Нийтлэгдсэн: Sat, Dec 1st, 2018

Байцааны зоорийг цагдаад шалгаж байна

                Жаргалантын ногоочдын байцааг хадгалахыг төрөөс дэмжиж 2015 онд аймаг орон нутгийн төсвөөс хөрөнгө гаргаж 500 тоннын багтаамжтай зоорь барихаар шийдсэн байдаг. Тэгвэл энэ зоорь өнөө хэр ашиглалтад ороогүй, Жаргалантын ногоочид байцааны зоорьгүй аргаа барж байна. Энэ асуудал саяхан хуралдсан аймгийн ИТХ-ын хуралдаан дээр яригдсан халуухан сэдвийн нэг байлаа.

Төлөөлөгчид Жаргалантын ногоочдын байцааны зоорьны асуудал ямар шатандаа яваа талаар асуусан юм. Аймгийн Хууль зүйн хэлтсийн дарга Б.Ганзориг “Байцааны зоорьны зураг төсвийг Ролби ХХК гүйцэтгэсэн. Барилгын ажлыг нь Хувьт Уул компани хийсэн. Ажлын гүйцэтгэл 85-90 хувьтай байгаа. Байцааны зоорьны ажил дээр маргаан, хэрэг үүссэн. Зургийг нь анхнаас нь буруу хийсэн юм билээ. Мэргэжлийн хяналтын газраас байцааны зоорьны зориулалтаар ашиглах боломжгүй гэсэн дүгнэлт гарсан. Улсын комисс хүлээн аваагүй байгаа. Барилгын төсөвт ажил нь 350 гаруй сая төгрөгийн өртөгтэй. Өнөөдрийн байдлаар цагдаа дээр хэрэг үүсгэн шалгагдаж байгаа”  гэсэн юм. Жаргалантын ногоочдын хувьд Эрдэнэтчүүдийг монгол байцаагаар хангахын тулд  байцааны зоорьтой болчих гээд 4 жил нүдээ хөхөртөл хүлээж байгаа. Зоорь байхгүй учраас байцаагаа жил бүрийн намар хөлдөхөөс нь өмнө ченжүүдэд хямд үнээр өгч ашиг ч үгүй алдагдал ч үгүй ажилладаг тэдний хувьд байцааны зоорьтой болох нь энэ насны мөрөөдөл.

Тэдний мөрөөдлийг биелүүлэхийн тулд орон нутгаас хөрөнгө гаргаж зоорь бариулахаар шийдсэн ч өнөөдөр “байцааны зоорьны барилга” нэг иймэрхүү л байна. Үр дүнд нь Эрдэнэтчүүд өвлийн турш хятад байцааг монгол гэж өөрийгөө хуурч байж иддэг л болсон. Ямар ч байсан албаныхны өгч байгаа мэдээллээс харвал Жаргалантын ногоочид мөддөө байцааны зоорьтой болохгүй нь ээ.

 

Мэдээг нийтэлсэн

-

Cэтгэгдэл үлдээх

Анхааруулга !!!
Уншигчдын бичсэн сэтгэгдэлд erdenetnews.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг ******* утсаар хүлээн авна.
ШИНЭ МЭДЭЭ:
  • Дарга нар энэ жил 800 гаруй сая төгрөгөөр автомашин худалдан авах нь ээ
  • 2019 оны хөнгөлөлт чөлөөлөлтийн бүрдүүлэх материалын жагсаалт
  • Хэсэгчилсэн хорио цээрийн дэглэм тогтоолоо
  • Гахайн Африк мялзан өвчний талаарх зөвлөмж
  • Хувийн эмнэлгүүд ханиадтай хүүхдийг хөнгөлөлттэй үнээр үзэж байна
  • “Эрдэнэс Тавантолгой” компанийн цэвэр ашиг 2018 онд 720 тэрбумд хүрлээ
  • С.Чинзориг: Энэ сард цалинг, ирэх сард тэтгэврийг нэмнэ
  • Дэнж багийн малчин Баатарын Зунгаажав Улсын сайн малчин болжээ
  • Аймгийн ИТХ-ын Тэргүүлэгчдийн хуралдаан болов
  • Дарга нарын шинэ жилийн баяр дуусаагүй гэнэ
  • ХАА-н МСҮТ-д зургаан мэргэжлээр 187 оюутан суралцаж байна
  • Шинэ оны босгон дээр 8 охин, оны эхний өдөр 4 хүү мэндэлжээ
  • Нэг цагийн ажлын хөлс хамгийн багадаа 1904 төгрөг боллоо
  • Төрийн албан хаагчдад нэмэгдэл олгоно
  • “Эрдэнэт үйлдвэр”ХХК-ийн нэр бүхий хүмүүст төрийн одон, медаль гардуулав
  • МЭНДЧИЛГЭЭ
  • “Эрдэнэт үйлдвэр”-ийн мастерууд зөвлөлдлөө
  • Шагнал гардуулах ёслол болов
  • Д.Батлут: Эрдэнэтчүүддээ Тусгаар тогтнолоо сэргээн мандуулсаны түүх 107 жилийн ойн мэнд хүргэе
  • Г.Батсуурь: А.Амар нь Монгол улсын Ерөнхий сайдаар хоёр удаа ажиллаж байсан
  • Д.Пүрэвлхагва: Үндэсний эрх чөлөө, тусгаар тогтнолоо сэргээн мандуулсаны ойн баярын мэнд хүргэе
  • А.Амарын хөшөөнд цэцэг өргөлөө
  • “Найдвар” төвийн хүүхдүүдэд Ерөнхий захирлын бэлэг гардуулав
  • Мастерууд манлайлах хүчээ нэгтгэв
  • Хүүхдүүдийнхээ хүслийг биелүүллээ
  • МЭНДЧИЛГЭЭ
  • Үр дүнгийн гэрээгээ дүгнэж байна
  • Хэсгийн ахлагч нарынхаа үгийг сонслоо
  • Аймгийн удирдлагууд цэргийн алба хаагчдаа эргэлээ
  • Сургуулиуд шинэ кабинеттэй болжээ