Засгийн газрын 113 дугаар тогтоолоор батлагдсан “Жижиг дунд үйлдвэрийг хөгжүүлэх сангаас хөнгөлөлттэй зээл олгох, сонгон шалгаруулах, дамжуулан зээлдүүлэх, эргэн төлүүлэх, хяналт тавих журам”-ын дагуу бичил үйлдвэр, үйлчилгээ эрхлэгчийн зээлийн хүсэлтийг цахим хэлбэрээр www.sme.gov.mn-аар дамжуулан авч байна. ЖҮДХС-гаас 2025 онд олгож байгаа уг зээлийн материалыг ирэх дөрөвдүгээр сарын 7-ны өдөр хүртэл хүлээн авна. ЖДҮ-гийн зээлийг хүнсний боловсруулах үйлдвэр, мод модон бүтээгдэхүүн, төмөр хийцийн үйлдвэрлэл, сав баглаа боодлын үйлдвэр, агро аж ахуй, гахай, зөгий, тахианы туслах аж ахуй эрхлэгчдэд олгох аж. Энэхүү хөнгөлөлттэй зээлийн нөхцөл нь 5 хүртэлх жилийн хугацаатай, үндсэн төлбөрөөс 12 сар хүртэл чөлөөлнө, жилийн 5 хувийн хүүтэй байна.