Нийтлэгдсэн: Tue, Sep 12th, 2017

Байгууллагын дарга нар “Гэрийн даалгавар”-аа хийдэггүй,зүгээр л гурилддаг

t1

 

              Аймгийн Засаг даргын энэ долоо хоногийн шуурхай дээр аймгийн Засаг даргаас есдүгээр сарын 4-нд өгсөн үүрэг даалгаврын биелэлттэй танилцсан юм. Шуурхай зөвлөгөөнийг удирдсан аймгийн Засаг даргын орлогч А.Түвшинжаргал “Манай байгууллагын дарга нар арай дэндүү байна. Өмнөх шуурхай дээр өгсөн үүрэг даалгаврын биелэлтийг нь хар даа. Биелэж, хэрэгжсэн нэг ч ажил байхгүй. Судалж байна, Явц ийм байна. Ажиллаж байна” гэсэн хариу өгдөг болжээ. Тухайлбал, хот хоорондын А1001 дугаартай автозамын хотын төвөөр дайрч өнгөрдөг хэсэгт үүссэн замын эвдрэлийг засах ажлыг яаралтай эхлүүлэх  үүрэг өгсөн атал “Орхон АЗЗА”-гаас ирсэн хариулт нь замын эвдрэлтэй танилцаж, судалж байна гэж хариу өгчээ. Мэс заслын тасгийн засварын ажлыг хүлээн авч үйл ажиллагааг хэвийн байдалд оруулан ажиллах тодорхой үүрэг өгөөд байтал өнөөдрийг болтол дуусаагүй байна. БОЭТ-ийн Мэс заслын тасаг гэж байгаа юм уу. Тэнд яаралтай хагалгаа гарахгүй  байгаа юм байх даа. Арай дэндэж байна. Есдүгээр сарын 4-нд өгсөн аймгийн Засаг даргын үүрэг даалгаврын нэг нь ч өнөөдөр биелээгүй гэж ойлголоо” хэмээн бухимдсан юм.

Ер нь долоо хоног бүрийн даваа гарагийн 11.00 цагийн Шуурхай дээр зарим нэг байгууллагын дарга нар аймгийн удирдлагуудыг үүрэг даалгавар өгч байхад гар утсаараа тоглосон шиг,  зарим нэг нь шинээр ирсэн, аль эсвэл байгууллагын даргаа орлож ирсэн залуухан эмэгтэйчүүдийг сонжиж бие биенээсээ утасны дугаарыг нь сурагласан шиг суудаг нь нууц биш.  Зарим нэг нь бүр сурцтай нь аргагүй суугаагаараа зүүрэглэнэ, хэдэн минут дуг хийгээд авах нь энүүхэнд. Бүр  “Кендикраш” тоглоом тоглодог “хүнд гарууд” ч мэр сэр бий.  Харин өнгөрсөн зуны нэгэн шуурхай дээр Засаг дарга Д.Батлут дээрх нөхдүүдийг нэр цохон дуудаж хатуухан гэгч нь донгодож, бусдад нь сануулсанаар байдал нэг хэсэгтээ өөрчлөгдсөн. Хэлтэс, агентлагийн дарга нар зарим тохиолдолд өгсөн үүрэг даалгаврын биелэлтийг “Энэ ажлыг ингэж хийлээ.  Үр дүн нь энэ. Үүрэг даалгаврыг ингэж биелүүлсэн” гэсэн бүрэн дүүрэн хариулт бараг л  ирүүлдэггүй.

Үүрэг даалгаврын биелэлтийг ирүүлэхдээ  өдөр тутмын хийх ажлыг  нуршсан байдлаар бичнэ. Үгүй бол “судалж байна, хийхээр төлөвлөөд байгаа, энэ долоо хоногт хийнэ, ажлын хэсэг байгуулагдлаа, энэ асуудлаар хурал хийлээ” гэсэн хариулт өгдөг. Ялангуяа босоо удирдлагатай байгууллагуудын дарга нар бол “намайг хэн яах вэ, нохойг хэн саах вэ” гэсэн шиг Шуурхайг арай ядан өнгөрөөдөг. Хяналт шинжилгээ, үнэлгээ, дотоод аудитын хэлтсийнхэн үүрэг даалгаврын хариуг нэхэл хатуутай нэхсэний эцэст ам цагаан цаас төдий хариу ирүүлнэ. Байгууллага удирдаж байгаа зарим нэг том толгойтой дарга нар  өгсөн үүрэг даалгаврын биелэлтэд нэг иймэрхүү ханддаг явдал мэр сэр бий.  Бодит байдлыг мэдэрсэн болоод ч тэр үү, эсвэл үнэхээр тэвчээрийн хязгаарт хүрлээ гэдэг шиг орлогч дарга А.Түвшинжаргал “Тамгын газрын дарга аа, аймгийн Засаг даргын өгсөн үүрэг даалгаврын биелүүлдэггүй хэлтэс, агентлагийн дарга нарт тодорхой хариуцлага тооц, арга хэмжээ ав. Дандаа толгойг нь илсээр байтал наад байдал чинь арай дэндэж байна. Босоо удирдлагатай байгууллагын дарга нар ажил хийхгүй байгаа бол дээд шатны байгууллагын дарга, сайд нарт нь ажлаас өөрчлөх санал хүргүүл. Олон удаагийн үүрэг даалгавар тасалдаж байгаа. Бараг өөрсдөөсөө ичих цаг болоод байна. Ажил ийм байж болохгүй. Ирэх долоо хоногт үүрэг даалгавар биелүүлээгүй байгууллагын дарга нарт ямар хариуцлага тооцсон тухайгаа шуурхай дээр танилцуул” гэсэн үүрэг өглөө.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Глобал удирдагч дээд сургууль хамгийн олон тэтгэлэгт хөтөлбөртэй
  • Байгууллагын сургалтанд электрон ном, видео хичээл ашиглана
  • Гадаад багштай 45 хоногийн сургалтаар гадаадад суралцах хөнгөлөлт эдлээрэй
  • Хутаг-Өндөр суманд байгалийн гамшигт үзэгдэл болж бага насны хүүхэд энджээ
  • Б.Бат-Эрдэнэ: Ажлын цагаар төрийн албан хаагч сошиал орчинд аялахыг хориглосон
  • “Эрдэнэт”цэнгэлдэх хүрээлэнгийн хэсэгчилсэн ерөнхий төлөвлөгөөг батлав
  • Аймгийн ИТХ-ын Тэргүүлэгчид цөөнхийн төлөөлөлгүй боллоо
  • Малчин багийг 138 сая төгрөгөөр байгуулна
  • Төрийн албан хаагч 12 сая төгрөгийн хөрөнгө үрэн таран хийжээ
  • Аймгийн ИТХ-ын XI хуралдаан болж байна
  • Баянцагаан багт “Төлөөлөгчийн нэг өдөр” болов
  • “BB” гэдэг нэр, үгнээс юундаа ингэтлээ айж, бэргэнэ вэ
  • “Эрдэнэт” үйлдвэр Булган аймагт хөрөнгө оруулалт хийхээр боллоо
  • Д.Дамба-Очир: Тунгалаг аа, надаас сум аваарай, буудах хэрэгтэй
  • Хүүхдийн эмнэлгийн нээлт боллоо
  • Д.Батлут: Хүүхдүүдэд хоносон хоол өгдөг, тогооч нь халдварт өвчний нян тээгч байна
  • “Орхон эмпати” сургуулийн дотуур байрны хүүхдүүд хоолны хордлогод оржээ
  • Х.Бадамсүрэн: Дэлхийн аваргад шилдэг 40 ажилтнаа явуулахаар шийдвэрлэсэн
  • Өсвөр насныханд үнэ төлбөргүй үйлчлэх “Сэтгэл зүйн зөвлөгөө өгөх төв”-тэй боллоо
  • Д.Бүүвэйбаатар дарга аа, бохирын ус горхи мэт урссаар байг уу
  • 100 гаруй сурагчийн бүтээлийг 3.5 сая төгрөгөөр худалдан авлаа
  • Н.Үүрцайх: Би энд англи хэл сурахаас гадна амьдралд хэрэгтэй олон чадварыг сурсан
  • Х.Бадамсүрэн: “Эрдэнэт” үйлдвэр “Стандарт” банкинд нэг ч долларын төлбөр төлөөгүй
  • “Эрдэнэт” үйлдвэрийн удирдлагууд Хэвлэлийн бага хурал хийлээ
  • Д.Бат-Эрдэнэ захиралтай наймдугаар сургууль тэргүүтэй найман байгууллагад итгэл үзүүлжээ
  • Энэ хоёрын хэн нь нохой бөөстсөн юм бэ
  • Б.Мөнхдалай даргын албанд аудит хийхээс татгалзжээ
  • “Орхон АЗЗА”-г 100 хувь хувьчлахаар болжээ
  • “Сурагч менежер”-үүд сурталчилгаа хийж байв
  • Амарын талбайд сурагчдын үзэсгэлэн худалдаа болов