Аймгийн Засаг даргын шуурхай зөвлөгөөн болов. Шуурхай зөвлөгөөнд төмөр замын “Эрдэнэт” өртөөний дарга Т.Доржжанцан цаг үеийн мэдээлл өглөө. Тэрбээр албан ажлаа аваад удаагүй агаад наймдугаар сарын 29-нөөс эхлэн Улсын онцгой комиссын зөвшөөрлөөр зорчигч тээврийн галт тэрэгний хөдөлгөөнийг сэргээж байгаа талаар танилцууллаа. Орон нутгийн зорчигч тээврийн галт тэрэг Улаанбаатар-Сүхбаатар-Улаанбаатар,  Улаанбаатар-Дархан-Эрдэнэт-Дархан-Улаанбаатар, Улаанбаатар-Чойр-Улаанбаатар гэсэн чиглэлд аялах гэнэ. Зорчигчийн галт тэргээр аялахдаа УОК-ын даргын 2021 оны 46 тоот тушаалаар баталсан “Хот болон орон нутаг хооронд иргэдийн зорчих хөдөлгөөнийг зохицуулах түр журам”-д заасны дагуу дараах бичиг баримтыг заавал бүрдүүлж, халдвар хамгааллын дэглэми

-Коронавируст халдвар /Ковид-19/-ын эсрэг вакцинжуулалтын бүрэн тун авснаас хойш 14 хоногийн хугацаа өнгөрсөн нотлох баримт;

-Сүүлийн 4 сарын хугацаанд коронавирусын халдвараар өвчилж эдгэсэн бол эрүүл мэндийн байгууллагын магадалгаа;

-Коронавируст халдварын тохиолдол бүртгэгдээгүй орон нутаг /аймаг, сум/-аас зорчих хөдөлгөөн эхэлсэн болон 1,2-т заасан баримт бичигтэй зорчигчоос бусад тохиолдолд коронавируст халдварын бх-ПГУ шинжилгээний сөрөг хариу /шинжилгээ өгсөн өдрөөс 3 хоногийн хугацаанд хүчинтэй/, эсхүл антигенд суурилсан түргэвчилсэн шинжилгээний сөрөг хариу / шинжилгээ өгсөн өдрөөс 2 хоногийн хугацаанд хүчинтэй/.

-0-17 насны хүүхдээс коронавируст халдварын шинжилгээний сөрөг хариу шаардахгүй. Эдгээр бичиг баримтыг бүрдүүлсэн зорчигч дараах цагийн хуваарийн дагуу орон нутгийн зорчигчийн галт тэргээр зорчиж болох юм.

Тээш 7 хоногт 3 удаа явдаг байсан бол өдөр бүр явахаар болжээ. Мөн зорчигчийн тасалбарын үнэд өөрчлөлт ороогүй, халдвар хамгааллын дэглэмийн дагуу зөөлөн вагон буюу купе явахгүй. Вагон дүүргэлт 50 хувьтай, суудлын хооронд тусгаарлалт хийж байгаа. Замын буудлаас суух иргэдийг тусгай вагонд оруулахаар төлөвлөсөн талаар мэдээллээ. Галт тэрэг орой 18.00 цагт “Эрдэнэт” өртөөнөөс хөдлөх бол өглөө бүр 07.40 цагт “Эрдэнэт” өртөөнд ирэх юм байна.

йг мөрдөн зорчих аж.