Энэ зун нийт 10,000 гаруй метр квадрат талбайн эвдрэлийг  нөхөхөөр зураг төсөв тооцоог гаргаад байгаа.  Өнөөдрийн байдлаар “Танил” захаас Шанд багийн халуун ус хүртэлх гэр хорооллын дундах авто замын нөхөөсийг хийж дууссан бол орон сууцны дундах авто зам нөхөөс Уурхайчин багт үргэлжилж байна. 
      Нөхөөс хийхээр төлөвлөгдсөн авто замын хэсгүүдэд БОЭТ орчимд 2000 гаруй, Барилгачдын талбай орчимд 3500 гаруй , Үйлчилгээний төв орчимд 1100 метр квадрат талбай тус тус багтсан. Мөн орон сууц, гэр хорооллын дундах авто замууд болон  Жаргалант сумын  орон сууцны хороолол дотор гарсан 259 метр квадрат талбай багтаж байгаа юм. 

       Авто замын нөхөөс, засвар үйлчилгээтэй холбоотой ажлыг энэ наймдугаар сард багтаан дуусгах төлөвлөгөөтэй ажиллаж байна. 
Шинээр үүссэн эвдрэлүүдийг засварлах хөрөнгийн эх үүсвэрийг баяр наадмын өмнө төсвийн тодотгол хэлэлцэх үед аваарын зардал дээр  тусгасан. Энэ нь нийт 860 гаруй сая төгрөг юм. Одоогийн байдлаар гэр хороолол болон орон сууцны хороолол доторх  3700 метр квадрат талбайн авто зам нөхөөсийн ажил хийжээ. 

Мэдээллийн төв