Аймгийн өрхийн эрүүл мэндийн есөн төв, хувийн хэвшлийн ортой эмнэлэг, 13 клиник, Эрүүл мэндийн газар зэрэг нийт 22 байгууллага аймгийн Засаг Даргатай 2022 онд хамтран ажиллах  гурвалсан гэрээг байгууллаа. Орхон аймагт нийт 1862 эмч, эмнэлгийн ажилтан, тусгай мэргэжилтэн ажиллаж байна.

Хувийн хэвшлийн ортой эмнэлүүдийн гүйцэтгэлийн гэрээний үр дүнг хагас болон бүтэн жилээр дүгнэж ажилдаг байна. Тухайлбал, ажлын гүйцэтгэл 2021 онд 88.2 хувийн үнэлгээтэй гарч байжээ. Харин Өрхийн эмнэлэгүүд 87-88 хувиар үнэлэгдсэн байна. Энэ оны эхний хагас жилийн байдлаар Өрхийн эрүүл мэндийн төвүүдийн үнэлгээ 79.8 хувьтай гарсан байна.