Нийтлэгдсэн: Thu, Feb 1st, 2018

“Тойрон хүрээлэгчид” нь иргэд юм биш үү

UULZALT-3

             Аймгийн Засаг дарга Д.Батлут нэгдүгээр сарын 6-наас эхлэн иргэдтэйгээ уулзаж, 2017 онд хийж бүтээсэн ажлаа тайлагнасан. Өөрөөр хэлбэл, нэг жилийн турш хийсэн ажлын тайлангаа иргэддээ тавьсан гэсэн үг л дээ. Гэтэл сүүлийн үед сошиал сүлжээнд аймгийн Засаг даргын иргэдтэй хийсэн уулзалтыг шүүмжилж, “Тойрон хүрээлэгчдийн уулзалт” гэх зэргээр бичиж байна. 1990-ээд оны ардчилсан хувьсгалын үеэр л “Цэдэнбал, түүний тойрон хүрээлэгчид” гэсэн хэллэг гарч түүнийг үгүй хийхийн төлөө тэмцэж, жагсч байсан удаатай. Тэр цагаас хойш “Тойрон хүрээлэгч” гэдэг хэллэг олны анхааралд өртөж байсангүй.

Хэвлэлийнхэн бид аймгийн Засаг даргын иргэдтэй хийх уулзалтад оролцож  явлаа. Гэхдээ бүгдэд нь очиж амжаагүй гэдгээ хэлэх нь зөв байх. Бидний очиж ажилласан  уулзалтад хэвлэлийнхэн “Тойрон хүрээлэгчид”-ийг олж хараагүй. Тухайн багийн иргэд, оршин суугчид нь Засаг дарга Д.Батлутад учирч байгаа бэрхшээл, зовлонгоо тоочиж, орон гэргүй зарим нэг нь гэр олгож өгөх хүсэлтээ гаргаж байхтай бишгүйдээ л таарсан.

UULZALT-2

Аймгийн удирдлагын зүгээс аль болох гарц шийдэл гарган ажиллаж зарим нэг зүйлийг газар дээр нь шийдэж байсан нь иргэдэд харин ч илүү таалагдсан болов уу. Эдгээр уулзалт дээр “улстөрчид” харин ч идэвхтэй, санаачлагатай ажиллаж байсан. Тухайлбал, Шанд, Даваат багийн уулзалт дээр АН-ын үүрийн дарга эмэгтэй хамгийн түрүүнд асуулт асууж салхийг нь хагалж, “хийсэн ажлуудаас чинь хөрсөн дээр буусан нь юу байна. Энд цугласан хүмүүсээс хэд нь ажилтай орлоготой болов” гэж асуугаад хариултаа сайн гэгч нь авч байсан. Тэгвэл энэ хүн уулзалтад хүрэлцэн ирснээрээ Д.Батлутын “Тойрон хүрээлэгч” болох уу. Тэр ч бүү хэл гар утсан дээрээ шууд бичлэг хийж байгаа харагдсан. Үнэхээр “тойрон хүрээлэгчид” цугласан бол юун бичлэг хийх, асуулт тавих өөр дүр зураг өрнөх биш үү.

 Бас нэгэн жишээ байна.  Даваат багийн оршин суугч нэгэн эмэгтэй “манай хүүхэд охин нохой авчирч тэжээсэн. Гэтэл хашаанаас ноход салахаа болилоо. Шөнө, оройн цагаар гэрээсээ ч гарч чадахгүй, бариулчих гээд байна. Үүнийг устгаад өгөөч, дарга аа” гэсэн. Засаг дарга Д.Батлут Хот тохижуулах газрын даргад асуудлыг нэн даруй шийдэх үүрэг өгч байсан. Хоёр хоногийн дараа багийн даргаас энэ асуудлыг тодруулахад “иргэний хүсэлтийг Хот тохижуулахынхан шийдсэн” гэж дуулдсан. Дөнгөж төрсөн эхнэртээ аяга шөл өгөх гээд эмнэлэгийн чиглэлд явдаг автобусанд суусан ч замдаа кондукторт нь чирэгдээд хүчээр хөөгдсөн иргэн “энэ асуудлыг анхаараач, надаас өөр хөгшин хүнийг ч хайрлахгүй чирээд буулгачихаж магадгүй болжээ” хэмээн аймгийн Засаг даргадаа хандсан. Иргэн нь уулзалтын үеэр аймгийн удирдлагадаа хандахгүй бол өөр хаана, хэнд хүсэлтээ гаргах вэ. “Энэ иргэний гомдлын дагуу асуудлыг судалж арга хэмжээ ав. Маргааш өглөө юу хийснээ мэдэгд” гэдэг үүргийг зохих албаныханд өгсөн удаатай. Үйлчлүүлэгчээ хөөж, чирч буулгасан тэр кондуктор ажлаасаа халагдсан тухай “ББ-ОД” ХХК-ийн удирдлага албан бичиг ирүүлсэн байдаг. Энэ бүхнээс харвал аймгийн Засаг дарга “Тойрон хүрээлэгчид”-тэй биш Эрдэнэт хотын оршин суугчидтай бүр цаашилбал аймгийнхаа иргэдтэй л уулзсан юм биш үү.

UULZALT-1

Энэ жилийн уулзалт өмнөхүүдээс ихээхэн онцлогтой байсан. Засаг дарга энэ удаад эмч, багш нар, төрийн албан хаагчид, Хот тохижуулах газар, “Эрдэнэт- Булганы цахилгаан дамжуулах сүлжээ” ТӨХК-ийн ажилчидтай уулзсан. Тулгамдсан асуудлыг нь шийдэж л байсан. Хот тохижуулах газрын ажилтан “Та ч их ажилтай юм, би ч их ажилтай юм. Та ирээд уулзаж байна. Би орон гэргүй хүн. Гэр олгож өгөөч” хэмээн хүсэлтээ гаргасан. Д.Батлутын зүгээс тэрхүү иргэнд гэр олгох шийдвэр гаргаад зогсохгүй Хот тохижуулах газрын ажилчдын цалинг нэмэгдүүлэхээр болсон. Өнгөрсөн оны сүүлчээр Засгийн газраас төрийн албан хаагчдад 300 мянган төгрөг олгосон. Тэгвэл энэ мөнгө “шар хантаазтангуудад” олдоогүй. Тиймээс Засаг дарга тэдний цалинг нэмэгдүүлэхээр шийдсэн болов уу.

Эмч нартай хийсэн уулзалт сүүлдээ ихээхэн сонирхолтой болсон. БОЭТ-ийн бараг  бүх тасгийн эмч нар “Манай тасаг 1983 онд ашиглалтад орсон цагаас хойш хөрөнгө оруулалт хийгдээгүй. Манайд тийм ч аппарат, ийм ч тоног төхөөрөмж хэрэгтэй байна. Мөнгийг нь шийдэж өгөөч” гэж гуйсан. Өрхийн эмч нар “Айл өрхөөрөө  явах гэсэн юм. Бензиний мөнгө өгөөч. Манай өрхийн эмнэлэг машингүй. Бидэнд машин өгөөч” гэж гуйж байсан. Засаг дарга тэдний хүсэлтийг хангаж “Одоо хоёр машин ирнэ. Нэгийг нь танайд олгоё. Засаг даргын нөөц хөрөнгөнөөс танайд тоног төхөөрөмж авч өгнө” гэж байсан. Эмч нартай хийсэн уулзалтад оролцсон хэвлэлийнхэн “Өрхийн эмч нар дуудлагад явган явахаа больжээ. Өрхийн эмнэлэг бүгд машинтай болж байна. БОЭТ орчин үеийн ямар ч техник, тоног төхөөрөмжгүй болж. Засаг дарга гэдэг хүслийг биелүүлэгч шидэт хүн байдаг юм байна” гэж өөр зуураа шивнэж  суусан. Энэ бүхнээс харвал энэ удаагийн иргэдтэй хийсэн Засаг даргын уулзалт “Тойрон хүрээлэгчид”-тэй биш иргэдтэй, эмч, багш нар, төрийн албан хаагчид гэлтгүй Хот тохижуулахныхантай ч уулзсан. “Худал үгийг мянга давтахаар үнэн болдог” гэдэг ч үнэн хэрэгтээ иргэдтэй хийх уулзалтад “Тойрон хүрээлэгчид” биш АН-ын, МАХН-ын гишүүний батлахтай иргэд  олон  ирсэн нь үнэнд илүүтэй нийцнэ. Уулзалтад ирсэн иргэдийг “тойрон хүрээлэгчид” хэмээн нэр, цол өгч цагааныг харлуулах гэж оролдох нь энэ өвлийн улс төр яавч биш. Харин ч иргэдээрээ өөрийгөө хүрээлүүлж чадаж байгаа Д.Батлутын тэрхүү арга мэхнээс “улстөрчид” суралцвал хожим “жижиг чулуугаар том чулууг хөдөлгөхөд” нэмэр болох бус уу.  

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Б.Ганзориг: Нэгийг нь Төөнөгөөд өгсөн, харин нөгөө нь….
  • “Эрдэнэс Тавантолгой”-н ТУЗ-ийн шинэ гишүүдийг томилжээ
  • АЙМГИЙН ЭДИЙН ЗАСАГ, НИЙГМИЙГ 2019 ОНД ХӨГЖҮҮЛЭХ ҮНДСЭН ЧИГЛЭЛИЙН ТӨСЛИЙГ ӨРГӨН БАРИЛАА
  • Нөхөн сонгуульд МАН үнэмлэхүй ялалт байгуулжээ
  • “Эрдэнэс таван толгой” IPO -гоо ч гаргана, иргэдэд ногдол ашиг ч тараана
  • ТОСК-ийн 315 айлын орон сууцны ус, дулаан татах хөрөнгийг шийдээгүй байна
  • “Их хаадын цуваа” цэцэрлэг, сургууль барих гэрээний заалтаа өөрчлүүлж чаджээ
  • Агаарын бохирдлыг бууруулах цахилгаан халаагуурыг туршиж эхэллээ
  • Малын гаралтай түүхий эдийн цэгүүдийг “Таван-Эрдэнэ”-д төвлөрүүлнэ
  • ЭРДЭНЭС ТАВАНТОЛГОЙ БА 1072 ШИРХЭГ ХУВЬЦАА 1072 хувьцааны талаар эндээс мэдээрэй
  • Жаргалантынхан “Ахмадын баяр”-аа тэмдэглэв
  • Аймгийн ИТХ-ын дарга П.Пүрэвлхагва Жаргалант сумын зарим өндөр настанд хүндэтгэл үзүүллээ
  • Жаргалант сум “удирдлагагүй болжээ”
  • М.Түмэнжаргал: 500 мянган төгрөг шийдэж чадахгүй юм бол агентлаг гэж байлгаад яадаг юм бэ, чи
  • С.Ганцогт: “Буянт хангай”, Бугатын модны захыг хаана
  • Хэв журам, сахилга хариуцлагыг сайжруулахад 11,6 тэрбум төгрөг шаардлагатай
  • Шанд багийн газрын гүнд 115.2 сая тонн хүдрийн нөөц байна
  • Эрдэмтэд Эрдэнэт үйлдвэрийг ч эх орноо ч хөгжүүлэхээр Эрдэнэтэд чуулж байна
  • М.Мөнхбаатар: Засгийн газар аж ахуйн асуудалд оролцдог явдал үүгээр дуусаасай гэж бодож байна
  • Б.Ганхуяг: Хувьцааны мөнгө дутуу орсон гэх гомдолтой иргэд дансны хуулгыг харах хэрэгтэй
  • “Монгол зэс” заргаа авчээ
  • Дээд шүүхээс “Эрдэнэт” үйлдвэрийн 49 хувийн асуудлаар Засгийн газрыг хууль зөрчсөн гэж үзжээ
  • Үйлдвэрлэлийн төлөвлөгөө бүх үзүүлэлтээр 100-аас дээш хувиар давж биелжээ
  • Цаг агаарын аюултай үзэгдлээс сэрэмжлүүлж байна
  • Шүүхийн шийдвэрийн дагуу дахин сонгууль болох нь ээ
  • Төрийн ажил өглөө 08.30 цагт эхэлдэг болно
  • Ж.ЭРДЭНЭБИЛЭГ: 520 тэрбум төгрөгийн татвар төлөөд байна
  • “Эрдэнэс таван толгой” Олон нийтийн зөвлөлтэй болно
  • Д.Сумъяабазар: “Эрдэнэт” үйлдвэрийн дансыг хаасан, битүүмжилсэн зүйл байхгүй