Хүүхдүүд Авлигад “Үгүй” гэж хэлэхээр ийм олуулаа цуглажээ. Олон нийт болон нийгэмд хортой, хар тамхи шиг авлигын эсрэг үгээ хэлж байна. Авлигагүй нийгмийг залуу үe минь хүсч, бас өөрчлөхийг зорьж байгаа нь л сайхан харагдана. Тэд мэтгэлцэж оюунаа уралдуулж байна. Авлигатай тэмцэх газар, тус газрын дэргэдэх Олон нийтийн Зөвлөлийн төлөөлөл өнөөдөр манай аймагт ажиллав. Хүүхэд залуучуудын театрт  үдээс өмнө сургуулийн сурагчдын дунд “Таны эрх таны оролцоо-Авлигад үгүй гэж хэлье” нөлөөллийн арга хэмжээг зохион байгууллаа. Сурагчдын дунд танин мэдэхүйн олон тэмцээн явуулж, Монголын ирээдүйг авч явах хүүхэд багачуудынхаа санаа бодлыг, хүсэл зоригыг, тэмүүлэл мөрөөдлийг нь сонссон юм.

Монголын ирээдүй болсон Эрдэнэтийн хүүхэд багачуул хүчээ нэгтгэн “Авлигад Үгүй  гэж хэлье” уриалгад нэгдэж байна.