Аймгийн Засаг даргын шуурхай хуралдав. Шуурхайг Засаг дарга С.Батжаргал удирдан явууллаа. Шуурхайд аймгийн Засаг даргын орлогч А.Түвшинжаргал, аймгийнЗДТГ-ын дарга Ш.Ганболд болон байгууллага, хэлтэс, албадын дарга нар оролцов. Энэ үеэр аймгийн ЗДТГ-ын Нийтлэг үйлчилгээний албаны дарга Ц.Одгэрэл “Ажлын уялдаа холбоо гэж муу байна. Зарим зүйлийг хэлэхгүй бол болохгүй нь. Авто замыг дураараа сэтэлдэг явдал байна. Сэтлээд эргүүлж нөхөхдөө дутуу дулимаг, ор нэр төдий хийж байна. Барилгын компаниудын зуурмагны машинууд зуурмагаа зам дээр асгаснаас хүндрэл үүсгэж байна. Иргэд машинтайгаа явахад хүндэртэй боллоо. Хяналт тавьдаг газар гэж алга. Энэ талаар хувь хүнийхээ үүднээс хэлэхэд Чамд ямар хамаа байдаг юм бэ. Чи зүгээр л цэвэрлэгээ үйлчилгээгээ л хариуц гэх юм. Уг нь бид чинь 2020-2024 онд Батжаргал гэдэг хүний багт багтсан, хамтран ажиллах нэг багийн тоглогчид юм байгаа биз дээ. Гэтэл бусдын ажил чамд хамаагүй гэж асуудалд хандаж байна. Ингэж болох юм уу. Үүнд хариулт өгөөч” хэмээсэн юм. Ц.Одгэрэл даргын асуудалд Засаг дарга С.Батжаргал “Бид нэг багийн хүмүүс. Бусдынхаа ажил хэрэгч шаардлагыг хүлээж авдаг байх хэрэгтэй. Миний ажил чамд хамаагүй гэсэн байр сууринаас хандахгүй шүү. Тэр барилгын компаниудтай нь уулзаж замын эвдрэл, гэмтлийн асуудлыг ярих хэрэгтэй” гэлээ.