“Эрдэнэт  үйлдвэр” ТӨҮГ-ын үндсэн хөрөнгөд бүртгэлтэй 52 айлын орон сууцыг одоо амьдарч байгаа ажилтнуудад үнэ төлбөргүй хувьчилан “Орон сууц эзэмших эрхийн бичиг”-ийг Төрийн өмчийн бодлого, зохицуулалтын газрын дарга Б.Цэнгэл, “Эрдэнэт үйлдвэр” ТӨҮГ-ын Ерөнхий захирал Х.Бадамсүрэн, Ерөнхий захирлын Нийгмийн асуудал эрхэлсэн орлогч захирал Ц.Бат-Энх нар балжиннямтай билэгт сайн өдөр ёслол өолгон гардууллаа.

Монгол Улсын Ерөнхий сайдын 2019 онд Орхон аймагт хийсэн албан томилолтын үеэр орон нутгийн удирдлага, иргэдээс гаргасан хүсэлтийн дагуу “Эрдэнэт” үйлдвэрт бүртгэлтэй 375 айлын орон сууцыг ажилтнуудад нь үе шаттай хувьчлах ажлыг зохион байгуулж байна. Эрдэнэт үйлдвэрт 20 буюу түүнээс дээш жил үр бүтээлтэй хөдөлмөрлөн ажилласан, одоо ажиллаж байгаа албан хаагчид, Эрдэнэт үйлдвэрийн үндсэн хөрөнгөд бүртгэлтэй орон сууцанд амьдардаг, өмнө нь байр хувьчилж аваагүй, мөн орон сууцны мөнгөн дэмжлэг авч байгаагүй ажилчдад байрыг нь хувьчилж, орон сууц эзэмших эрхийн бичгийг ийнхүү гардуулсан юм. Ажилчид сэтгэл өндөр, баяртай буйгаа илэрхийлж, олон жил амьдарсан, дурсамж шингэсэн байраа өөрийн болгоно гэдэг сайхан байна хэмээн ярьж байлаа.

Төрийн өмчийн бодлого, зохицуулалтын газрын дарга Б.Цэнгэл, Ерөнхий захирал Х.Бадамсүрэн, орлогч захирал Ц.Бат-Энх нар   “Цар тахлын хүнд цаг үед  Эрдэнэт үйлдвэр хүнд үеийг үүрч байсныг  Монголын ард түмэн мартах ёсгүй.Учир нь Эдийн засгийн хүндрэлийг даван туулахад Эрдэнэт үйлдвэрийн уурхайчдын хөдөлмөр, Засгийн газарт том дэмжлэг үзүүлэн ажиллаж байгаа хэмээн баярлаж байгаагаа илэрхийлсэн юм.