Аймгийн ЗДТГ-ын дарга Данзангийн Соёлчхүү хувийн шалтгаанаар ажлаас чөлөөлөгдөх хүсэлтээ аймгийн Засаг даргад гаргаад байсан. С.Батжаргал дарга түүний өргөдлийг ёсоор болгож ажлаас чөлөөлөх шийдвэр гаргасан байна. Үүний дагуу өнөөдөр морин цагт аймгийн ЗДТГ-ын дарга Д.Соёлчхүү ажлаа хүлээлгэн өгөхөөр болжээ.

Түүний ажлыг аймгийн ЗДТГ-ын Төрийн захиргаа удирдлагын хэлтсийн дарга Ш.Ганболд хүлээн авч аймгийн ЗДТГ-ын даргын үүргийг түр орлон гүйцэтгэгчээр томилогдож байгаа аж. С.Батжаргал дарга Төрийн албаны зөвлөлд аймгийн ЗДТГ-ын даргын сонгон шалгаруулалт явуулах тухай хүсэлт гаргасан нөхцөлд улсын хэмжээнд сонгон шалгаруулалт явагдах аж.