“Хамтдаа Эрдэнэтэд хөгжье-2023” эдийн засгийн форумын бүртгэл эхэлжээ. Энэ сарын 15 буюу энэ пүрэв гаригт “Хамтдаа Эрдэнэтэд хөгжье-2023” эдийн засгийн форум болно.

Орон нутгийн эдийн засгийн хөгжил, шийдлийн талаарх илтгэлүүд мөн орон нутагт хэрэгжих боломжтой томоохон төслүүдийг гурван өдөр үргэлжлэх энэхүү арга хэмжээгээр танилцуулах юм.

Арга хэмжээний хоёр дахь өдөр буюу 16-нд 2021 онд зохион байгуулсан эдийн засгийн форумын үр дүнгээс гарсан “Цахим Эрдэнэт-1” хөтөлбөрийн хүрээнд хийж буй “Смарт Эрдэнэт” аппликешний нээлтийн үйл ажиллагаа болно.

Орон нутгийн нийгэм эдийн засгийн хөгжлийг хурдасгах, бизнес эрхлэгч иргэн, аж ахуйн нэгж байгуулагуудыг идэвхжүүлэх, орон нутгийн цахим шилжилтийн талаар танилцуулах зорилгоор зохион байгуулж буй энэхүү арга хэмжээнд оролцох хүсэлтэй иргэн, ААНБ-ууд дараах QR кодыг уншуулж бүртгэлээ хийлгэнэ үү.