Нийтлэгдсэн: Sat, Jan 27th, 2018

Д.Дэлгэрбаяр, Д.Өсөхбаяр гээд орлогч захирлуудын нэр дуулдаж эхэллээ

ETV-1

У.Хүрэлсүхийн тэргүүлсэн Засгийн газар “Эрдэнэт үйлдвэр”-ийн 49 хувийг төрийн мэдэлд авах шийдвэр гаргаад удаагүй байгаа. Саяхан Төрийн өмчийн бодлого, зохицуулалтын газраас тус үйлдвэрийн ТУЗ-ийг шинэчлэн байгуулсан. Өмнө нь 51, 49-ийн талаас 4:3 буюу нийт долоон хүний бүрэлдэхүүнтэй байсан бол энэ удаад ТУЗ-ийг таван гишүүнтэйгээр байгуулжээ. Шинэ ТУЗ-ийн анхны хуралдаан энэ сарын 22-нд буюу “Эрдэнэт үйлдвэр” ХХК-ийн Дулааны цахилгаан станцын өргөтгөлийн нээлтийн үеэр Эрдэнэт хотноо хуралдсан. Хуралдаанаар ТУЗ-ийнхөн олон асуудал шийдээгүй ч 2018 оны үйлдвэрийн төлөвлөгөөг баталсан сурагтай.

Засгийн газар Эрдэнэтийг 100 хувь мэдэлдээ авсанаар үйлдвэрийн орлогч захирлуудын сураг ажиг дуулдаж эхэллээ. Ямар ч байсан өнөө маргаашгүй Ц.Ням-Осор даргатай Төрийн өмчийн бодлого, зохицуулалтын газраас “Эрдэнэт үйлдвэр” ХХК-ийн бүтцийг баталж байгаа аж. Бүтцээс харвал өмнөх сонгодог хувилбар болох Ерөнхий захирал нэмэх нь  таван орлогч гэсэн байдлаар ажиллах гэнэ. Энэхүү ажиг сурагтай зэрэгцэн дараагийн орлогч захирлуудын нэр цохогдож, зарим нэг нь өөрийн нэрийг ч хавчуулж байх шиг. Ямар ч байсан баталгаатай гэж болох мэдээллээр бол аймгийн МоАХ-ны дарга, “Эрдэнэт Чандмань” ХХК-ийн захирал Г.Мишигийн хүргэн Д.Өсөхбаяр тус үйлдвэрийн Ерөнхий захирлын Нийгмийн асуудал эрхэлсэн орлогчоор томилогдох гэнэ. Тэрбээр энэ суудалд Ерөнхийлөгч Х.Баттулгын дэмжлэгээр сууж байгаа бололтой. Тус үйлдвэрийн Ерөнхий захирлын Санхүү эрхэлсэн орлогч захирлаар Д.Дэлгэрбаяр томилогдоно гэж ярьж байна. Тэрбээр одоо тус үйлдвэрийн Ерөнхий захирлын Нийгмийн асуудал эрхэлсэн орлогч захирлаар ажиллаж байгаа. Мэргэжил, мэдлэгийнхээ хувьд энэ суудалд тохирох хүн гэж нөхөд нь “жиргэж” эхэллээ. Үйлдвэрийн гадаад худалдаа эрхэлсэн орлогч захирлаар Ц.Батсайхан ирэх тухай дуулдана. Түүнийг МАН-ын нарийн бичгийн дарга Ц.Бат-Энхийн төрсөн ах гэдгийг иргэд анддаггүй. Х.Бадамсүрэн захирлын баруун гар болох Үйлдвэрлэл эрхэлсэн орлогч захирал бөгөөд Ерөнхий инженерээр Баяжуулах фабрикийн дарга асан н.Батмөнх болох тухай таамаг ид өрнөж байна. Магадлал ч тийм муугүй дуулдана. Хамгийн сүүлд Ерөнхий захирлын Хөгжлийн бодлогын асуудал хариуцсан орлогч захирлын суудалд Төрийн банкны захирал асан, УИХ-ын гишүүн Д.Лүндээжанцангийн дүү хэмээгддэг Д.Баярсайханы нэр гарч байна. Энэ бүхнээс харвал “Эрдэнэт үйлдвэр” 100 хувь төрийн мэдэлд ирсэнээр Эрдэнэтийн боловсон хүчнүүд орлогч захирлуудын суудалд томилогдох тухай зарим нэг мэдээллээс хуваалцахад ийм байна.

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Дарга нар энэ жил 800 гаруй сая төгрөгөөр автомашин худалдан авах нь ээ
  • 2019 оны хөнгөлөлт чөлөөлөлтийн бүрдүүлэх материалын жагсаалт
  • Хэсэгчилсэн хорио цээрийн дэглэм тогтоолоо
  • Гахайн Африк мялзан өвчний талаарх зөвлөмж
  • Хувийн эмнэлгүүд ханиадтай хүүхдийг хөнгөлөлттэй үнээр үзэж байна
  • “Эрдэнэс Тавантолгой” компанийн цэвэр ашиг 2018 онд 720 тэрбумд хүрлээ
  • С.Чинзориг: Энэ сард цалинг, ирэх сард тэтгэврийг нэмнэ
  • Дэнж багийн малчин Баатарын Зунгаажав Улсын сайн малчин болжээ
  • Аймгийн ИТХ-ын Тэргүүлэгчдийн хуралдаан болов
  • Дарга нарын шинэ жилийн баяр дуусаагүй гэнэ
  • ХАА-н МСҮТ-д зургаан мэргэжлээр 187 оюутан суралцаж байна
  • Шинэ оны босгон дээр 8 охин, оны эхний өдөр 4 хүү мэндэлжээ
  • Нэг цагийн ажлын хөлс хамгийн багадаа 1904 төгрөг боллоо
  • Төрийн албан хаагчдад нэмэгдэл олгоно
  • “Эрдэнэт үйлдвэр”ХХК-ийн нэр бүхий хүмүүст төрийн одон, медаль гардуулав
  • МЭНДЧИЛГЭЭ
  • “Эрдэнэт үйлдвэр”-ийн мастерууд зөвлөлдлөө
  • Шагнал гардуулах ёслол болов
  • Д.Батлут: Эрдэнэтчүүддээ Тусгаар тогтнолоо сэргээн мандуулсаны түүх 107 жилийн ойн мэнд хүргэе
  • Г.Батсуурь: А.Амар нь Монгол улсын Ерөнхий сайдаар хоёр удаа ажиллаж байсан
  • Д.Пүрэвлхагва: Үндэсний эрх чөлөө, тусгаар тогтнолоо сэргээн мандуулсаны ойн баярын мэнд хүргэе
  • А.Амарын хөшөөнд цэцэг өргөлөө
  • “Найдвар” төвийн хүүхдүүдэд Ерөнхий захирлын бэлэг гардуулав
  • Мастерууд манлайлах хүчээ нэгтгэв
  • Хүүхдүүдийнхээ хүслийг биелүүллээ
  • МЭНДЧИЛГЭЭ
  • Үр дүнгийн гэрээгээ дүгнэж байна
  • Хэсгийн ахлагч нарынхаа үгийг сонслоо
  • Аймгийн удирдлагууд цэргийн алба хаагчдаа эргэлээ
  • Сургуулиуд шинэ кабинеттэй болжээ