Нийтлэгдсэн: Fri, Nov 30th, 2018

Эрдэнэтчүүдийг 750 сая төгрөгөөр торгохыг ИТХ-ын төлөөлөгчдөд үүрэг болгожээ

Аймгийн ИТХ-ын ээлжит хуралдаан өнөөдөр болно. Энэ хурлаар аймгийн 2019 оны төсвийг хэлэлцэн батална. Манай аймгийн хувьд төсвөө өөрөө бие даан бүрдүүлдэг цөөн хэдэн аймгийн нэг. Улсаас нэг ч төгрөгийн татаас авдаггүй ч улсын төсөвт багагүй хэмжээний мөнгө төвлөрүүлдэг. Бүр зарим тохиолдолд иргэдээ торгож байгаад төсвийн цоорхойг нөхөж мөнгийг нь улсын дансанд шилжүүлдэг гаж гэмээр тогтолцоо өнөө хэр оршин тогтнож байна. Сангийн яамнаас манай аймгийн төсвийн бүрдлийг хянаад “Хүү торгуулийн орлого” хэмээх зүйл заалтад 750 сая төгрөг бүрдүүлэх үүрэг өгчээ. Нэг үгээр бол манай аймаг иргэдийнхээ халаасыг тэмтэрч торгууль, шийтгэл ногдуулж байгаад улсын төсөвт 750 сая төгрөг бүрдүүлэх юм байна. Энэ үүргийн ихэнхийг нь Тээврийн цагдаагийнхан нуруун дээрээ үүрнэ. Тээврийн цагдаа нарын дунд орлогын төлөвлөгөө биелүүлэх уралдаан зарлачихна. Хамгийн их орлого оруулсан цагдааг нэг сая хүртэлх төгрөгөөр шагначихад хүү торгуулийн орлого бараг л санхүүгийн жилийн эхний хагаст л биелэх боломжтой болдог. Жил бүр ийм байдлаар хүү, торгуулийн орлогыг давуулан биелүүлж ирсэн учраас Сангийн яам төлөвлөгөөг нь жил бүр нэмдэг байна. Өнөө жил энэ төлөвлөгөө 500 сая төгрөг байсан бол ирэх онд 750 сая төгрөг болж нэмэгджээ.

2018 оны арваннэгдүгээр сарын байдлаар хүү торгуулийн орлого 1 тэрбум 20 сая төгрөгөөр давж биелсэн байна. Ихэнхийг нь өнөөх тээврийн цагдаагийн бүрдүүлдэг жолооч  нарыг торгосон торгуулиас бүрджээ. Эхний хасаг жилээр энэ мөнгөний 500 сая нь улсын төсөвт төвлөрсөн байжээ. Үлдсэнийг нь тодорхой хугацааны дотор бүрдүүлэх үүргийг Аудитынхан үүрэг болгож байсан удаатай. Жолооч нар хамгийн багадаа 20 мянгаас эхлээд 480 мянга хүртэлх төгрөгөөр торгуулдаг. Түүнийгээ төлөхгүй аргална гэсэн ойлголт байхгүй. Тээврийн хэрэгслийн улсын үзлэгт орох үеэр болон машинаа зарах, нэр шилжүүлэх тохиолдолд заавал торгуулиа төлөх учраас хүү торгуулийн орлого төлөгдөхгүй үлдэнэ гэсэн ойлголт байдаггүй аж. Уг нь замын хөдөлгөөнд оролцож байгаа жолооч нар дүрмээ баримтлаад соёлтой оролцоод сурчихвал хүү торгуулийн орлого бүрдэхгүй улмаар тасалдах боломж байгаа ч жолооны дамжаа дөнгөн данган дүүргэчихээд маргааш нь машин унаад замын хөдөлгөөнд оролцдог, бүр таксины мэргэшсэн жолооч болчихсон халтуурдаж яваа нөхөд улсын төсвийн цоорхойг бүрдүүлэхэд хувь нэмрээ оруулсаар байна.

Энэ удаад  Сангийн яамныхан хүү торгуулиас ямар ч үнээр хамаагүй 750 сая төгрөг төвлөрүүлэх үүргийг аймгийн ИТХ-ын төлөөлөгчдөд үүрэг болгосныг өнөөдөр ёсчлон батлах нь ээ.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Дарга нар энэ жил 800 гаруй сая төгрөгөөр автомашин худалдан авах нь ээ
  • 2019 оны хөнгөлөлт чөлөөлөлтийн бүрдүүлэх материалын жагсаалт
  • Хэсэгчилсэн хорио цээрийн дэглэм тогтоолоо
  • Гахайн Африк мялзан өвчний талаарх зөвлөмж
  • Хувийн эмнэлгүүд ханиадтай хүүхдийг хөнгөлөлттэй үнээр үзэж байна
  • “Эрдэнэс Тавантолгой” компанийн цэвэр ашиг 2018 онд 720 тэрбумд хүрлээ
  • С.Чинзориг: Энэ сард цалинг, ирэх сард тэтгэврийг нэмнэ
  • Дэнж багийн малчин Баатарын Зунгаажав Улсын сайн малчин болжээ
  • Аймгийн ИТХ-ын Тэргүүлэгчдийн хуралдаан болов
  • Дарга нарын шинэ жилийн баяр дуусаагүй гэнэ
  • ХАА-н МСҮТ-д зургаан мэргэжлээр 187 оюутан суралцаж байна
  • Шинэ оны босгон дээр 8 охин, оны эхний өдөр 4 хүү мэндэлжээ
  • Нэг цагийн ажлын хөлс хамгийн багадаа 1904 төгрөг боллоо
  • Төрийн албан хаагчдад нэмэгдэл олгоно
  • “Эрдэнэт үйлдвэр”ХХК-ийн нэр бүхий хүмүүст төрийн одон, медаль гардуулав
  • МЭНДЧИЛГЭЭ
  • “Эрдэнэт үйлдвэр”-ийн мастерууд зөвлөлдлөө
  • Шагнал гардуулах ёслол болов
  • Д.Батлут: Эрдэнэтчүүддээ Тусгаар тогтнолоо сэргээн мандуулсаны түүх 107 жилийн ойн мэнд хүргэе
  • Г.Батсуурь: А.Амар нь Монгол улсын Ерөнхий сайдаар хоёр удаа ажиллаж байсан
  • Д.Пүрэвлхагва: Үндэсний эрх чөлөө, тусгаар тогтнолоо сэргээн мандуулсаны ойн баярын мэнд хүргэе
  • А.Амарын хөшөөнд цэцэг өргөлөө
  • “Найдвар” төвийн хүүхдүүдэд Ерөнхий захирлын бэлэг гардуулав
  • Мастерууд манлайлах хүчээ нэгтгэв
  • Хүүхдүүдийнхээ хүслийг биелүүллээ
  • МЭНДЧИЛГЭЭ
  • Үр дүнгийн гэрээгээ дүгнэж байна
  • Хэсгийн ахлагч нарынхаа үгийг сонслоо
  • Аймгийн удирдлагууд цэргийн алба хаагчдаа эргэлээ
  • Сургуулиуд шинэ кабинеттэй болжээ