ПҮРЭВ
2022.08.19
ЭРДЭНЭТ
6C°/18C°
АНУ ДОЛЛАР
3188.4
ЕВРО
3239.89
БНХАУ ЮАНЬ
469.34
ОХУ РУБЛЬ
52.46
БНСУ ВОН
2.41
ЕРӨНХИЙЛӨГЧ У.ХҮРЭЛСҮХ ОЙН ГЕНЕТИК НӨӨЦИЙН “ЭРДЭНЭТ” ТӨВИЙН НЭЭЛТЭД ОРОЛЦЛОО
ЕРӨНХИЙЛӨГЧ У.ХҮРЭЛСҮХ ОЙН ГЕНЕТИК НӨӨЦИЙН “ЭРДЭНЭТ” ТӨВИЙН НЭЭЛТЭД ОРОЛЦЛОО

Монгол Улсын Ерөнхийлөгч У.Хүрэлсүх Орхон аймагт ажиллах үеэрээ “Эрдэнэт үйлдвэр” ТӨҮГ “Тэрбум мод” үндэсний хөдөлгөөний хүрээнд байгуулсан Ойн генетик нөөцийн “Эрдэнэт” төвийн нээлтийн ёслолд оролцлоо. Түүнийг дагалдан Ерөнхийлөгчийн Тамгын газрын дарга Я.Содбаатар, Байгаль орчин, аялал жуулчлалын сайд Б.Бат-Эрдэнэ, Ерөнхийлөгчийн Байгаль орчин, ногоон хөгжлийн бодлогын зөвлөх Н.Батхүү, Төрийн өмчийн бодлого, зохицуулалтын газрын дарга Б.Цэнгэл нарын албаны хүмүүс ажиллаж, Монголд анх байгуулагдсан Ойн генетик нөөцийн төвийн үйл ажиллагаатай танилцав. 

Дэлхийн дулааралтай холбоотой цөлжилт эрчимтэй явагдаж буй энэ эрин үед нэн ховор, ашигт, модлог ургамлын үрийн санг бүрдүүлэх зорилгоор Эрдэнэт үйлдвэр Ойн генетик нөөцийн төвийг байгуулсан. 1000 тонн үр агуулах багтаамжтай энэхүү төвд модлог ургамлын генетик нөөцийг хадгалж хамгаалахаас гадна in-vitro, ex-vitro орчинд модлог ургамлыг эд эсийн аргаар үржүүлэх юм. Ойн салбарын орчин үеийн энэ байгууламж нь үрийн лаборатори, биотехнологийн лаборатори, хорио цээрийн лаборатори болон үр, мөчир, тарьц суулгац хадгалах агуулах, хүлээн авах, гүн хөлдөөх хэсэг, ургуулангийн, техникийн, ажлын өрөө, уулзалтын танхим гэсэн хэсгээс бүрдэж байна. Энд модлог ургамлын сан үүсгэж хадгалах, үрийн чанар, биотехнологийн судалгаа хийхээс гадна ард иргэд, аж ахуйн нэгжүүдэд нээлттэй үйлчилж, үр, мөчир, тарьц, суулгац худалдаалах, модлог ургамал тарьж ургуулах талаар сургалт, уулзалт байнга зохион байгуулах юм. Энэ чиглэлд Эрдэнэт үйлдвэрийн мэргэжилтнүүд Шинжлэх ухааны академийн эрдэмтэдтэй хамтран ажиллаж байгаа нь онцлог юм. 

Монгол Улсын Ерөнхийлөгч У.Хүрэлсүх, “Тэрбум мод” үндэсний хөдөлгөөнийг шинжлэх ухааны үндэстэй өрнүүлж, хөгжүүлэх суурийг Эрдэнэт үйлдвэр тавьж байгаад баяртай байна гээд, “Байгаль эх дэлхийгээ хамгаална гэдэг тогтвортой хөгжлийн үндэс юм. Бидний үр хүүхэд эндээс үр, суулгац авч зуу зуун жил мод тарина. Гайхамшигт түүхийг бүтээж байгаа, Монголд ногоон хувьсгалыг эхлүүлж байгаа Улсын баатар Эрдэнэт  үйлдвэрийн баялаг бүтээгчдэдээ баярлалаа” хэмээн чин сэтгэлийн талархал дэвшүүллээ. 

Энэ үеэр албаны зарим хүмүүстэй уулзаж сэтгэгдлийг нь сонслоо. 

Ерөнхийлөгчийн Тамгын газрын дарга Я.СОДБААТАР:

-Байгаль дэлхийн ойн нөөцийг нэмэгдүүлэх, уур амьсгалын сөрөг нөлөөллийг бууруулах, усны нөөцийг нэмэгдүүлэх зорилгоор Монгол Улсын Ерөнхийлөгч У.Хүрэлсүх “Тэрбум мод” үндэсний хөдөлгөөнийг санаачилж, эхлүүлэхдээ ойн салбарыг шинжлэх ухаанчаар хөгжүүлэх, энэ салбарын мэргэжлийн суурь асуудлыг шийдвэрлэхэд анхаарлаа хандуулсан. УИХ-ын хаврын чуулганаас Ойн агентлаг төрийн захиргааны байгууллага байгуулах шийдвэр гарлаа. Монгол Улс анх удаа олон улсын стандартад нийцсэн Ойн генетик нөөцийн төвтэй болж байна. Ингэснээр цөлжилтийн улмаас өдрөөс өдөрт устаж байгаа маш олон модлог, бутлаг ургамлын гене банк энд бүрдэж байна. “Тэрбум мод”-ны ажил олон жил шинжлэх ухаанчаар үргэлжлэх үндэс суурь тавигдаж байгаад үнэхээр баяртай байна. “Тэрбум мод” үндэсний хөдөлгөөн үүссэнээс хойших анхны том амжилт. Эрдэнэт үйлдвэрийнхэндээ баяр хүргэе! 

“Эрдэнэт үйлдвэр” ТӨҮГ-ын Ерөнхий захирал Х.БАДАМСҮРЭН: 

-Эрдэнэт үйлдвэрийн бүх үйл ажиллагаа судалгаа, шинжлэх ухааны ололт амжилтад суурилж явагддаг. Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөн Монголчуудын хувьд шинэ ажил. Бид үүнийг жинхэнэ агуулгаар нь, шинжлэх ухаанч байр сууринаас хэрэгжүүлэхийг хичээж байгаа. Том ажлыг зөв эхлүүлж гэмээнэ цаашдын зам харгуй нь дардан байдаг. Тэр утгаараа бид Ойн генетик нөөцийн “Эрдэнэт” төвийг байгуулж ашиглалтад орууллаа. Монгол Улсын Ерөнхийлөгч өөрийн санаачилсан ажлынхаа эхлэлийг харж, үр дүнг үзэх гэж Эрдэнэт үйлдвэрт ажиллаж байна. Монголын ойн салбарын магнат эрдэмтэд, академичид ирсэн байна. Бид Шинжлэх ухааны академитай хамтран Ойн инновацийн “Эрдэнэт” парк байгуулахаар зорьж байна. Цаашид хөрсний биотехнологийн төв, бүрэн автомат мод үржүүлгийн газар байгуулна. Мөн сургалт, эрдэм шинжилгээний зөвлөгөөн зохион байгуулах “Ногоон хөгжил” төв гэсэн хэсгээс агро хөгжлийн цогцолбор маань бүрдэх юм. 

ШУА-ийн Газар зүй, геоэкологийн хүрээлэнгийн Ойн нөөцийн хамгааллын салбарын дарга, доктор Б.УДВАЛ: 

-Монгол орныг ойжуулах, нөхөн сэргээхэд шинжлэх ухааны үндэстэйгээр үр бэлтгэх, бэлтгэсэн үрээ стандарт шаардлагын дагуу хадгалах, сортлох, ургах чадвартай, сайн чанарын үрээр ард иргэд, аж ахуйн нэгжийг хангах боломж бүрдэж байна. Манай хүрээлэн Ойн генетик нөөцийн “Эрдэнэт” төвд үрийн лаборатори байгуулах, агуулахуудыг стандартын дагуу тохижуулах, тоног төхөөрөмж сонгоход зөвлөмж чиглэл өгч хамтран ажилласан. Цаашид ойжуулалт, нөхөн сэргээлтийн чиглэлээр олон улсын төсөл хөтөлбөрүүдийг хэрэгжүүлэх, шинэ залуу ажилтнуудыг сургах чиглэлд хамтарч ажиллана.

    Монгол Улсын Ерөнхийлөгч У.Хүрэлсүх өнөөдөр Булган аймгийн Сэлэнгэ сумын нутаг “Шар тал” хэмээх газарт Эрдэнэт үйлдвэр Мод үржүүлгийн газар байгуулах төлөвлөлттэй биечлэн танилцсанаар энэ удаагийн ажлын айлчлал өндөрлөнө. 

Эх сурвалж: “Erdenenttoday.mn

М.Одгэрэл

сэтгүүлч

Б.БАТТӨГС

Зурагчин

 

Сонгон шалгаруулалтын урилга
Сонгон шалгаруулалтын урилга
8-р сар. 18, 2022, 10:55 a.m.
Улсын бүртгэлийн ерөнхий газар болон дүүргүүдийн улсын бүртгэлийн хэлтсийн дарга нартай уулзав
Эрүүгийн 709 хэрэгт мөрдөн байцаалтын ажиллагаа явуулав
Хичээлийн шинэ жилийн нээлт Чингис хааны эш хөргийг залснаар эхэлнэ
Цагаан хорхойны шинжилгээг эцэг эх, хүүхдээс шаардахгүй
О.Ариунгэрэлт: “Их хаадын цуваа”-гийнхан XV цэцэрлэгт хүүхдээ өгч болно
М.Түмэнжаргал: Ахиад асуудал үүсгэвэл ажлаас халах саналыг Засаг даргад оруулна шүү
17 дугаар сургуулийн хичээлийн II байр сурагчдаа хүлээн авах боломжгүй байна
Гуравдугаар сургуулийн сурагчид “Хийморь” худалдааны төвд хичээллэнэ
2019 оноос хойш хийгдсэн авто болон явган хүний зам, инженерийн шугам сүлжээнд үзлэг хийлээ
Төрийн байгууллагын ажилтан, албан хаагчид нийгмийн хариуцлагын хүрээнд Хог хаягдлын нэгдсэн цэг дээр ажиллаж байна
24 байгууллагын 406 хүний оролцоотой 21 орчим га талбайд тархсан хогийг түүж хумиад байна
Хог хаягдлын нэгдсэн цэг орчмын 3 га талбайн хогийг хумьж, дарж устгаад байна
А.Түвшинжаргал: Уртын гол багт баригдаж байгаа 260 айлын орон сууцны метр квадратын үнийг аймгийн ИТХ-ын хуралдаанаар тогтоосны дараа иргэдээс өргөдөл хүлээн авна
Дөрвөн алт, дөрвөн мөнгө, нэг хүрэл медаль хүртэж Үндэсний спортын VII наадмын алтан медаль, цом хүртлээ
2022 оны хөрөнгө оруулалтаар хийгдэх зарим  ажлын  материал таталтыг хийж, бэлтгэл ажлыг хангаж байна
ХАА-н өвөлжилтийн бэлтгэл хангах ажлын явц 65,2 хувьтай хэрэгжиж байна
Амьд малын шилжилт хөдөлгөөн болон хурдан морины уралдааныг  нэг сарын хугацаатай хоригложээ
4000 орчим га газарт шинээр суурьшлын бүс үүсгэх боломжтой гэж үзжээ
Эрүүл мэнд, нийгмийн даатгалын сангийн орлогод 104.6 тэрбум төгрөгийг төвлөрүүлж, төлөвлөгөө  30.6 хувиар давж биелэв
“Яг тэдэн шиг”  бай л даа, дарга нар аа. Үгүй бол Булганы Б.Ариун-Эрдэнэ, Дарханы Б.Азжаргал нараас хол гарч сэтгэ л дээ
Гуравдугаар сургуулийн сурагчид “Хийморь” худалдааны төвд хичээллэнэ
Баян-Өндөр хайрхан уулын тахилга болно
Бүрэнбүстийн овооны наадмыг Ерөнхийлөгч асан Х.Баттулга үзэж сонирхов
Д.Соёлчхүү: ИТХ-ын дарга, аймгийн Засаг дарга, сумдын Засаг дарга нар л автомашин унана
С.Батжаргал дарга ажлын төлөө дуугарсан бол Д.Мөнхбат дарга ИТХ-ын эрх мэдлээр асуудалд хандлаа
Аймгийн Засаг дарга Солонгост, М.Түмэнжаргал дарга ОХУ-д, А.Түвшинжаргал дарга “Хангинахын шугуй”-д энэ өдрүүдийг үдэж байна
Д.Доржпүрэв: Нийтдээ 14 аймаг, 9 дүүргийн 100 гаруй тамирчин оролцож байна
Үүрэгдээд барахгүй юм, эрдэнэтчүүдийнхээ өмнөөс та нараас гуйдаг юм уу, яах вэ
Б.СОЛОНГО: БУУЖ ӨГӨХГҮЙ ТЭМЦЭХ ХҮН БҮРИЙН АМЬДРАЛ ӨӨРӨӨ АМЖИЛТ ЮМ
Ц.Бат-Энхийг IBA-гийн Ерөнхийлөгч  Умар Кремлевийн зөвлөхөөр сонгожээ
М.Түмэнжаргал: Ахиад асуудал үүсгэвэл ажлаас халах саналыг Засаг даргад оруулна шүү
Засаг дарга шуурхайдаа “эргэн иржээ”
Ц.Анандбазар гишүүн гэнэтийн бэлэг барьсан бол С.Гал-Эрдэнэ төлөөлөгч ажилч, хөдөлмөрч Хутаг-Өндөрчүүдийг 10 сая төгрөгөөр урамшуулав
УУРХАЙЧИД “ЭРДЭНЭ МАНДАЛ” ОВООГОО ТАХИЖ ШАР АДУУ СЭТЭРЛЭЛЭЭ
Эрүүгийн 2 хэрэгт нийт 10 объектод нэгжлэгийн ажиллагаа явуулав
Н.Алтанхуяг: Овоолгоос Эрдэнэт үйлдвэр, Орхон аймаг, Эрдэнэтчүүд эн тэнцүү ашиг хүртэнэ
Уурхайчдын 42 дугаар спартакиад талбайн теннисээр үргэлжилнэ
Сурагчдын зуны амралт ирэх сарын 3-наас эхэлнэ
Эрдэнэт хивс: Мод тарих талаар  ямар ч мэдээлэл өгөөгүй, бичиг тоот ирээгүй, гэхдээ бид нөхөөд модоо тарьж ургуулна
Уурхайчдын 42 дугаар спартакиад талбайн теннисээр үргэлжилнэ
Боловсролын үнэлгээний төвөөс улсын шалгалтын товыг зарлажээ
Сурагчдын зуны амралт ирэх сарын 3-наас эхэлнэ
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
ТЕНДЕРИЙН УРИЛГА
ТЕНДЕРИЙН УРИЛГА
ТЕНДЕРИЙН УРИЛГА
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
ТЕНДЕРИЙН УРИЛГА
ТЕНДЕРИЙН УРИЛГА
ТЕНДЕРИЙН УРИЛГА
Ц.Бат-Энхийг IBA-гийн Ерөнхийлөг Умар Кремлевийн зөвлөхөөр сонгожээ
Ц.Бат-Энхийг IBA-гийн Ерөнхийлөгч  Умар Кремлевийн зөвлөхөөр сонгожээ
Н.Алтанхуяг: Овоолгоос Эрдэнэт үйлдвэр, Орхон аймаг, Эрдэнэтчүүд эн тэнцүү ашиг хүртэнэ
Эрүүгийн 2 хэрэгт нийт 10 объектод нэгжлэгийн ажиллагаа явуулав
Аймгийн хэмжээнд 53865 ширхэг мод тарьжээ
“Түмбэ”-ийг буулгах биш харин ч түнтийлгэж, томруулж, тодруулах  хэрэгтэй бус уу
Эрдэнэт хивс: Мод тарих талаар  ямар ч мэдээлэл өгөөгүй, бичиг тоот ирээгүй, гэхдээ бид нөхөөд модоо тарьж ургуулна
О.Есүгэн, М.Намуун нар ДАШТ-д V байрт шалгарлаа