Арванхоёрдугаар сарын 2-нд аймгийн ИТХ-ын ээлжит хуралдаан болно. Энэ удаагийн хуралдаанаар 2022 оны  аймгийн төсвийг хэлэлцэнэ. Харин аймгийн ИТХ-ын төлөөлөгчид төслийг дэмжвэл батална. Аймгийн Засаг даргаас 2022 оны төсвийн төслийг танилцуулаад байгаа.  Аймгийн ИТХ-ын Тэргүүлэгчдийн хурлаар 2022 оны төсвийн төслийг дэмжин хуралдаанд оруулахаар болсон.

Ирэх оны төсвийн төслөөс орлогын төсвийн төслийн зарим  мэдээллийг хүргэж байна.

Аймгийн хэмжээнд нийт орлогыг 161.4 тэрбум төгрөгөөр, үүнээс татварын орлогыг 159.9 тэрбум төгрөгөөр, татварын бус орлогыг 1.5 тэрбум төгрөг байхаар төсвийн төсөлд тусгажээ. Үүнээс,

*** Цалин, хөдөлмөрийн хөлс, түүнтэй адилтгах орлогын албан татварын орлогыг 45 тэрбум төгрөгөөр

*** ХХОАТ-ын буцаан олголтыг 2.8 тэрбум төгрөгөөр

*** Үйл ажиллагааны орлогыг 400 сая төгрөгөөр

*** Хөрөнгийн орлогыг 3.1 тэрбум төгрөгөөр

*** Шууд бус орлогыг 1.5 тэрбум төгрөгөөр

*** ААНОАТ-ыг 68.2 тэрбум төгрөгөөр

*** Үл хөдлөх хөрөнгийн албан татварыг 19.0 тэрбум төгрөгөөр

*** Бууны албан татварыг 40 сая төгрөгөөр

*** Авто тээврийн болон өөрөө явагч хэрэгслийн албан татварыг 1.1 тэрбум төгрөгөөр

*** Улсын тэмдэгтийн хураамжийг 460 сая төгрөгөөр

*** Газрын төлбөрийг 21 тэрбум төгрөгөөр  

*** Хог хаягдлын үйлчилгээний хураамжийн орлогыг 1.3 тэрбум төгрөгөөр

*** Түгээмэл тархацтай ашигт малтмал ашигласны төлбөрийг 40 сая төгрөгөөр

*** Ус, рашаан ашигласны төлбөрийг 350 сая төгрөгөөр

*** Төсөвт байгууллагын өөрийн орлогыг 62.5 сая төгрөгөөр

*** Хүү торгуулийн орлогыг 1.4 тэрбум төгрөгөөр тооцон төсвийн төсөлд тусгажээ.