Аймгийн ИТХ-ын Зөвлөлийн хурлаар орон нутгинй өмчит байгууллагуудын 2023 оны эхний хагас жилийн ажлын тайлантай танилцав. Танилцуулгыг аймгийн орон нутгийн өмчийн газрын дарга Л.Оюунгэрэл хийв.  Нийтлэг үйлчилгээний алба нь аймгийн Иргэдийн төлөөлөгчдийн хурлын тэргүүлэгчдийн 2016 оны аравдугаар сарын 4-ний өдрийн 113 дугаар тогтоолоор үүсэн байгуулагдсан. Өнөөдрийн байдлаар 53 орон тоотой ажиллаж байгаа аж. Нутгийн удирдлагын ордон, захиргааны 3, 4 дүгээр байр, Төрийн үйлчилгээний нэгдсэн төв байр, аймгийн ЗДТГ-ын спорт заал гэсэн 5 объектын харуул хамгаалалт, зохицуулалт цэвэрлэгээ үйлчилгээг хариуцдаг байна. Үүний зэрэгцээ цахилгааны болон сантехникийн эвдрэл гэмтэл гаргахгүй байх нөхцөл бололцоог ханган ажиллах үүрэгтэй ажээ.

Тус байгууллагын 2023 оны Гүйцэтгэлийн төлөвлөгөөнөөс харвал цаашид анхаарах шаардлагатай зүйл байна. Үүнд, Гүйцэтгэлийн төлөвлөгөөний биелэлтийг Засгийн газрын 2020 оны 217 дугаар тогтоол, Засгийн газрын Хэрэг эрхлэх газрын даргын 100 дугаар тушаалын 7 дугаар хавсралтын дагуу байгууллагын гүйцэтгэлийн тайлангийн загвараар тайлагнах шаардлагтай. Мөн байгууллагын стратеги төлөвлөгөөний хэрэгжилтийг Засгийн газрын 2020 оны 216 дугаар тогтоол, Засгийн газрын Хэрэг эрхлэх газрын даргын 2020 оны 100 дугаар тушаалын 7 дугаар хавсралтын дагуу биелэлтийг тайлагнан “Бодлогын баримт бичгийн хэрэгжилт болон Захиргааны байгууллагын үйл ажиллагаанд хяналт-шинжилгээ, үнэлгээ хийх нийтлэг журам”-ын дагуу 2 жил тутамд үнэлж, тухайн жилийн 2 дугаар улиралд багтаан төсвийн Ерөнхийлөн захирагчид танилцуулдаг. Үүнийг жилийн эхний тайлангийн нэршилд анхаарах. Гуравдугаарт, төлөвлөсөн зорилт, арга хэмжээний биелэлтийг шалгуур үзүүлэлтийн дагуу товч, тодорхой тоо баримттайгаар үр дүнг тайлагнах. /Жишээ нь 5 зорилтын  1 дүгээр арга хэмжээ/

Дөрөвдүгээрт, тайлан мэдээг үнэн зөв ирүүлэх тухай зөвлөмжийг аймгийн Орон нутгийн өмчийн газраас зөвлөмж хүргүүлжээ.