Нийтлэгдсэн: Sun, Dec 31st, 2017

Аймгийн ИТХ дахь АН-ын Бүлгийн даргын МЭНДЧИЛГЭЭ

OIDOV-1

                                                         Орхончууд аа, Эрдэнэт хотын иргэд ээ

    Хүн бүрийн сэтгэл шинэ он руу тэмүүлэн буй энэ цаг мөчид та бүхэндээ эрүүл энх, сайн сайханыг хүсэн мэндчилье.

    Улиран одож буй 2017 он ажилсаг бүтээлч ,шинийг эрэлхийлэгч Орхончуудын хувьд амжилт бүтээлээр дүүрэн он байлаа.

    2017 он улс орныхоо хөгжлийн түүчээг хөтлөх төрийн тэргүүнээ сонгож, өмнөх бүрэн эрхийн хугацаанд хийгдсэн бүтээн байгуулалтын ажлын үр дүнг хүртэн,шинэ бодлого зорилтуудаа тодорхойлсон он байлаа.

    2012-2016 онд Орхон аймагт хийгдсэн Баянбулаг багийн 1.3 км, Наран Шандын 2.4 км, Яргуйтын 1,8 км, Эрдэнэ багийн 1,8 км авто замаар зорчиж, гэр хорооллын маань иргэд шөнийг өдөр шиг гэрэлтүүлсэн бүтээн байгуулалтанд талархаж, Их залуу, Эрдэнэ багт барьсан 640 хүүхдийн сургуульд 1400 орчим хүүхдүүд суралцаж, 135 орон сууцны 440 блокийн дээврийн засварыг хийсэн ажлын үр дүнг амсаж, кодтой хаалга, лед гэрэл, сити тойлет, 23 байршилд хийсэн хүүхдийн тоглоомын талбай гээд олон бүтээн байгуулалтын үр шимийг амссаар байна. Мөн эдгээр жилүүдэд шинээр нээсэн 7 цэцэрлэгт 1500 орчим багачууд маань сурч хүмүүжихийн зэрэгцээ олон гэр бүлүүд ажил хөдөлмөрөө эрхлэх боломжоо эдлэн, 54 байрны гадна фасадыг будсан ажил өнөө хир нь хотыг маань чимсээр байна. Хөгжил бол хүндээ чиглэсэн байх ч учиртай. Ард иргэдийнхээ эрүүл мэндийн төлөө хийсэн томоохон бүтээн байгуулалтын нэг болох өрхийн эрүүл мэндийн төвүүдийн нэгдсэн байраар ард иргэд маань тав тухтай үйлчлүүлсээр байгаа билээ. Улс орны хэмжээнд иргэдийнхээ амьдралд бодит хувь нэмэр оруулсан орон сууцны ипотекийн зээлээр авсан дулаан байрандаа мянга мянган иргэд маань тав тухтай амьдарч байна.

    Бид ингэж хийж бүтээсэн ажлынхаа үр шимийг харахын зэрэгцээ ард иргэдийн маань тэр дундаа улс орны ачааг нуруундаа үүрч яваа уурхайчидийн сэтгэлийг гонсойлгосон олон шийдвэрүүд төр засгийн зүгээс гарч байгаад эмзэглэж байна. Найман төрлийн татвар нэмж, 65-ын бүлэг засгаа унагаж, эрх баригч нам даргаа солин, төрийн албан хаагчдыг хомроголон халаад оронд нь нутаг ус, танил тал, намын нөхөд, сонгуульд зүтгэж цүнхийг нь барьж явсан чадваргүй хүмүүсийг хүчээр төрийн албаны удирдах албан тушаалд томилж байгаа нь харамсалтай. Энэ бүхний эцэст энэ оны төгсгөлөөр Европын холбоо Монгол улсыг “хар жагсаалт”-д орууллаа.

    Гэвч бидэнд ирээдүй гэж бий. Итгэл найдвар гэж бий. Орхон аймгийн ИТХ дахь сөрөг хүчний хувьд бид ард иргэдийнхээ эрх ашгийг тууштай хамгаалан, өмнөх он жилүүд шиг бүтээн байгуулалт хийж хоосон амлалт, сүржин нэртэй даржин хөтөлбөрүүдээр бус бодит ажлаар иргэдийнхээ амьдралыг дээшлүүлэхийг шаардан, төсвийн мөнгөний зарцуулалтанд хатуу хяналт тавьж шударга дуу хоолой болон Орхончууд та бүхнийхээ төлөө ажиллах болно.

    Гэр хорооллын хөгжил,ажилгүйдэл,эрүүл мэнд,байгаль орчны доройтол, өр, нийтийн тээвэр, ахмад хөгжлийн бэрхшээлтэй иргэдийн асуудал, багш эмч нарын цалин хөлс гээд тулгамдсан олон асуудлуудыг иргэд сонгогчидтойгоо хамтдаа шийдэх боломжтой гэж үзэж байна.

    Айлчлан ирж буй 2018 он өргүй баян, өвчингүй эрүүл, амар тайван амжилт бүтээлээр дүүрэн он байх болтугай. Та бүхэндээ шинэ он, шинэ жилийн баярын мэнд хүргэе.

                                  Орхон аймгийн ИТХ -ын төлөөлөгч, ИТХ дахь АН -ын Бүлгийн дарга

                                                                                                       Ц.Ойдов

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • П.Пүрэвлхагва: Үйлдвэрийн нэг уурхайчин та энэ жил 100 гаруй сая төгрөгийн баялаг бүтээжээ
  • М.Мөнхбаатар: Уурхайчин та бүхэндээ, ахмадууддаа мэхийн ёсолъё
  • “Эрдэнэт үйлдвэр”-ийг Юмжаагийн Цэдэнбалын одонгоор шагнажээ
  • Х.Бадамсүрэн: Орон сууцны дэмжлэгийн мөнгийг 12 сая төгрөг болгож нэмэгдүүллээ
  • Хүний амь наснаас илүү бензины хэмнэлт гэж байх уу
  • Жолооны дамжаа 14 хоног болсон, гэвч…
  • П.Пүрэвлхагва: ГОК-ын цуваа төрийн хамгаалалттай цуваа биш шүү
  • Юмжаагийн Цэдэнбалын хөшөөний нээлт боллоо
  • Явган зам дагасан явган сурвалжлага III
  • Явган зам дагасан явган сурвалжлага II
  • Явган зам дагасан явган сурвалжлага I
  • П.Пүрэвлхагва: Эдийн засаг тогтворгүй бол хүн амын сэтгэл зүй тогтворгүй байдаг
  • Сургуулийн сурагчид 4 долоо хоног амарна
  • Улаан-Үд хотын зочин төлөөлөгчид “Эрдэнэт хотын өдөр”-өөр зочиллоо
  • Эрдэнэтийн шилдгүүдийг “Хотын өдөр”-өөр шагнаж урамшуулав
  • Гурван ихрийн гэр бүлд 3 өрөө байр олголоо
  • С.Батжаргал дарга нийтийн тээврийн үйлчилгээнд хяналт тавив
  • “Эрдэнэт өргөө кино театр”-ын нэр хүндэд халдсан мэдээлэлд хүлцэл өчиж, залруулга гаргаж байна
  • Номын нээлт болов
  • Улаан-Үд, Манжуур хотын төлөөлөгчид хүрэлцэн иржээ
  • Баярын хурал, Хүндэтгэлийн концерт болов
  • Тэргүүлэгч Л.Эрхбаатар сурагчидтай хамт Эрдэнэт хотын түүхээр “аяллаа”
  • С.Батжаргал дарга сурагчдад “Миний Эрдэнэт” хичээл заав
  • Өнөөдөр арванхоёрдугаар сарын 11, Эрдэнэт хотын өдөр
  • Баяжуулах үйлдвэрийнхэн Чийрэгжүүлэлтийн төвтэй боллоо
  • Дарга нар дандаа л урилгаар заларсаар байх уу
  • Сургуулийн сурагчид 4 долоо хоног амарна
  • Их хотын өдөрт эрүүл мэндийн байгууллагууд нэгджээ
  • “Хар санаа хайр сэтгэл” үзэгчдэд үнэгүй хүрнэ
  • Айргийн гозгорын олдвор Сяньбын үеийн түүхийг дэлхийд сурталчилна