Ерөнхий боловсролын 17 дугаар сургуулийн 5 бүлэг “Аялгуу” соёлын төвийн томоохон өрөөнд, зарим нь хонгилд хичээллэж байжээ. Тус төвийн дээврээс ус гоожсон, хана нь цууралт өгсөн гэдэг шалтгаанаар сургуулийн удирдлага таван бүлгийнхээ 2-ыг нь төв байрандаа, үлдсэн 3 бүлгийг хичээлийн хоёрдугаар байрны зүүн жигүүрт оруулахаар төлөвлөсөн ч эцэг эхчүүдийн эсэргүүцэлтэй тулгарлаа. Бид “Аялгуу” соёлын төвд очиж нөхцөл байдалтай танилцсан юм. Нэг, хоёрдугаар давхарт байх хоёр газарт болон нэлээн урт хонгилд ангиуд хичээллэж байжээ. Биднийг сурвалжлах үеэр эцэг эхчүүд “Энд хүүхэд хичээл хийх ямар ч боломж байхгүй. 30 гаруй метр кв талбайд 27 хүүхэд суугаад хичээл хийнэ гээд бод. Дээр нь энэ өрөөний 4 цонх онгойдоггүй. Агааржуулалт байхгүй. Маш их бүгчим. Тэгээд маск зүүж хичээлд сууна шүү. Том хүн бол аль хэдийнэ энд чинь сууж чадахгүй гээд гараад гүйчихнэ. Хүүхдүүд бол тэгэж чадахгүй байна. Орой хичээл тараад ирэхэд цамц, майк нь битүү хөлөрчихсөн ирнэ. Манай хүүхэд энэ өвөлжингөө ханиаднаас салаагүй” зэрэг олон зовлон тоочлоо. Үнэхээр жижигхэн өрөө бүгчим  байхын дээр 4 цонх нь онгойхгүй. “Аялгуу” соёлын төв бол сургууль биш. Соёл, урлагийн газар.

/Энэ цонхонд салхивч байхгүй/

Энд цугларсан эцэг эхчүүдийн хувьд зориулалтын бус газарт хүүхдээ хичээлд явуулахгүй. Өнөөдөр хүүхдүүд 4 цагаар хичээллэж байгаа. Үүнийг зохицуулаад бага ангийн зарим бүлгийг 3 ээлжинд оруулж шийдэх боломжтой. Хүүхдээ бодоод ийм шийдвэр гаргах ёстой хэмээсэн. Харин сургуулийн захирал Д.Алтанзаяа “Дээрээс сургуулийг 3 ээлжинд оруулж болохгүй гэсэн үүрэг өгсөн” гэж хариулсан ч эцэг эхчүүдэд “Аялгуу” соёлын төвд хичээлд явуулахгүй, хүүхдээ шилжүүлнэ. Город руу л зөөхөөс дөө, арай ч дээ хэмээсээр үлдсэн юм.   

/Хаалганы дээд хэсэгт гарсан цууралт/