Аймгийн ИТХ-ын Тэргүүлэгчдийн хуралдаанаар эдэлгээний хугацаа нь дууссан 25 автомашиныг дуудлага худалдаагаар худалдах зөвшөөрлийг олгов. Орон нутгийн өмчит 8 байгууллагад ашиглаж байсан, эдэлгээний хугацаа нь дууссан, сэлбэн ашиглахад эдийн засгийн үр ашиг муутай 25 автомашиныг дуудлага худалдаанд оруулах доод үнийг эрх бүхий үнэлгээний байгууллагаар хийлгэсэн байна. Ингэснээр аймгийн ИТХ-ын Тэргүүлэгчдээс дээрх 25 машиныг дуудлага худалдаанд оруулж, худалдан борлуулж олсон орлогыг Орон нутагт төвлөрүүлэх ажил зохион байгуулах зөвшөөрлийг олгожээ.
