Аймгийн ИТХ-ын зөвлөлийн хурлаар Орон нутгийн өмчит байгууллагуудын 2023 оны эхний хагас жилийн үйл ажиллагааны хэрэгжилтийн тайланд хийсэн дүгнэлттэй танилцсан. Танилцуулыг аймгийн орон нутгийн өмчийн албаны дарга Л.Оюунгэрэл хийлээ. Манай аймгийн хувьд хамгийн олон хүн ажилладаг орон нутгийн өмчит байгууллага бол “Эрдэнэт ус, дулаан түгээх сүлжээ” орон нутгийн өмчит хувьцаат компани юм. Орхон аймгийн эдийн засаг нийгмийн хөгжүүлэх үндсэн чиглэл, Засаг даргын үйл ажиллагааны хөтөлбөр, болон компанийн бизнес төлөвлөгөө, Өвлийн бэлтгэл ажлын төлөвлөгөө, байгууллагын үйл ажиллагааны төлөвлөгөөг үндэслэн төвлөрсөн дулаан, цахилгаан, усан хангамж, ариутгах татуургын шугам сүлжээ, барилга байгууламж, тоолуурын лаборатори, орон сууцын цахилгаан шатны ашиглалт, засвар үйлчилгээг хариудаг жаээ.м Тус байгууллага  нь 2023 оны байдлаар компанийн хэмжээнд 11 тусгай зөвшөөрлийн хүрээнд 4 хэлтэс, 3 хэсэг, 6 албатай нийт 328 орон тоотой ажилладаг байна.

Аймгийн Орон нутгийн өмчийн газраас 2023 оны эхний хагас жилийн ажлын тайланд нь 58.8 хувь гэж үнэлжээ. Тус байгууллага 2023 онд 18 зорилтын хүрээнд 40 арга хэмжээг авч хэрэгжүүлэхээр төлөвлөжээ. Гэсэн хэдий ч тайлангийн тодорхой зөрчил байгааг тогтоон улмаар зөвлөмж өгч ажилласан байна. Үүнд, Архив, албан хэрэг хөтлөлтийн тухай хууль болон холбогдох, дүрэм журмын хэрэгжилтийг хангах, стандартыг мөрдөх, Төлөвлөсөн зорилт арга хэмжээний биелэлтийг шалгуур үзүүлэлтийн дагуу товч тодорхой тоо баримттайгаар үр дүнг тайлагнахыг зөвлөсөн байна.