Аймгийн Засаг даргын шуурхай болов. Шуурхайг Засаг дарга С.Батжаргал удирдан явууллаа. Шуурхайд “Монгол дайван” компанийн асуудал хөндөгдлөө. Энэ асуудалд аймгийн Засаг дарга өөрийн байр сууриа илэрхийлэв. “Улсын бүртгэлийн хэлтэс, аймгийн ЗДТГ-ын Хууль, эрх зүйн хэлтэс ч гэсэн иргэдэд зөв мэдээлэл өгмөөр байна. Иргэдийн мэдээлэл дутуу байдлаас болоод тэд хохирч байна. Иргэдэд зөв мэдээлэл өгөх хэрэгтэй. Наад байшингийн суурийг  цааш нь зараад л байгаа шүү дээ. Иргэд өөрсдөө мэдээлэлгүйгээс болоод банкны барьцаанд байгаа байшингийн суурийг авч байна. Иргэдэд мэдээлэл өгөөгүй байж дараа нь иргэд ингээд байна гэж иргэдийг турхирч байгаад хууль бус шийдвэр гаргуулах гэж оролдоод байдаг. Иргэний журмаар шийдэгддэг шүүхийн процестой холбоотой асуудал байгаа гэдгийг иргэдэд сайн ойлгуулах хэрэгтэй, сурталчлах шаардлагтай. Манай төрийн байгууллагууд бүгд адилхан, тулгамдаж байгаа асуудлаа иргэд рүүгээ орж сайн танилцуулж, тайлбарлаж өгдөг байх хэрэгтэй. Ийм ажилд цаг зав, ажлын график гаргамаар байна” хэмээсэн юм.