны зургаадугаар сарын байдлаар цагаан тоос дарах ажилд нэг тэрбум 300 сая төгрөгийн хөрөнгө оруулалт хийсэн гэж танилцуулга дээр дурьдлаа.

Сэтгэгдэл бичих

500 тэмдэгт

АНХААРУУЛГА: Уншигчдын бичсэн сэтгэгдэлд ErdenetNews.mn хариуцлага хүлээхгүй болно.
Зочдын сэтгэгдэл (0)