Нийтлэгдсэн: Tue, Jun 5th, 2018

“BB” гэдэг нэр, үгнээс юундаа ингэтлээ айж, бэргэнэ вэ

Xa-3

Өмнөд Солонгосын Шихэн хотын хөрөнгө оруулалтаар Эрдэнэт хотод залуу гэр бүлд зориулсан 288 айлын орон сууцны хороолол баригдах сургаар зарим нэг хүн бачимдаж орж байх газраа олж ядан, бүр сүүлдээ энэ асуудлыг гайгүй  гэгч нь улстөржүүлээд амжсан. Энэ бол өнгөрөгч хаврын “улс төрийн синдром”-ын эхлэл байлаа. Солонгосын Шихэн хот Эрдэнэт хоттой эгч дүүсийн харилцаатай. Хамтын ажиллагааны санамж бичиг хүртэл байгуулаад амжсан. Энэ ажлын хүрээнд Шихэн хотын хөрөнгө оруулалтаар Эрдэнэт хотод залуу гэр бүлийг дэмжсэн залуусын хороолол байгуулахаар төлөвлөжээ. Энэ ажлыг санаачлагч, зуучлагч нь Засгийн газрын Хэрэг эрхлэх газрын дэд дарга Бат-Өлзийн Бат-Эрдэнэ. Түүнийг цахим орчныхон “ВВ” нэрээр нь сайн мэднэ. Номонд дуртай, ном уншдаг хүмүүсийн хувьд түүний “Үг ухаан төрүүлдэг”, “Ухаарал” нэг, хоёрдугаар дэвтрээр нь хэдийнэ эчнээ таних болсон байх. Тэрбээр БНСУ-д магистрантурт сурч төгссөн гэдэг. Тиймээс Солонгос орон, солонгочуудтай ойр  хамтын ажиллагаатай байжээ. Үүнийхээ дагуу Эрдэнэт хотод хөрөнгө оруулалт оруулах, бизнес хийх гэсэн солонгосчуудыг манай аймгийн удирдлагуудтай холбоо харилцаа тогтооход  тусалсан нь өнөөдөр зарим нэг хүнийг “BB” гэдэг нэр, үгнээс айж эмээх, бүр нойргүй хонуулахад ч хүргээд байгаа бололтой. “ВВ” буюу Бат-Өлзийн Бат-Эрдэнэ гэдэг хүн ийм ажил санаачилсныхаа төлөө яагаад буруутан болох гэж. Тэгээд ч 288 айлын тэр тусмаа залуу гэр бүлд зориулсан орон сууцны хороолол баригдахад Эрдэнэтчүүд л хожихоос бус “ВВ”-д ямар унац байх бол. Улстөрчдийн утга учиргүй хардалд ажил хийж байгаа хүн бүү хэл, хийх гэж мөрөөдөж яваа хүнийг ч шантраах тохиолдол мэр сэр бий.  Тэгээд ч улсын эдийн засаг тийм ч сайн биш, хойд хормойгоороо урд хормойгоо нөхөж  яваа энэ үед гадны хөрөнгө оруулалтыг Эрдэнэт хот руу татаж байгаа түүнд “Баярлалаа” гэж хэлэхгүй юмаа гэхэд хардахгүй, улстөржихгүй, намчирхахгүй байвал их тус дэм болох учиртай.  Улс орон хийж чадахгүй байгаа энэ хүнд цагт 280 гаруй залуу гэр бүл орон сууцанд орж байвал Эрдэнэт хотод нэг өнгө, бас нэгэн чимэг болох бус уу.  Xa-2

Уг төслийн гүйцэтгэгчээр “Рич констрокшн” ХХК ажиллаж байна. Тус компанийн Ерөнхий захирал Д.Жавхлан “Төслийн хүрээнд нийтдээ 288 айлын орон сууц баригдана. Энэ онд 80 айлын орон сууцны 2 барилга бэлэн болно. Эхний ээлжийн 2 барилга 11-р сард ашиглалтад орно” гэлээ.

Шихэн хотын хөрөнгө оруулалтаар баригдах орон сууцны хороолол наадмын талбайн баруун жигүүрт оршдог. Барилга баригдах энэхүү хоёр га газар нь тийм ч ариун дагшин, хүн хүрч болохгүй эд биш гэдгийг наадах цаадахыг гадарлах  хүмүүс сайн мэднэ. Өөрөөр хэлбэл, энэ хавийн газрыг барилгажуулахаар АН-ыг засгийн эрх барьж байх үед төлөвлөж эхний ажил болох дэд бүтцийн бүтээн байгуулалтыг 2015 онд хийсэн байдаг. Төрийн ажлын залгамж чанар гэж нэг юм бий. АН-ын үед дэд бүтэц нь тавигдсан газарт МАН засаг барих үедээ байшин барьж, болохгүй гэсэн хууль байхгүй. Дэд бүтэц нь татагдсан энэ газар хэдий болтол илжрээд, барилга байшингүй байх ёстой гэж. Тэгээд ч дэд бүтцийг нь байгуулахад татвар төлөгчдийн мөнгө л гарсан. Түүнээс биш АН-ын, улстөрчдийн халааснаас нэг төгрөг ч гараагүй. Тиймээс энэ газарт орчин үеийн залуусын хороолол байгуулагдахад “Энэ их муухай бүтээн байгуулалт болжээ” гэж хашхирах нэг ч Эрдэнэт хүмүүн байхгүй л болов уу. Нөгөөтэйгүүр энэ хавийн газар цэнгэлдэх хүрээлэнтэй нэг их авцалдаад, хамаараад наалдаад байхгүй л юм билээ. Цэнгэлдэхийн баруун талаар нэг шуудуу байдаг. Нарийн яривал цэнгэлдэхийн хил хязгаар түүгээр хэмжигддэг гэдгийг албаны хүн баталж байсан. Тэгээд ч цэнгэлдэхтэй зэрэгцүүлээд, бүр дотор гадна нь биш хэдэн зуун метрийн зайтай газарт босох орон сууцны хорооллыг бүгдээрээ зөв талаас нь яагаад харж болохгүй гэж. Хуруу нэмж чадахгүйгээс хойш хошуугаа билүүдээд яах юм бэ. “ВВ” гэдэг нэр, үгнээс юундаа ингэтлээ айж бэргэнэ вэ. Эрдэнэт хотоо, Эрдэнэтчүүдээ гэсэн наашаа сэтгэлтэй ийм залуусын санаачилсан ажлыг дэмжье, үр жимс нь энэ хонхортоо л үлдэнэ.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Ц.Нямдорж: Б.Содномдаржаа, Т.Чимгээ нарын ар гэрээс уучлалт гуйж байна
  • “Эрдэнэс-Тавантолгой” ХК-г хаалттай хувьцаат компаниар бүртгэлээ
  • “Эрдэнэтийн ирээдүйн эзэд”-ийг 500 мянгаас Нэг сая төгрөгөөр урамшуулна
  • Машин авах 809 саяынхаа 280-аар нь ийм ажил хийх гэнэ
  • Гараа өргөөд хэлээ гаргаад бууж өгөх үү
  • Толгойгоо шаагаад яахав, хажуухан талд чинь дотрын эмч байна шүү
  • Зүүнбаянд амиа алдсан байлдагчийн ар гэрийхэн суулт зарлаж байна
  • Найзууд нэг л буруу сэвээд байх шиг
  • Нойтон цас орж, цасан шуурга шуурна
  • Л.Оюун-Эрдэнэ: Нийт 111 сая ам.долларын асуудалд 49 хувьтай хамаарал бүхий 5-6 компани байна
  • Төрийн жишиг менежмент
  • 20 орчим ажилд 2.4 тэрбум төгрөг зарцуулжээ
  • “Монголиан коппер корпорейшн” ХХК-ийнхан Ерөнхий сайдад хэлцэл хийх хүсэлт хүргүүлжээ
  • Эрүүл мэндийн даатгал хувиараа төлөгчдийн хураамж нэмэгджээ
  • Орлогчийг нь хөөж явуулаад ч даргынх нь бараа сураг гарсангүй
  • Аймгийн дарга нар гурван замын постын “босстой” танилцлаа
  • АН: Гэмт хэрэгт холбогдсон хэнийг ч өмгөөлөхгүй
  • Ажлаасаа чөлөөлөгдөж, өрөөгөө лацдуулсан эрхмүүд хэн хэн бэ
  • Цагдаагийнхан үйлдвэрийн захиргааг хүчитгэсэн хамгаалалтад авчээ
  • 18.30 цагт Б.Шинэбаатарын өрөөг битүүмжиллээ
  • “Эрдэнэт үйлдвэр”-ийн 49 хувийн талын 8 даргыг ажлаас нь чөлөөллөө
  • А.Түвшинжаргал: Хяналтын байгууллагууд Хивсний үйлдвэрийг шалгаач ээ
  • А.Түвшинжаргал: Хяналтын байгууллагууд Хивсний үйлдвэрийг шалгаач ээ
  • “Эрдэнэт үйлдвэр”-т зургаан сарын хугацаатай онц байдал зарлалаа
  • “Шинэ толь бичиг” сонины анхны дугаарыг 10 копейкээр зарж байжээ
  • “51 хувьтай холбоотой өрийн асуудлаа яаралтай шийдэх ёстой”
  • Хувь хүний нэр хүндтэй холбоотой гэдэг шалтгаанаар асуудлыг нуугаад өнгөрөх үү
  • Д.Батлут: Иргэн бүрийн оролцоогоор өргөс байвал авагддаг, өвчин байвал эдгэдэг юм шүү
  • Ц.Ганхуяг: 253 өрхийн үйлдвэрлэгчийг гудамжинд гаргамааргүй байна
  • Д.Эрдэнэбилэг, О.Орхон, Ц.Пүрэвтүвшин нарыг саатуулжээ